UAlwet nu heide (Mit aufgelösten Abbreviaturen)
[285v]
UAlwet nu heide·
stent ǒwen blůmen blos·
reret lǒb der walt
vnd swigent vogellin·
das brúwent beide
wint vnd rîffen gros·
truren manig valt·
mir wachsent ist mit in·
tůt in winter zit gewalt·
so tůt mir leide
der mich noch nie verdros·
ein wip wol gestalt·
nu wol der pin sol sin·
Ich wil ir singen
wer miner klage zwir·
noch von ir so vil·
ir bild ist also fin·
das solde ringen·
ein keiser wol mit gir·
nach ir âne zil·
vnd durch si liden pin·
frǒwe miner froͤiden spil·
růche verdringen[WS 1]·
min sênde quale mir·
sid ich můs vnd wil·
genaden biten din·
Nieman den kvmber·
zer welte mir ŵenden kan·
wan din truter lip·
mins herzen troͤsterin·
des flech ich tumber
dich frǒwe wol getan·
mir die not vertrib
zelange in leide ich bin·
es stet wol dir selig wib·
sit krumb vnd krumber·
belang ich nah dir han
das din zarter lip·
zerfliesse selde min·
Anmerkungen (Wikisource)
- ↑ Vorlage: ver dringen.