Si iehent ich habe doch vollen teil (Mit originalen Lettern)
[282v]
Si iehent ich habe doch vollen teil·
der welte volge vn̄ ǒch die kvnſt·
war vmbe ich ſwige vn̄ nit enſinge als wilent e·
ſi redent ir zvcht got geb in heil·
vn̄ das es in gegē liebes gunſt·
bas danne mir noch gelungen ſi ze leſte erge·
in zwiuel nit vn̄ wúſten ſi·
wie rechte krank dar an geweſen iſt min gelinge
ſi ſtuͤnden mir des alle bi·
das es mir not tůt das ich ſwige vn̄ nit enſinge
ſus wunder nieman ob ich ſanges abe geſte·
Als mir in die gedankē kumet·
was ich ir liebe ſchaden habe·
dur die mī herze ſeneclichen kumb̾ treit·
vn̄ mich das nie nit hat gefrumet·
wan das ich bin gewachſen abe
an froͤiden dv́ der welt ie was von mir bereit·
ſo wirde ſinne vn̄ witze bar·
wie mocht ich danne geſingen vs ſo truͤbem můte·
min neme ir helfe beſſer [283] war·
das mir doch etteſwas von ir beſchehe ze gůte·
ſo iſt min froͤide vn̄ al min ſingē hin geleit·
Sid das ich nu nit bꝛingen mag·
der welte froͤidenrichen ſang·
des war ſo můs ǒch klage ſanges ſin geſwigen·
ob ich des ie da her gepflag·
dar an ſo was min witze krank·
das můs nu hinnen vúr vō mir gerůwet ligen·
was tǒg ze ſange ein truͤbes klagen·
ein ſúfteberndes liet ein froͤidelos gedoͤne·
geſchicht mir leit ich wils gedagē·
kumet lieb mit froͤidenrichem ſange ich das bekroͤne·
vō dirre zit ſo můs der ſitte an mir geſigen·