Swas der svmer froͤiden bringet

Swas der svmer froͤiden bringet·
das dien kleinen vogelin sanfte tůt·
swas dú nahtegal gesinget·
doch so truret alles mir der mv̊t·
div mich twinget vnd ie twanc·
nach der ie min herze ranc·
dú wil twingen mich ze sere·
dvr ere· singe ich núwen sanc·

Wol mich dc ich han fvnden·
ein wib der ich iemer dienen sol·
in ir dienst bin ich gebvnden·
si tv̊t mir in minen ǒgen wol·
wolde mich ir roter mvnt·
kv́ssen so were ich gesvnt·
so liesse ich min vngemvͤte·
 got ir hvͤte· dv́ mich hat verwunt·

Wolde mich dv́ minnekliche·
niht verderben so wer wol an der zit·
dc si tete dem geliche·
wie si minen senden strit·
scheiden wolt in kvrzer stunt·
minne sich ia bin ich wunt·
in wirde ane die helfe dine·
miner pine· niemer wol gesvnt·