Dv roſen blůt du giligē blat
[364v]
Dv roſen blůt du giligē blat·
dv kúnigin in der hohē ſtat·
dar nie getrat·
ie frowē bilde m̾e·
h̾zelieb vúr alles leit·
dv froͤide in rehter biterkeit·
dir ſi geſeit·
geſvngē lob vn̄ ere·
des lebendē gotes zelle wc
din lib vil ſeldēb̾e·
reht als d̾ ſvnne dvr dc glas·
kan dꝛingē ſv̊ſſer vn̄ bas·
dꝛang ane has·
zv̊ dir kriſt d̾ gewere·
Dv roſen tal dv viol velt·
dv wūneb̾ndes h̾zen gelt·
dv blvͤnd̾ helt·
dv ſvͤſſe gotes wūne·
dv liehteb̾nder moꝛgē rôt·
dv rehte frúndin an d̾ not·
dc lebēde bꝛot·
gebere dv kúniges kúnne·
dc manig vīſter h̾ze kalt·
entluhte vn̄ ǒch enbꝛande·
mit ſvͤſſer mīne manigvalt·
ſo rehte ſtarc iſt ſin gewalt·
des wirt gezalt
din lob an manigē lande·
Dv mīneklich̾ blv̊me glanz·
dv blvͤmeſt aller megde kranz·
d̾ ſeldē ſwāz
dich hat alvmbe vangē·
dv biſt dc blvͤnde himel ris·
dc blvͤnde blvͤiet manige wis·
wan gotes vlis·
d̾ iſt an dir ergangē·
deſ iſt dir hohes lobes ſang·
zewūſche wol geſvngē·
vil maniges h̾zē gv̊t gedank·
klenket ſv̊ze manigē klank·
an allē wāk·
des haſt dv ſi betwūgē·
Dv blv̊mē ſchin dvr gruͤnē kle·
dv blvͤnd̾ lignū aloe·
dv gnadē ſe·
da mā mit froͤidē lendet·
dv wūneb̾nd̾ froͤide ein tach·
da dvr mā regē nie geſach·
dv gv̊t gemach·
des ende niem̾ endet·
dv helfeb̾nder kraft ein tvrn·
voꝛ vientlichem bilde·
dv wendeſt manigē h̾ten ſtvrn·
dē an vns tv̊t dvr ſinē hvrn·
d̾ helle wurn·
vn̄ and̾ wurme wilde·
Dv aller ſvͤſſe ein ſvͤſſer ſchin·
dv ſvͤſſˢ dāne ie wurde win·
dú ſvͤſſe din
mir blv̊n zeſeldē mvͤſſe·
dv biſt dc ſvͤſſe mīne trank·
dar in dú gotheit ſvͤſſe dꝛank·
ſýrenē ſang·
nie wart ſo rehte ſvͤſſe·
dv gâſt dvr oꝛe dvr ǒgen ī
h̾zē vn̄ zeſinne·
da birſt dv wūneb̾ndē ſin·
vn̄ ſtoͤreſt alle vnfroͤide hin·
dv biſt gewin·
d̾ h̾zeklichen mīne·
Ob aller wūne ein ſchones trut·
es en wart nie geſtein noch edel krut·
noh mēſchlich bꝛvt·
ſo ſchon vil ſchoͤne frowe·
[365r] ... alſam ...
dc lieplich himel tǒwe·
es blvͤwet dar vn̄ ab̾ dar·
vil ſvͤſſer vn̄ ſv̊ſſe·
kvm ich dich an ſehen getar·
voꝛ diner reinē ſvͤſſen klar·
mit hoher war·
ſi got der dich da gruͤſſe·
Ob aller tvgende ein ſvͤſſe tvgent·
dv ivgende an ende ī blvͤnd̾ ivgent·
deſ ſi wol mvgent·
din lob zeliehte bꝛingē·
die himel vn̄ d̾ himel kint·
vn̄ alle die mit gotte ſint·
ſo ſint ſi blint·
an ſinnē vn̄ an gv̊tē dingē·
die dine ſvͤſſē w̾dekeit·
niht erent innekliche·
die got an dich da hat geleit·
mit manig̾ hohē wirde bꝛeit·
dc vō dir ſeit·
manig h̾ze tvgent riche·
Dv gīme ein golt ein edel ſtein·
ein milich ein rotes helfenbein·
ein honig ſein·
in h̾zen vn̄ ī mvnde·
ein b̾ndú tvgent ein edel krut·
dvr reine ſvͤſſe ...
