Was ſol ein keiſˢ ane recht ein Babſt ane barmūge

Was^{[WS 1]} ſol ein keiſˢ ane recht ein Babſt ane barmūge^{[WS 2]}·
waſ ſol ein kúng ane milten můt· waſ ſol ein fúrſt ane ſcham·
waſ ſol ein vngetrůw̾ mūt dar in ein valſche zunge·
dú māgem dicke ſchaden tůt· ſi macht geſunden lan·
waſ ſol ein graf d̾ nit kan· tugende walten·
waſ ſol ein frie d̾ ſin trúwe niem̾ wil behalten·
wc ſol ein rich̾ dienſtman· d̾ ſich nit ſchanden w̾t·
waſ ſol ein ritt̾ d̾ ſin tag· mit laſt̾ hie v̾zert·

Was^{[WS 3]} ſol ein ſchones wib gar ane tugēt vn̄ ân ere·
waſ ſol ein Lantzh̾re d̾ dekeine milte hat·
waſ ſol ein pꝛieſt̾ ane kūſt d̾ rechten Gots lere·
waſ ſol ein iūg̾ ritt̾ d̾ nit ritt̾ſchaft begat·
waſ ſol ein kǒfman vn̄ hat er nit gewīne·
waſ ſúlēt kloſt̾ vn̄ bꝛůd̾ an die waren mīne·
waſ ſol ein búrg d̾ nit leiſten wil dur ſinen zoꝛn·
waſ ſol ein iag̾ an gůt hund vn̄ ân ein hoꝛn·
waſ ſol ein valkn̾ vn̄ hat er niend̾t ved̾ ſpil·
vnnútzer iſt ein kúng ob er nicht rechte Richten wil·

Anmerkungen (Wikisource)

1. Vorlage: as.
2. Vorlage: barmūg.
3. Vorlage: as.