Doctor Brants Narrenschiff/Von blindem Eifer

aus Wikisource, der freien Quellensammlung
« Der unverbesserliche Narr Sebastian Brant
Doctor Brants Narrenschiff
Von Eigenrichtigkeit »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[44v]

Wer staets jm esel hat die sporen
Der juckt jm dick biß vff die oren
Bald zürnen / stat wol zuo eym doren


Von lychtlich zurnen


Der narr den esel allzyt ryt
Wer vil zürnt / do man nuot vmb gyt
Vnd vmb sich schnauwet als eyn hunt
Keyn guetig wort gat vß sym mundt

[45r]

5
Keyn buochstab kan er / dann das R

Vnd meynt man soll jn voerchten ser
Das er müg zürnen wann er well
So spricht eyn yeder guotter gsell
Wie duot der narr sich so zerryssen

10
Vnglück will vnß mit narren bschyssen

Er went man hab keyn narren vor
Gesehen / dann hans esels or /
Der zorn hyndert eyns wysen muot
Der zornig weißt nit was er duot /

15
Archytas / do jm vnrecht gschach

Von synem knecht / zuo jm er sprach /
Ich soltt das yetz nit schencken dir
Wann ich nit merckt eyn zorn jn mir
Des glichen Plato ouch geschach

20
Keyn zorn von Socrates man sach /

Waen lycht syn zorn jn vngedult
Zücht / der velt bald jn sünd vnd schuld /
Gedult / senfft widerwertikeyt
Eyn weiche zung bricht hertikeyt

25
All tugend / vngedult verschütt

Wer zornig ist / der bettet nit
Vor schnellem zorn / dich alzyt huet
Dann zorn wont jn eyns narren gmuet
Vil ringer wer eyns beren zorn

30
Der joch syn jungen hett verlorn

Dann tulden / das eyn narr dir duot
Der vff syn narrheyt setzt syn muot
Der wiß man duot gemach allzyt
Eyn gaeher / billich esel rytt