Dv́ vledꝛamvs dú dunket dē vogel ſwēne ſo ſi flúget

Dv́ vledꝛamvs dú dunket dē vogel ſwēne ſo ſi flúget
dē eſel molet ſin ſtīme valſch̾ wā d̾ trúget·
d̾ vuhs iſt kv́ndig vn̄ kan māgen liſt·
der wolf vō dꝛin nat̃en iſt· nah robe er ſtrebt·
ſinē ivngē lip fruht los die wile dú mv̊t̾ lebt·
natern er treit ſwāne er nv́nierig iſt·
ziſel vn̄ polmúſe die ſint mv́ſe genos· d̾ ſchalk hat ſchalke ſitte·
d̾ tv̊ ſwc er welle· er loſer er ſmeiter er ge ī pfaffen tritte·
ſo mv̊s er doch ſmaheit liden zallen ſtvndē·
als d̾ valſche vogel tv̊t vn̄ der vuhs voꝛ dē hvndē
eſel vn̄ wolve zinſent wiſſe kriſt·

Hoͤꝛt irs her eſel her dvnkel gv̊t her erē niding
her galgē ſwenkel wēd ir wars h̾ niemanſ frúnt h̾ gliding·
ir ſit wol des withopfē gnôs·
úch gebꝛiſtet an reht̾ kvnſt an erē vn̄ an můte·
ſiges vn̄ ſtúre d̾ habt ir niht· ir vlieſſent ane růte
her ſwalwē neſt úwer ſchal d̾ iſt zegros
wc ſol der kvͤie luͤien wc ſol d̾ vꝛoͤſche ſchꝛien· der hēnen gagzen
ſwelh ſchalch im ſelben dv́nket dē ſchal· der hagel·
ſvs ſicht mā ſlaht ī ſlahtes flagzen^{[WS 1]}·
hoͤꝛt irs her entenſnabel h̾ ſnúdel her ſv́rtel vn̄ ǒch ir toꝛe·
her ſnúdel wc ſnúdelt ir vnſ an· wc ſol ein wolf zekoꝛe·
her affen zagel· h̾ ſchandē deke blos·

Anmerkungen (Wikisource)

1. Vorlage: flegzen.