Weſt ich wa man froͤide enpflege
[103v]
Weſt[WS 1] ich wa man froͤide enpflege·
dar wolte ich ine mac niht ſus gelebē·
dc mir trurē gar gelege·
dem wolt ich vil ſchiere ein ende geben·
ſol min froͤide alſo zergan·
ſone gebe ich niht darvmbe ſwas ich her gelebet han·
Nieman frage mir ze leide·
wes min tvmbes herze froͤwe ſich·
wil er daſ ichs ime beſcheide·
ſchone vn̄ mīnekliche dc tůn ich·
mir iſt liebes niht geſchen·
ich dinge aber ob ich es verdiene es mv́ge mir wol ergen·
Ich was ie vil ringes mv̊tes·
vnz ich eineſ wibes rede v̾nam·
ſi gehies mir vil deſ gůtes·
dc ich valſchen dingen were gram·
nv wenet ſi mich han betrǒgē·
nv lône ir got ich bin vō ir genadē wol gezogē·
Die ich ſo herzeklichē meine·
dú iſt an guͤte ein vſerwelter lib·
ſi iſt es div ſvͤſſe reine·
dú mich troͤſten mac ſúr ellú wib·
wa fvnde ich dú mir ſo wol
geviele an allen dingē niem̾ ich ſi vindē ſol·
Wir ſvln alle frowē eren·
vmb ir guͤte vn̄ iemer ſpꝛechē wol·
vn̄ ir froͤide gerne[WS 2] merē·
niemā êrte ſi ze rehte ie vol·
elliv froͤide vnſ vō in kvmt·
vn̄ alder w̾lte hoꝛt vns ân ir troſt ze nihte frumt·
Wil aber ieman gůter lâchē·
d̾ ſo wunneklichē ſi gemv̊t·
der vns kvnde fro gemachē·
dem v̾gultes got vn̄ were gůt·
ê dc ich die lenge alſo·
mit ſoꝛgē lebt ich ſturbe gerner danne ich were vnfro·