Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[182r]
Wart ich ie vō gv̊tem wibe·
wol gemv̊t deſt gar ein niht·
ine weis wie ich die zit v̾tribe·
ſit dú hohgemv̊te giht·
dc ſi welle nien v̾dꝛieſſen· miner not·
owe ſol ich niht genieſſen·
gotteſ willen deſt dir tot·
Selden fruht der ǒgen ſvͤſſe·
gvnnet mir der arbeit·
dc ich frowe iv dienē mv̊ſſe·
dc wirt mir ein ſelikeit·
ich wil iemer dvr úch eren· ellú wib·
nieman kan min leit v̾keren·
ane got wan úwer lip·
Kvnde ich hohen lob geſpꝛechē·
deſ wer ich ir vndertan·
ſwie ſi welle in zoꝛne rechen·
des ich nien begangen han·
in habe doch gegē ir dekeine ſchulde me·
wan dc ich ſi mit trúwē meine·
ſeht wie dc ir guͤte ſte·
