selver wechen ind nit vorder vertrecken ind sal man ouch zwei missen singen darumb ind commendacionen na der missen. ind wanne dat onser liever frouen lof us is, Audi nos singen ind des avendes vigilie lesen. Item allewege das jairs wanne dat jairgezide is suster Lisen van dem Bongart onser medesusteren die ein suster is van suster Alverit vurschr. als man ere vigilie lieset, die er geburt van ordens wegen ind recht, so sal man broder Jelis vurschr. ein collecte mit geven ind des selven avendes ietlich suster ein porcie gudes wines geven, it si zor collacien of zor tafelen und recommendiren broder Jelis ind suster Alverit vurschr. ind ir suster Lisen. Item XII malder roggen ind X gulden sal man keren alzo maele an win den susteren zo schenken, als man deit mit des convents wine, erflichen ind ewentlichen in desen maissen zo IIII hoegeziden mit namen purificacien onser liver frauen, Petri et Pauli, sent Claren dach, sent Franciscus ietlicher suster ein half quart wines. Item zo VI hoegeziden hir na geschreven ietlicher suster ein porcie gudes wines des avendes zo collacien of zor tafeln, zom eirsten up den hilligen kirstesavend na vesperen ein porcie gudes wines, up sent Quirins hoegezit, up den dach sent Kathrinen, sent Lucien dach, alle des avendes, sent Barbaren dach des morgens, want man dan des avendes win gift van Cothusen jairgezide, item up sent Gertruden dach des avendes in der vasten, ind dan sal man geven einer ietlicher suster ein porcie wins ind recommendiren onser vader den minister broder Heinrich van Werle, meister in der gotheit, der desen selven brief besiegelt hat. Item noch XII dage naschreven ietlicher suster ein porcie gudes wines zo geven des avendes up die VI sonnedage in der vasten ind VI fridage tuschen paschen ind pinxten des avendes, ind want des fridages vor pinxten[1] die stat Nuess begerent si ind willent, dat man alle wege des avendes den win geven sal, up dat man nommerme den susteren af en trecke des morgens, wat en wines geboeren mach van dem Cloister. Vort so heft onser broder Jelis besorget ind doin machen onse kachelstofe, dar zo sal man von den X gulden nemen XXX albus zo berne holtze, doch so willen sie dat man den susteren nit af en trecke den troist des avends in dem reventer, dat man al wege intsengen sal als man plach zo doin. Item dat silver dat ons laissen broder Jelis und suster Alverit vorschreven of dat wir moigen na irem afleven van dem erve winnen, als begeren si, dat man verkoufe ind
- ↑ An diesem Tage wurde die Stadtprozession zur Ehre des h. Quirinus gehalten.
Karl Tücking: Urkunden und Akten aus dem Archiv der Klarissen zu Neuss. Schwann, Neuss 1896, Seite 48. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Urkunden_und_Akten_aus_dem_Archiv_der_Klarissen_zu_Neuss.djvu/48&oldid=- (Version vom 1.8.2018)
