's moderne Leibzg
[7]
's moderne Leibzg.
Gehd unsereens jetzd dorch der Aldschdadt Schdraßen,
Dorch die mer schon als rubbger Junge gam,
So mechdemer beschdändig Driebsal blasen,
Denn’s alde Leibzg is Sie schon halb begram.
Un ä Balast muß es nadierlich sein;
De alden muffgen finstern Wanzchenbuden,
Die reißd der Meier biedädlos ein.
Es werd mer freilich hundemäßig sauer,
׳s sein eegendlich doch große Vogelbauer
Aus Glas un Eisen, die da so endschdehn.
Es fehld je nich an Gubbeln und an Därmen,
Die ohne Grund se uff de Dächer bring,
Das dud bisher mer schdeds verbei geling.
Ooch in der Vorschdadt siehd mer Heiser schderzen,
Weilnse zu niedrig sein un viel zu gleen,
Die mid Bewundrung un mid Schdaun in Herzen
Un heide ragen lanke Heiserzeilen,
Wo sonst mer dorch de Bardewiesen ging,
Wo mer sich dad mid Bauerreddgen[1] geilen [2]
Un midden Netze Fauenoogen[3] fing.
Wenn ihn noch geene Glatze is bescheerd,
Denn gehds so ford noch änne Mandel[4] Jahre,
So isses alde Leibzg wie weggegehrd.
Von alden werd sich’s neie underscheiden,
Wie sich von „Utzen“[5] der vergangnen Zeiden
Der heidge Schutzmann underscheiden dud.
De Utzen daden rusche Schackos dragen
Un hamm de Schdadt mid schban‘schen Rohr bewacht
Fern Bolezisten an än Helm gedachd?
De neie Zeid had needig ihn gefunden
Un dobbeld needig war ä Mordgewehr;
Ehrschd had mer Blemben[6] fersche ׳rausgeschunden
Fritzchen Mrweesesnich.