... ſtv̄de·
dv rehter kv́ſche ein blanker ſne·
d̾ reinekeit ein trube·
d̾ waren mīne ein gruͤner kle·
d̾ ... gnade ein grunt ſe·
vn̄ dar na me·
d̾ trúwe ein tvrteltvbe·
Maria reinv́ w̾dekeit·
ſwc mā dir ſīget vn̄ ſeit
dc iſt gemeit·
lieblich voꝛ allē ſange·
dv tv̊ſt dē lib die ſele fro·
es lúftet ſinne h̾zel ho·
nv ſvs nv ſo·
mit ſvͤſſē anegange·
dv blvͤieſt ſchone in blv̊mē wis·
h̾zen vn̄ ī mv̊te·
dv biſt ſo gar ein ꝑadiſ·
d̾ wūne ein blvͤndes roſen ris·
d̾ ſelde eī pꝛis·
d̾ gnade ein wūſchel růte·
Vol all̾ gnade ein reineſ vas·
d̾ ſtetē tugent ein adamas·
ein ſpiegel glas·
d̾ wūne dú ſich wūnet·
dv heiles vn̄ gelúkes rat·
des heilige geiſtes mīne ſat·
an vꝛone ſtat·
din bilde wart gebꝛvnnet·
dar ī der lebēde goteſ degē·
vō himel nid̾ d̋te·
ſam vf die blv̊mē ſvͤſſer regē·
ſo ſenft̾ ſvͤſſe kvnde er pflegē·
... vꝛoͤie vn̄ ſpate·
Ich han gelobt die mv̊t̾ din·
vil ſvͤſſer criſt h̾re min·
d̾ erē ſchꝛin·
in dē dv mēſche wurde·
nv wil ich ǒch dich h̾re lobē·
tet ich deſ niht ſo koͤnde ich tobē·
dv ſwebeſt obē·
ob aller erē bvrde·
ſibēſtvnt an dē tage ſol·
dir lob vō mir erklingē·
dú wirde zimt dir h̾re wol·
wā dv biſt aller tvgēde vol·
leitliche dol·
kanſt dv vō h̾zē dꝛinge·
IN dinē namē ſo lobe ich dich·
dc dv h̾re ie geſchvͤfe mich·
alſvs lob ich·
dich mīneklicher keiſer·
ſo lob ich h̾re dc dv biſt·
ein warer got ein werer kriſt·
vn̄ niht eniſt·
an dinem bilde heiſer·
es iſt an allē tvgēdē clar·
dvr lúhtig vn̄ reine·
da iſt wandels an niht vmb ein har·
es iſt reht ſleht vn̄ war·
vn̄ offenbar·
vn̄ alles valſches eine·
Ich lob dich vat̾ h̾re criſt·
dc dir ſo mere d̾ ſv́nder iſt·
dv giſt im vꝛiſt
vil lange vf beſſerv̄ge·
ſo ſi gelobt naht vn̄ tag·
din lob dc mich vil armē ſak·
gegē dir en mag·
v̾teilē menſchen zvnge·
wan dir ſint ellú h̾zen kvnt·
vn̄ offen alles tǒgen·
dv weiſt dc mer vnz vf den grunt·
vn̄ alles dc ie mēſchē mv̄t·
zekeiner ſtvnt
geſpꝛach daſt ane lǒgē·
So lob ich h̾re dinē tot·
d̾ in vil ſtrengeb̾nder not·
vns helfe bot·
vn̄ vns vil armē loſte·
vō iem̾ w̾nd̾ bꝛīnend̾ bꝛvnſt·
da iam̾ iſt vn̄ iam̾s gvnſt·
ſo ...
