Doctor Brants Narrenschiff/Schuldenmachern

« Von zu viel Sorge	Sebastian Brant Doctor Brants Narrenschiff	Von unnützen Wünschen »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

[32v]

Wer vil zu^o borg vff nemen wil
Dem essent wo^elff doch nit syn zyl
Der esel schlecht jn vnderwil

Von zu^o borg vffnemen

Der ist me dann eyn ander narr
Wer sta^ets vff nymbt vff borg vnd har
Vnd jn jm nyt betrachten wil
Das man spricht / wo^elff essen keyn zyl

[33r]

5

Als du^ont ouch die / den jr boßheyt

Gott lang vff besserung vertreyt
Vnd sie doch ta^eglich mer vnd mer
Vff laden / dar durch gott der herr
Ir wartet / biß das stündlin kunt

10

So bezalen sie bym mynsten pfundt

Es sturben frowen / vieh / vnd kyndt
Do der von Amorreen sünd
Vnd Sodomiten kam jr ziel /
Hierusalem zu^o boden fiel /

15

Do jm gott beittet lange jor

Die Niniuiten bezaltten vor
Gar bald jr schuld / vnd wurden quit
Doch behartten sie die lenge nit
Sie nomen vff noch gro^esser we

20

Des schickt jn gott keyn Jonas me /

All ding die hant jr zyt vnd zyl
Vnd gont jr stroß noch / wie gott will /
Wem wol ist mit nemmen vff borg
Der hat zu^o bzalen gantz keyn sorg /

25

Nit biß by den / die bald jr hendt

Strecken / vnd für dich bürgen wendt
Dann so man nit zu^o bezalen hett
Sie nemen kuter von dem bett /
Do hunger jn Egypten was

30

Nomen sie korn vff so vil / das

Sie eygen wurden hinden noch
Vnd mu^osten das bezalen doch /
Wann der esel anfocht syn dantz
Halt man jn nit wol by dem schwantz