Der w̾lde troſt vn̄ al ir w̾dekeit

Der w̾lde troſt vn̄ al ir w̾dekeit·
ir gv̊ten reinē wib·
ich ſůch eht ab̾ an úch helfe vn̄ frúndes rât·
ich han geklaget ſo ſere minú leit·
dc manic tvmber lib·
die langen klage mir zegv̊te niht gar v̾uat·
da vō zwiualdet ſich min ſendú not·
min frǒwe tůt an froͤiden mir den tot·
vil vngemv̊t· da bi vil ſcham rot·
tv̊nt mich die iehent ich ſi nv niht alſe frůt·

Ob mich min klage niht anderſ kā v̾van·
vnz an min endeſ zil·
wan dc ich iemer mich ir troſtes vinde blos·
die ich zetroſte vſ alder w̾lde han·
vn̄ iemer haben wil·
ſo mv̊s ich ſv̊chen dvr not mir ein ander los·
min lib ſi fro den lât in froͤidē varn·
der froͤidē ſchī· ſol ſpotes mich bewarn·
dc h̾ze min kā ſenen niht geſparn·
vf ir genade ſol dc nv min leben ſin·

IR gv̊tē wib ob iv der rat gehage·
den ich mir ſelben han·
fúr klagendú leit vn̄ ǒch fúr ſende not gegeben·
ſit iv min lob iſt alle mine tage
mit trúwē vndertan·
ſo miſſebꝛiſet^{[WS 1]} an mir niht dc ſelbe leben·
ich meine doꝛt al da ich troſteſ ger·
vn̄ han gegert· mit trúwē wol lange her·
wurde ich gew̾t· ich wurde es lihte der·
der al der w̾lte ſich dúhte voꝛ froͤiden wert·

Anmerkungen (Wikisource)

1. Vorlage: miſſebꝛiſtet.