d̾ vnſ ſo turre troſte·
des ſol dich lobē ſwc aten habe·
mit hoh̾ wirde vn̄ ere·
wib vn̄ mā kint vn̄ knabe·
darnach ſwc vliege vlieſſe vn̄ trabe·
krieche vn̄ gnabe·
ende vn̄ iem̾ m̾e·
Got aller gvͤte ein anevang·
tief vn̄ ho bꝛeit vn̄ lang·
ſi kan gedāk·
ſvͤſſe ī dē h̾zen machē·
ſi flúſſet vs d̾ mīne lant·
vil wol im ſwirt erkant·
dē mv̊s zehant·
ſin h̾ze ī froͤidē lachē·
ſwc im dú w̾lt zeleide tůt·
dc iſt gar ein wūne·
ſo ſv̊ſſe enzúndet im dē mv̊t·
din ſvͤſſe bꝛīnende mīne glv̊t[WS 1]·
dv biſt ſo gv̊t·
ob alles menſchen kv́nne·
Dv biſt dú ſenfte ſvͤſſekeit·
die mā voꝛ ſenfte vnſanfte treit·
vn̄ h̾zeleit·
wart nie ſolicheſ mere·
alſam dú ſenfte ſvͤſſe dī·
es iſt ir wūneb̾nd̾ ſchin·
vúr ſendē pin·
eī ſelderiche lere·
doch kam din ſvͤſſe niēder hin·
wā dú reinē h̾zen·
da birt ſi wūneb̾ndē ſin·
vn̄ zv́het alle gnade dꝛin·
vn̄ d̾ gewin·
v̾tribet grīmen ſm̾zen·
Dv kv̊le dv kalt dv warn dv heiſ·
vn̄ aller ſelde ein vnbekreis·
d̾ dich niht weis·
wie iſt dē ſo rehte ſwere·
im iſt der tag eins iares lang·
im grvͤnet ſeltē ſin gedank·
erſt ane wank·
gar aller froͤidē lere·
[365v] dv biſt ſo gar deſ h̾zen ſchin·
ein froͤideb̾nd̾ ſvnne·
ein h̾zelieb vúr ſendē pin·
vúr trvrē froͤidevollē ſchꝛin·
dē g̾nden ſin·
vúr durſt ein lebender bꝛvnne·
Lieb vn̄ lieb lieb vn̄ zart·
nie lieb ein lieb ſo liebe wart·
dv biſt vō art·
lieb allen reinē bildē·
dich mīnent megde ſvͤſſe wib·
vn̄ manig tvgenthafter lib·
da vō v̾trib·
ſwc vns dir welle wildē·
dich mīnet erde vn̄ ǒch dc mer·
fúr luft vn̄ ǒch die winde·
die himel vn̄ alleſ himelher·
ſvſt giſt dv́ blvͤnder blv̊mē ber·
an alle wer·
dinē liebſten[WS 2] ingeſinde·
Vil maniges reinē h̾zen trut·
vil mang̾ reiner magde bꝛut·
lieht vn̄ lvt·
in ir getruten ſīne·
dich trútet manig̾ edel mv̊t·
dich trútet h̾ze vn̄ h̾ze blv̊t·
dv biſt ſo gv̊t·
zetrútēne trut mīne·
dich trútet all̾ ſternē ſchin·
d̾ mane vn̄ ǒch d̾ ſvnne·
dich trútent vier elemēte din·
wc moͤhte baſ getrútet ſin·
kein trútelin·
ſam dv getrut̾ bꝛūne·
Dv voller mane dv voller ſtern·
wer moͤhte din iem̾ ſtvnde enb̾n·
d̾ tvgēde gern·
kan vn̄ ſvͤſſer mīne·
d̾ mv̊s din īneklichē gern·
wā dv kanſt wūder wūnē wern·
dv biſt ein ſtern·
ī h̾zē vn̄ in ſīne·
dv erlúhteſt dc nie ſvnnē ſchîn·
noh ſt̾n erlv́htē kvnde·
ſo milt iſt din̾ mīne win·
ſwē es kvmt ī dc h̾ze ſin·
des h̾zen ſchꝛin·
wirt froͤidē vol vo grunde·
Dv māgeſ h̾zē mīne bant·
dv bꝛīnende mīne vb̾ ellú lant·
