Ach miner not (Mit aufgelösten Abbreviaturen)

Ach miner not
ich klagender man·
wie sols ergan zeivngest mir·
ein sender tot·
der wont mir an·
sit ich der lieben hulde embir·
dú twinget so dc herze min·
sam dú kleinen vogellin·
mit siner kraft der winter tv̊t·
da von so bin ich vngemv̊t·

Was sol mir lip·
was sol mir gv̊t·
sit ich dekeine rúwe han·
dc beste wib
mir leide tv̊t·
die got vf erde hat gelan·
si ist schoͤne vnd alles wandels vri·
swie vngenedig si mir si·
doch mv̊s ich ir sin vndertan·
min herze wil michs niht erlan·

Ich mv̊s nv sin·
in sender not·
sit es dú herzeliebe wil·
da von ich bin·
an froͤiden tot·
dc ist der lieben gar ein spil·
vnd giht si welle lonen mir·
dar nach ich habe gedienet ir·
nv lâsse eht sin si ist so gv̊t·
das si mir noch genade tůt·