Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
Die Wiedergabe folgt in der Schreibweise der Vorlage.
Abkürzungen sind aufgelöst.
Überschriebene e über den Vokalen a, o und u werden als moderne Umlaute transkribiert.
Ein Warhaffte vnd erschröckliche Newe Zeyt-
tung / von einem falschen Eyd / welcher zu Breßburck[1] im Vngerlandt / den 24. tag Septembris / im
1579. Jar / von einem Messerschmid / vmb vier Gulden halber ist geschworen worden / wie
in Gott gestrafft hat / Denn als baldt er geschworen / ist im die halbe Hand schwartz
blieben / vnd am dritten Tag hernach gestorben. Allen frommen Chri-
sten zu einem Exempel fürgestellet.
Die Hand mit auffgereckten dreyen schwartzen Fingern / bedeut den falschen Eyd.
EIN jeglich Mensch / das ein Eyd schweren wil / der sol auffheben drey finger.
Bey dem ersten Finger / das ist der Daumb / ist zuuerstehen[2] GOTT der VATTER.[3]
Bey dem dritten Finger / GOTT der heilige Geist.
Die andern zwen Finger in der Hand neiget er vnter sich.
Der ein vntersich geneiget Finger / bedeut die Christlich Seel / als sie verborgen ist vnter der Menschheit.
Vnnd der fünffte / ist der klein finger / bedeut den Leib / als der Leib klein ist / zu schetzen gegen der Seel.
Aber bey der gantzen Hand / wirdt bedeut / einn Gott vnd ein Schöpffer / der den Menschen vnnd alle Creatur im Himmel vnd auff Erden erschaffen hat.
aller Heiligen / Vnnd ich sol auch beraubt werden / der begierlichen anschawung des Angesichts / vnsers lieben HERREN JESV CHRISTI / immer vnd Ewiglichen.
Gedenck O Mensch / wie ein grawsam Vrtheil du vber dich selber sprichst / vnd besinn dich vor gar wol. Darbey mag auch ein jeglich fromm Christlich hertz wol mercken / was der falsch Eyd auff im tregt / vnnd wie der Mensch Gottes des Allmechtigen / durch den falschen Eyd beraubet / vnd verlorn ist. Daruor[4] sich nu ein jeder Christenmensch hüten sol / bey verlierung seiner Seelen seligkeit.
Auch ist leider jetzund / Gott Erbarms / eine böse gewonheit / zu diser zeit / die den Menschen vnglückhafft macht / beide an Leib vnd Seel / Denn schier weder in schimpff[5] oder ernst nichts kan geredt
Welcher Mensch nun so vermessen / vnnd im selber so feind ist / daß er ein falschen Eyd schweret / derselb schweret in solcher weiß / als so er sprech: Als ich falsch schwere / also bit ich GOTT den VATTER / GOTT den SON / GOTT den heiligen GEIST / vnd die gantze heilige Dreyfaltigkeit / daß Ich außgeschlossen / vnnd außgesondert werde / auß der Gemein vnnd gutheit / der heiligen Christenheit / daß mir dieselbige gutheit sey ein fluch meins Leibs vnd Bluts / vnd der Seel.
Zu dem andern / Der Meineydige Mensch schweret / als ob er sprech: Als ich falsch schwere / also helff mir GOTT der VATTER / GOTT der SON / GOTT der heilig GEIST / daß mir die nimmer zu hilff vnd trost kommen / zu der zeyt / so sich der Leib vnnd die Seel von einander scheyden werden.
Zu dem dritten / der so falsch schweret / der redt als ob er sprech: Als ich heut falsch schwere / also bitte[6] GOte den VATTER / GOTT den SON / GOTT den heiligen GEIST / vnnd den kostbarn Fronleichnam vnsers liebin HERREN JESU CHRISTI / daß sein grundlose Barmhertzigkeit / vnd sein vnschuldigkeit / sein heiliger schweiß / sein bitterkeit / angst vnd not / vnd sein strenger harter Todt / auch vnschuldige Marter / an mir armen Sünder gantz vnnd gar entzogen vnd verloren werden[7].
Zu dem vierdten / der so falsch schweret / der redt / als ob er sprech: Als ich heut falsch schwere / also sol mein Seel / die bedeut wirdt bey dem vierdten Finger / vnnd mein Leib / der da bedeut wirdt bey dem fünfften Finger / mit einander verdampt werden / an dem Jüngsten Gericht / So ich Mayneydender elender Mensch stehen werd vor dem strengen Richter / dem nichts verborgen ist / sol außgetilget vnd abgescheiden werden / von der Gemeinschafft
werden / man braucht vnnützlich[8] den Namen Gottes / auff solche weiß: Als helff mir Gott. Bey dem waren Gott. Bey Gott es ist war. Auff mein Eyd / vnd dergleichen. Dardurch sich der Mensch auch höchlich vergehet / als hette er am offnen Rechten geschworen / so er auß böser gewonheit schweret / Wann böse gewonheit / beschweret auch die Sünd.
Mensch wilt ewiglich leben bey Gott /
So fürcht jn vnd halt sein Gebot.
Wilt du haß vnd anfechtung vberwinden /
So hüt du dich auff diser Erd vor Todssünden.
Mensch laß dir auff Erden nichts so lieb sein /
Daß du vergessest Gott deß HErren dein.
Betracht täglich sein Marter vnd Leyden /
So wil er dich ewiglich nicht meiden.
Mensch sündig nit auff Gottes Barmhertzigkeit /
Laß dir deines Nechsten Trübsal sein leid.
Betracht diß zergenglich leben in disem Elend /
Vnd spar die guten werck nicht biß an dein End.
Augustinus dicit:
Es ist kein erschröcklicher Ding /
Denn daß sich der Mensch wigt so ring.
Daß er nicht von sein Sünden lat /
Vnd doch in gfahr seins lebens staht.