es wart bekāt·
nie liebers vf d̾ erde·
din lieb ī lebendem liebe lebet·
eia wol im ſw̾ dar nach ſtebet·
des h̾ze ſwebet·
ī wūneb̾ndē w̾de·
dv blvͤieſt ī dē reinē mv̊te·
als in d̾ liehtē ǒwe·
ein b̾nder bǒn ſchoͤne vn̄ gv̊t·
lachende ſin blvͤnde blv̊t·
blvͤiende tv̊t·
vf gegē dē moꝛgē tǒwe·
Tief iſt des wildē mers grvnt·
noh tiefer tvſent hvnd̾t ſtvnt·
dc iſt vnſ kvnt·
iſt dine erb̾mde reine·
ſi reichet vō dē ſt̾nē abe·
vnz vf die grūdeloſē habe·
wā ſi iſt ein wabe·
deſ lebendē hongeſ ſeine·
ſi flúzet flúget vn̄ gar·
dur mange wilde wūder·
dv biſt eī viſch v̄z vf dē grat·
din milte ſvͤſſe wādels niht enhat·
dv biſt ein ſat·
dvr frúhtig ob vn̄ vnd̾·
So lob ich dich vil ſuͤzer got·
dc alſo rein iſt din gebot·
an allen ſpot·
ſo ſtete vn̄ ſo getrúwe·
ſo lob ich dich dc dv biſt da·
ſwa man din gert v̾re vn̄ na·
vn̄ dc dir ga·
iſt nah des mēſchē rúwe·
ſo lob ich dc dv ſuͤzer kriſt·
v̾ſmahteſt nie dē armē·
din heilig oꝛe entſloſſen iſt·
gegē ſiner ſtīme zaller vꝛiſt·
wā dv d̾ biſt
d̾ ſich da kan erbarmen·
Sit dc dv b̾ndes mīne blv̊t·
biſt alſo tvgentrich gemv̊t·
vn̄ alſo gůt·
dc diner b̾nden gvͤte·
mit rede nieman volendē kan·
weder engel doꝛt hie wib noch man·
ſwie vil wir han·
gemvͤiet dú gemuͤte·
ǒch zimt wol dc ich dir ſage·
ein lob durh dine mīne·
dc bluͤgēde ī die w̾lt ertage·
vn̄ es dē beſtē wol behage·
an alle klage·
ī h̾zē vn̄ in ſinne·
Dv biſt dv́ erbarmh̾zekeit·
d̾ hoh vf in dē himel treit·
vn̄ vb̾bꝛeit·
des wildē m̾es bꝛeite·
ir tief abgrúnde iſt ane grv̄t·
ir lenge wart nie mēſchē kvnt·
ſwieṛ manig̾ ſtvnt·
man ie da vō geſeite·
ir genade niend̾ iſt ſo ſmal·
dc ir dú w̾lt geliche·
ir trúwe dv́ iſt ane zal·
ir mīne fúllet berg vn̄ tal·
ī manig̾ wal·
dvrh ellú kv́nigriche·
Dv biſt genant dc lebende heil·
dc dvr vns wart dē tode veil·
dv tete geil·
mit dime h̾zen ſere·
dv vꝛoͤiteſt vns mit din̾ not·
dv liez vns lebē vn̄ lege tot·
die trúwe erbot·
nie mēſche mēſchē m̾e·
ſit dc adā vō diner hant
gebildet wart vō erden·
ſone wart nie hoher trúwe erkant·
noh niem̾ wirt dc vnſ erkāt·
deſ wirt geſant·
dir lob zehimel vō erden·
Dv biſt geſvngē vn̄ geſeit·
dc lamp dc vnſir ſv́nde treit·
dc dvr vnſ leit
mit willen alze verre·
wir wā dir h̾re gar zetrut·
dú ſpien din golt an bloze hvt·
wit vn̄ lut·
erſchal es getrúwer h̾re·
dú reine ſtete mīne din·
dú ſvͤze vnwandelb̾e·
deſ mv̊zeſt dv geſegēt ſin·
du reiner h̾zē ſvnne ſchin·
