Doctor Brants Narrenschiff/Von vermessenen Narren

Wer spricht das gatt barmhertzig sy
Alleyn / vnd nit gerecht dar by
Der hat vernunfft wie genß vnd sü

Der schmyert sich wol mit esels schmaltz
Vnd hat die büchsen an dem halß
Der sprechen gtar / das gott der herr
So ba^ermung sy / vnd zürn nit ser

Ob man joch etwan sünd volbring /

Vnd wygt die sünden also gering
Das sünden ye sy gantz menschlich
Nu^on hab doch gott das hymelrich
Den gensen ye gantz nit gemacht

So hab man all zyt sünd volbracht

Vnd vohe nit erst von nuwem an /
Die Bybel er erzelen kan
Vnd ander sunst hystoryen vil
Dar vß er doch nit mercken will

Das allenthalb die straff dar nach

Geschriben stat / mit plag vnd rach /
Vnd das gott nye die leng vertru^og
Das man jn an eyn backen schlu^og /
Gott ist kein bo^ehem / oder Datt

Ir sprochen er doch wol verstat /

Wie wol syn ba^ermung ist on moß /
On zal / gewiecht / vnnentlich groß /
So blibe doch syn gerechtikeyt
Vnd strofft die sünd jn ewikeyt

An allen den / die nit du^ent recht

Gar offt / biß jnn das nünd geschlecht
Barmhertzikeyt die leng nit stat
Wenn gott gerechtikeyt verlat /
Wor ist / der hymel gho^ert nit zu^o

Den gensen / aber ouch keyn ku^o

Keyn narr / aff / esel / oder schwyn
Kumbt yemer ewiklich dar jn /
Vnd was gho^ert jn des tüfels zal
Das nymbt jm nyemen über al