Weistum über ein Recht des Reichsmarschalls

15.

Pfalzgraf Ruprecht der Ältere beurkundet ein von ihm im Auftrage des Kaisers erfragtes Weistum über das Recht auf die beim Lehensempfang von den Fürsten gerittenen Pferde. — Nürnberg 1355, Dezember 6.

Wir Ru^oprecht der Eltere von Gotes genaden pfalntzgrafe by Ryn des heligen Römischen rychs öberigster dru^ohsezze und hertzoge in Beyrn erkennen uns offenbar mit disem brive, daz unsir liber genediger herre der allerdu^orclhu^ohtigst hochgeborn fu^orste und herre her Karel der Romische keysir zu^o allen zeyten merer des rychs und ku^onige zu^o Behem uns bevalch und hiezz vragen umb sulich roz oder pferde, da die fu^orsten ire lehen u^offe enphaen, wez die von reht solden sin. Des habin wir uns ervaren und sin gewist worden von den ku^orfu^orsten und von andern fu^orsten und von vil erbern herren, grefen und fryen, und du^oncht uns euch selbe reht sin und sprechin fu^or eyn rehte, daz die egenanden roz oder pferde nymand anders sullen sin danne unsirs o^oheims, des hochgeboren fu^orsten hertzoge Rudolfs von Sahsen oder sines undertans, wanne er des heligen Romischen rychs oberigster marschalk ist und hat ouch daz von dem Romischen ryche zu^o lehen.

Mit Urkunde ditz brives gebin under unsirm insigel zu^o Nu^ornberg an sand Nycolaus dag, do man zalt von Cristes gepu^ort dru^otzehen hundert jare darnach in dem fu^omfe und fu^omftzzigsten jare.

Original im Hauptstaatsarchiv zu Dresden. Nach Abschrift von F. Kern. Siegel an Pergamentstreifen. Auf der Rückseite in etwa gleichzeitiger Schrift: Marschalk ampt 1355. - Böhmer-Huber, Reichssachen Nr. 700.