Lübecker Totentanz
aus Wikisource, der freien Quellensammlung
[119]
Der Prediger auf der Kanzel.
Och redelike creatuer, sy arm ofte ryke,
Seet hyr dat spectel, junck unde olden,
Unde dencket hyr aen ok elkerlike,
Dat sik hyr nemant kan ontholden,
Hebbe wi den vele gudes ghedaen,
So moghe wi wesen myt gode een,
Wy moten van allen loen untsaen.
Unde lieven kynder, ik wil ju raden,
Men gude exmpel en opladen,
Eer ju de doet sus snelle bilicht!
Der Tod an alle.
To dessem dansse rope ik alghemene
Pawes, keiser unde alle creaturen,
Tredet vort, wente nu en helpet nen truren!
Men dencket wol in aller tyd,
Dat gy gude werke myt ju bringen
Unde juwer sunden werden quyd,
Der Tod zum Papst.
Her pawes, du byst hogest nu,
Dantse wy voer, ik unde du!
Al hevestu in godes stede staen,
Een erdesch vader, ere uude werdicheit untsaen
Volghen unde werden, als ik sy.
Dyn losent unde bindent dat was vast,
Der hoecheit werstu nu een gast.
Der Papst.
Och here got, wat is min bate,
Unde ik altohant moet werden
Gelik als du een slim der erden?
Mi en mach hocheit noch rickheit baten,
Wente al dink mot ik nalaten.
Pawes, alse ik was mine tit!
[120]
Der Tod.
..............
..............
..............
.............
.............
.............
Her keiser, wi moten dansen!
Der Kaiser.
Vorandert my alle myne natture.
Ik was mechtich uude rike,
Hogest van machte sunder gelike.
Koninge, vorsten unde heren
Nu kumstu, vreselike forme,
Van mi to maken spise der worme.
Der Tod.
Du werst gekoren - wil dat vroden! -
To beschermen unde to behoden
Myt deme swerde der rechticheit.
Men hovardie hest di vorblent,
Du hesst di sulven nicht gekent,
Mine kumste was nicht in dinem sinne! --
Die Kaiserin.
Ick wet, my ment de doet!
Was ick ny vorvert so grot!
Ik mende, he si nicht al bi sinne,
Bin ik doch junck unde ok eine keiserinne.
{{Zeile|65} Ik mende, ik hedde vele macht,
Up em hebbe ik ny gedacht
Oste dat gement dede tegen mi.
Och, lat mi nach leven, des bidde ik di!
Der Tod.
Keiserinne hoch vormeten,
Tred hyr an! it is nu de tyt.
Du mendest, ik svlde di schelden quit?
Nen! al werftu noch so vele,
Du most myt to dessem spele,
Halt an, volge my, her kardenale!
[121]
Der Kardinal.
Ontsarme myner, here, salt schen,
Ik kan di niegensins entflen.
Se ik vore este achter my,
Wat mach de hoge staet my baten,
Den ik besat? Ik mot en laten
Unde werden unwerdiger ter stunt
Wen ein unreyne stinckende hunt.
Der Tod.
En apostel godes up ertryke,
Umme den kersten loven to sterken
Myt worden unde anderen dogentsammen werken.
Men du hest mit groter hovardichede
Des mustu sorgen nu de mere! - -
Nu tret ok vort her, konningck here!
Der König.
O dot, dyne sprake hest my vorvert,
Dussen dans en hebbik nicht gelert.
Dagen vor my durbar gerichte,
Unde juwelik hodde sick, de worde
To sprekende, de ick node horde.
Nn komstu unvorsenlik
Der Tod.
Al dyne danken hestu geleyt
Na werliker herlicheyt.
Wat batet? Du most in den slik,
Werden geschapen myn gelik.
Hestu under dy laten reigeren,
Den armen niegene leed want! - -
Her bischop, nu holt an de hant!
...............
...............
[Die Zeilen 109 bis 180 sind nicht erhalten]
Der Tod zum Kartäuser.
Nu tret vort, di helpet nen klagen,
Du most dyn part sulven dragen!
It sal di wesen swar,
Di mach nich volgen nar
[122]
Din lon is na diner dat,
Nemant mach di des vorbringen. - -
Summen, kum an, ik wil di singhen!
Der Edelmann.
Dot, ik bidde di umme respyt,
Ik hebbe ovel overbracht,
Sterven hadde ik klene geacht.
Mine gedanken weren, to vullenbringen
Jutto lust in idelen dingen;
Nu mot ik reisen unde wet nicht, war.
Der Tod.
Haddestu gedelt van dinem gode
Den armen, so were di wol to mode.
De klegeliken klagen er gebreken,
Dines pachtes werstu gewert.
Na mi haddestu ninen begert,
Dat ik ens umme kame to hants. - -
Kanonik, tret her an den dans!
Der Domherr.
Van minen prunden hadde ik genoch
To bruken went her min leven,
Late mi des dansses noch begheven!
Nu scholde ik vullen min schrin.
Late mi doch gade denen bat,
Den ik in miner joget vorgat.
.................
.................
[Die Zeilen 213 bis 228 sind nicht erhalten]
Der Tod zum Bürgermeister.
Grot lon schaltu entfan.
Wil di god dusentvult belonen
Unde in deme ewighen levende kronen!
Mer dine bedrechlicheit darmede
Mochte di bringen in groten unvrede.
Völqhe na, meister medicin!
[123]
Der Arzt.
