Sich hv̊b ein vngefvͤger zorn

Sich hv̊b ein vngefvͤger zoꝛn·
vō gv̊tē vꝛúndē vmb ein wib·
nv hant ſich beidenthalb v̾ſwoꝛn·
dc h̾ze wider minē lib·
dc h̾ze wil dē ǒgen helfen mīnē·
da wider ſtrebt der lib mit allē ſinnē·
dar zv̊ begvndē ſi mich ladē·
ich enweis wieſ ich mich vnd̾wāt·
dc ich ſi ſvͤnde vf mīnen ſchaden·

Zehant do ſi v̾ſtv̊ndē ſich·
durh minē willē als ich bat·
do tatens úbel wid̾ mich·
dc ſi mich vō der ſelbē ſtat·
liezen wid̾ wichen noh wendē·
ich enlobt in ê ich enhvlf in ir not volenden·
dc han ich vmb ein dīg getan·
gewinnē wir des^{[WS 1]} wir da gern
ſo wellen ſi mich teilē lan·

Nv han wir iem̾ wūnē vil·
erw̾bē wir dc beſte wib·
nv ſeht wie ich dāne teilen wil·
dem h̾zē h̾ze dē libe lib·
ir ſīne erteile ich minē ſīnen·
ir ǒge minē ǒgē alzemīnen·
ſi ſelbē wil ich habē mir ze mīneklich̾ ſtetekeit·
vn̄ wil mich ſelbē gebē ir·

Wan dc ich mīneklichē tobe·
ſone bī ich niht wol ſinnig mā·
dc ich mir ſelbē dc gelobe·
des ſi mir lihte nien engan·
doh wúnſch ich als ich g̾ne ſehe·
mir w̾e vil lieb dc mir wol geſchehe·
ſine ſol niht zúrnē vmbe dc
es tůt mir wol vn̄ ſchadet ir niht·
mir iſt die wile deſte bc·

Es enwiſſē alle lúte niht·
dc wúnſchē^{[WS 2]} alſe ſanfte tůt·
wc da^{[WS 3]} liebes vō geſchiht·
dc h̾ze wirdet wol gemv̊t·
ein ſelig man mag gerne wol gedenkē·
er enkan dē ſoꝛge niem̾ bas entwenkē·
dc hat mich dike dar zv̊ bꝛaht·
dc ich mī ſelbeſ h̾re wc
ſo ich ſo liebe han gedaht·

Anmerkungen (Wikisource)

1. Vorlage:dc.
2. Vorlage: wúnſhē.
3. Vorlage: dc.