dv lebend̾ win
dv froͤide ī rehter ſwere·
Dv biſt genāt d̾ gv̊te got·
an des gewalt an deſ gebot·
ân allē [366r] ſpot·
nie niht enkvnde w̾den·
es lǒfe es klinne es ſliche es ſtrebe[WS 3]
... es rīne· es flieze es ſwebe·
ſwa es ī der welte lebe·
entzwiſchē himel vn̄ erden[WS 4]·
d̾ all̾ leben iſt dir bekant·
dien allē birſtv ſpiſe·
d̾ aller lebē ſtat vnv̾want·
in diner gotlichē hant·
ſvſt iſt bekannt
din genade in maniger wiſe·
Dv lebendes lieht dv lebendes heil·
vn̄ aller ſeldē ein ſeldē teil·
wer w̾e geil
entzwiſchen himel vn̄ erde·
enw̾e din mīneb̾nd̾ mv̊t·
d̾ all̾ reiner h̾zen blůt·
zefroͤidē tůt·
mit mīneklichē w̾de·
dv froͤweſt aller engel mv̊t·
vn̄ aller mēſchen ſinne·
ſwc iend̾ hat bein od̾ blůt·
ze froͤidē es din gvͤte tůt·
dv biſt ſo gv̊t·
dv reiner h̾zen mīne·
Dv zallen zitē haſt zertan·
din arme vnſ armē wilt enpfan·
ſwie vil wir han·
getan gegē diner hulde·
vn̄ wellē wir zehvlden van·
die ſúnde dvr dine mīne lan·
ſo wiltv vnſ han·
vnſchuldic vnſer ſchulde·
du biſt ſo gůt ſo rehte gůt·
ſo gv̊t ob aller gvͤte·
din gvͤte lebēde wūder tůt·
ſi bꝛinget dar zů toten mv̊t·
dc b̾ndú blůt·
ſwirt vs des h̾zē blv̊te·
Dich mīnet b̾ndes mīne blůt·
dich mīnet ſin dich mīnet mv̊t·
dih mīnet gv̊t·
deſ reinē h̾zen guͤte·
dúh mīnet lib dich mīnet leben·
die ſele die mā ſiht dꝛinne ſtrebē·
wā dv kanſt ſwebē·
ob aller mīne blvͤte·
des biſtv mīne mīnendē bi·
dē mīne mīnendē wandelſ vꝛi·
ſwie vil d̾ ſi·
dē flúzeſt dv zemůte·
Dv biſt d̾ mīne eī anevanc·
noh niemer mer ein abegang·
dv biſt ein ſang·
des niem̾ ſtvnde v̾dꝛúzet·
wā mīnet dich mit w̾dekeit·
tief vn̄ hoh wit vn̄ bꝛeit·
an alleſ leit·
din mīne verre vlúzet·
wā mīnet dich vúr win vúr bꝛot·
fúr golt vúr edel geſteine·
wā mīnet dich vúr ſcharlat rot·
wā mīnet dich vnz vf den tot·
vn̄ tůt dc nôt·
dv biſt ſo rehte reine·
Dv biſt d̾ bꝛīnēdē mīne flus·
d̾ mīnēde gúzet māgen gvs·
vn̄ ſvͤzē dvs·
ī bꝛinnendú mīnendú h̾zen·
vn̄ ſvͤzeſt in ſin vn̄ mv̊t·
alſam dc tǒ die blv̊mē tůt·
din mīnendú blůt·
v̾tůt in allē ſm̾zen·
dú h̾zen dú din hant bekoꝛt·
dv́ mv̊ſſen dich des geſtē·
dc dv d̾ lebendē mīne eī hoꝛt·
biſt beidú hie vn̄ zehimel doꝛt·
da von din woꝛt
dir blvͤmēt dalre beſtē·
Got vō dir redē got vō dir ſagē·
kan in dú h̾zen mīne tragē·
vn̄ kan v̾ſagē
vnmīne ir ſvͤzen poꝛte·
got vō dir redē· got vō dir ſagē·
kan in dien h̾zen ſchoͤne tragen·
vn̄ kan dich wagē·
mit māigem ſvͤzē woꝛte·