Ik hadde wol vordrach, mochte it wesen,
Vele minsken hebbe ik ghenesen,
De van groter suke leden not.
En helpet nine kunst noch medicin.
Nu bevole ik mi sulven de pin,
Van deme dode bin ik beseen,
Wat ordel dat mi schal bescheen.
Der Tod.
Na den werken, de du hefft ghedan.
Du hefft ghedan, dat god wol wet,
Mengen in grot eventur gheset,
Den armen swarlik beschat,
Al nemestu grote summen darvan. - -
Wokerer, volghe van stunden an!
Der Wucherer.
O du aller unvormodeste dot,
Up di en dacht ik klene noch grot!
Ik hebbe al min gut vorsaden,
Mine bone sint vul kornes geladen.
Mot ik nu sterven, dat is mi swar,
Unde latent hir und wet nicht, war,
Ik en wet nicht, war ik henne mot!
Der Tod.
Vorkerde dor, olt van jaren,
Anders hefftu nicht uterkaren
Den dat gut up desser erden!
Ik wet nicht, wat van di sal werden.
Noch to stervende nicht gedacht.
Nu mustu int ander lant. - -
Her kappelan, lange her de hant!
Der Kaplan.
Ach leider wo quelet mi de dot!
Slaplik hebbe ik gequiten,
Ik vruchte, god schalt nummer witen.
[124]
De werelt, de viant unde dat vlesch
Hebbet bedraghen minen gest.
{{Zeile|275}]Wat schal mi nu dat gut,
Wente ik it hir al laten mot!
Der Tod.
Haddestu van joget up gade bet,
Recht vor dine ogen geset
Unde vlitliken gelert,
Dat volk bracht to gode,
Dat were gut! Nu schedestu unnode!
It mot sin suuder beiden! - -
Kopman, wilt di ok bereiden!
Der Kaufmann.
Na gude hebbe ik gehat pin
To lande unde tor see,
Dor wind, regen unde snee,
Nin reise wart mi so swar.
Hadde ik mine rekenscop ghedan,
So mochte ik vrolik mede ghan.
Der Tod.
Hefftu anders nicht bedreven
In kopenscop, alse di was gheven,
It sal di wesen vullkomenheit,
Wen alle dink to richte steit,
Hefftu di so vorwart
Unde din dink gans wol geklart.
Westu anders, dat is nicht gut. - -
Der Küster.
Ach, dot, mot it sin gedan,
Nu ik erst to denen began?
In miner kosterie mende ik klar,
Noch hogher to komen vorwar.
Also mi dunkt, so krige ik nin.
Ik mach des nicht gebruken,
De dot wil mi vorsluken!
[125]
Der Tod.
Al werstu hogher geresen,
It is diner sele meiste prosit,
Dat gi nicht hogher resen sit.
Volghe na in mine partie,
Wente hoch sin maket hovardie!
Amtman, tret an, it is nen spot!
Der Handwerker.
Ach leider, wat schal mi bescheen!
Ovel hebbe ik mi vorgeseen
Unde hebbe mi ser ovel bedacht,
Dat gud prisede ik sere.
Nu bidde ik di, leve here,
Du mi de sunde wilt vorgheven
Unde late mi in din ewige leven!
Der Tod.
Achten vele dinges kleine,
Dat gi einen anderen bedreghen
Unde vaken darinne leghen.
Up sterven hebbe gi nicht gepast,
Dat wil juwer selc wesen swar ! - -
Klusenaer, volghe naer!
Der Klausner.
To sterven dat is mi nicht leit,
Were ik van binnen bereit,
De viant heft mi tentert
Mit menniger temptacie swar.
Vorbarme di, her, openbar
Ik di bekenne mine sund!
Der Tod.
Du machst wol danssen blidelik,
Di hort dat hemmelske rik.
Dat arbeit, dat du hesst ghedan,
Sal diner selen lustende stan.
Er scholde nicht vele ovel komen,
Men it worde mengen sur. - -
Kum to min reigen, veltgebur!
[126]
Der Bauer.
Des dansses neme ik wohl respit.
Mit arbeide henghebracht
Unde ghedacht dach unde nacht,
Wo ik min lant mochte begaden,
Dat it mit vrucht worde gcladcn,
Den dot hebbe ik nicht geacht.
Der Tod.'
Grot arbeit hefftu ghedan.
God wil di nicht vorsman
Mit dinem arbeide unde not.
God wilt di betalen
In sinen oversten salen.
Vruchte nicht en twink! - -
Tret her, jungclink!
Der Jüngling.
Du hefft de tyt ovel raket,
Du kumpst slikende her ghegan
Unde wult mi in diu nette beslan.
De werlde mi lavet heil,
Wike wech, late mi ruseleren!
Int older wil ik mi bekeren.
Der Tod.
In der nacht, der deve gank,
slikende is min ummewank.
To gade, sin luste dregen ser.
Hir is nene blivende stat.
Haddestu mest der werlde hat,
Were di beter unde er minne! - -
Die Jungfrau.
Des reiges were ik onich gherne,
Ik junghe schone derne,
Ik hadde merket der werlde lust,
Van diner kumpst nicht gewust.
Ik wuste nicht, dattu hir werst.
[127]
Were ik ene klostervrowe worden,
So trede ik vro in dinen orden.
......................
......................
Das Kind.
Ik schal dansen unde kan nicht gan!
.......................
........................
Anno domini mcccclxiij in vigilia assumcionis Marie.
