Sit dc ich min ſelbes leit mv̊s mīnen
[167r]
Sit dc ich min ſelbes leit mv̊s mīnen·
welt ir wiſſen was mich deſ betwūgē hat·
ir vil loſen blike mit reinē ſinnen·
vn̄ ir mv̄t d̾ ouch ſo gar zewūſche ſtat·
ich han mengen mvnt v̾nomē·
d̾ wol lachē vn̄ ſpꝛechē kvnde
dirre mv̄t iſt all̾ dinge vollekomē·
Es iſt eī wund̾ ſwc ſi mir getête·
dc ich ir doh niem̾ kvnnde ſin gehas·
ich bin ir ſo gv̊teſ willē ſtête·
dc ich ir ī minē mv̊te nie v̾gaſ·
we weſ habe ich nv v̾iehē·
ia v̾gas ich ir vn̄ ǒch mī ſelbeſ
do mī ǒge ir loſen ǒgen ſoltē ſehen·
Mir iſt min lieb ein herzeklichú ſw̾e·
ſo iſt da bi daſ leit mī hohſte froͤide gar·
e das ich dc[WS 1] liebe leit verbere·
von dē ich vil dike ī hohē mv̊te var·
e wolt ich es iem̾ tragē·
lide ich leit von reht̾ herzeliebe·
deſ ſol ich noch niem̾ ſelig man verzagē·
Si ſol mich deſ einē lan genieſſē·
das ich ane ſi niht ganzer froͤide han·
vn̄ dc mich deſ niem̾ wil v̾dꝛieſſen·
ich welle ir mit trúwē iem̾ bi geſtan·
wol ir h̾zen dc es lebt·
ſo gar nach reineſ wibeſ gvͤte·
wol ouch dem minen dc es nach ir hulden ſtrebt·
Anmerkungen (Wikisource)
- ↑ Vorlage: ich das ich dc.