Seite:Zeumer Die Goldene Bulle.pdf/340

	Karl Zeumer: Die Goldene Bulle Kaiser Karls IV. (Teil 2)

54

Zeumer, Goldene Bulle, II. Teil.

[II,2

fixa per me^{[K 1]} et alios comprincipes^{[K 2]} et coelectores meos ius una mecum in electione Romanorum regis habentes michique propter inimicicias, quas^{[K 3]} reverendus in Christo pater dominus Baldewinus Treverensis ecclesie archiepiscopus et spectabilis Iohannes comes Lutzelenburgensis, dicti domini imperatoris primogenitus, cum ipsorum fautoribus et complicibus contra me habuerunt et habent, securus ad predictum locum Frankenford^{[K 4]} non pateret accessus, adeo quod non possemus absque rerum et corporis periculo ad eundem locum Frankenfurd^{[K 5]} termino supradicto venire et interesse ad electionem futuri regis Romanorum sicut premittitur celebrandam, ego nolens ius michi nomine ecclesie mee in electione predicta competens negligere illa vice et, ne michi aut ecclesie mee aliquod quomodolibet ad presens vel in posterum generari posset preiudicium in hac parte, illustrem dominum Rudolphum^{[K 6]} comitem palatinum Reni ducem Bawarie, comprincipem^{[K 7]} et coelectorem meum^{[K 8]} ac fidelem ecclesie mee, feci et constitui meum certum et specialem procuratorem sibique quoad predicte electionis tunc instantis negocium commisi totaliter vices meas, dans eidem plenam, generalem et liberam potestatem vice et nomine meo nominandi et eligendi personam idoneam in regem Romanorum in imperatorem promovendum ac iurandi in animam meam, si opus foret, iuxta formam generalis concilii, quod ego legitimo impedimento, de quo premittitur, tenerer, et quod crederem eodem impedimento adhuc me teneri in termino supradicto, quodque tunc essem in loco, de quo electores absentes vocari debent ad ipsius electionis negocium, et nichilominus alia omnia et singula meo nomine faciendi, que per me, si presens essem, facere in ipso^{[K 9]} electionis negocio possem vel quomodolibet expedire. Qui Rudolphus^{[K 10]} comes Palatinus predictus huiusmodi procurationis mee mandatum et vices meas sibi in hac parte commissas in se sponte suscipiens suo et meo nomine una cum

---

1. nos - nostros - nobiscum und so immer Plural statt Singular B.
2. conprincipes B.
3. quas reverendi in Christo patres et domini … Moguntinensis et … Treverensis ecclesiarum archiepiscopi et nobilis vir Gerhardus comes Iuliacensis cum ipsorum fautoribus usw. B.
4. Frankenfu^ord B.
5. Frankenfu^ord B.
6. Ru^odolfum B.
7. conprincipem B.
8. nostrum fecimus et constituimus nostrum certum B.
9. ipsius B.
10. dominus Ru^odolfus B.

Empfohlene Zitierweise:
Karl Zeumer: Die Goldene Bulle Kaiser Karls IV. (Teil 2). Weimar: Hermann Böhlaus Nachfolger, 1908, Seite 45. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Zeumer_Die_Goldene_Bulle.pdf/340&oldid=- (Version vom 1.8.2018)