Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[258r]
Vns wil ein lieht̾ ſvmer komē·
mit ſchoͤnē blv̊mē wūneklich·
d̾ vogel ſanc habe ich v̾nomē·
dú heide iſt manig̾ varwe rich·
des froͤit ſich dú nahtegal·
gegē dē wūneklichē meien
d̾ nv grůnet vb̾al·
Swie gar dú heide ī gruͤne ſtat·
doch tůn ichs w̾den frowē kvnt·
dc mich ein wib v̾ſvmet hat·
an froͤidē nv vil manige ſtūt·
d̾ ich vil gedienet han·
ich klages iv w̾dē frowē allen
ſi kan dieneſt niht v̾ſtan·
Got gebe ir ſelde vn̄ ere vil
got gebe ir mengē gůten tag·
mit dienſte ich vō ir ſcheidē wil·
ſwie ſi niht trúwē gegē mir pflag·
ie doch ſo wil ich wúnſchē ir·
dc ſi niht arger mīne pflege
ſwie ſi niht habe gelonet mir·