got vō dir redē got vō dir ſagē·
kan h̾zen̾ froͤide machē·
got vō dir reden got vō dir ſagē·
kan rihtē vf d̾ ſeldē wagē·
der vnſ ſol tragē·
da mā ſol iem̾ lachen·
Got vō dir redē got vō dir ſagē·
kan trvrē vs dē h̾zen iagē·
vn̄ kan dꝛin tragen·
deſ heiligē geiſteſ mine·
got vō dir redē got vō dir ſagē·
lert dine h̾en mar der klagē·
vn̄ lêrt ſi tragē·
zeh̾zē vn̄ zeſinnē·
got vō dir redē got vō dir ſagē·
iſt wol halb himelriche·
got vō dir redē got vō dir ſagē·
lert vnſ zehimelriche iagē·
es wart nie ſagē
ſo rehte mīnekliche·
Got vō dir redē got von dir ſagē·
da mitte wirt dv́ ſv́nde erſlagē·
vn̄ kan v̾iagē·
dē tieuel ī die helle·
got vō dir redē· got vō dir ſagē·
kan dinē hohſtē troſt beiagē·
vn̄ kan zv̊ tragen·
dē h̾zen gv̊t gevelle·
got vō dir redē got vō dir ſagē
iſt wūne ob aller wūne·
es tůt dc h̾ze in froͤidē wagē·
die reinū ſele nah dir klagē·
ſo ſchone ertagē·
kāſt dv menſchlichē kúnne·
Got vō dir redē kan rúwe gebē·
vn̄ leide ellú valſchē lebē·
ſo ſleht ſo ebē·
ſo gat din woꝛt dc reine·
es dvldet minre valſchē mv̊t·
dāne dc mer die v́ndē tv̊t·
ſo reinē mv̊t·
birt ſi dv́ wandel eine·
got vō dir redē birt reinē ſin·
vn̄ kúſches hohgemvͤte·
vn̄ iaget dē tievel vō vns hin·
deſ ich vil wol v̾ſinnet bin·
es iſt gewī·
d̾ iem̾ w̾endē guͤte·
Got vō dir redē birt genadē vil·
vn̄ iſt dc aller liebſte ſpil·
dc ich wol wil·
vúr ellú ſpil florierē·
eſ kann [366v] dē libe wūne gebē·
vn̄ tůt die ſele in froͤidē ſwebē·
lib vn̄ lebē·
kan ſi mit froͤidē zierē·
ſwa ſich geſellēt zwen ald̾ dꝛi·
in diner ſvͤzē mīne·
dē biſt dv h̾re en mittē bi·
mit diner b̾ndē gnadē zwi·
vn̄ tůſt ſi vꝛi·
vō wandelb̾ndem ſinne·
Dv biſt des reinē h̾zen ſpil·
es hat dich als dike es wil·
dv birſt ſo vil·
d̾ mīne ī manigē ſīne·
wā hat dich hie wā hat dich da·
wā hat dich bi v̾re vn̄ na·
nv vn̄ ab̾ nv ſa·
mit h̾ze ſuͤzer mīne·
dv biſt dc aller liebſte trut·
dc ǒgē ie geſahē·
zem h̾zen in dvr ganze hut·
gaſt dv zediner kúſchē bꝛut·
liht vn̄ lut·
ſol mā dir liebe nahen·
Deſ edelē mēſchē rein̾ mv̊t·
mag g̾ne ſin kv́ſch vn̄ gv̊t·
ſin h̾ze blůt·
mag g̾ne weſen reine·
dur dich vil reineſ herzeblv̊t·
dv biſt ſo rein dv biſt ſo gůt·
ſo wol behv̊t·
voꝛ allē velſchē meine·
mit reht̾ reinekeit enpfie·
dich dú vō h̾zen reine·
rein̾ gib̾n an dir ergie·
dc ſelker reine wart noch nie·
vf erde alhie·
noh vf dē himel gemeine·
Ach blv̊mēriches blv̊mē krut·
ach kúſches h̾zen ſvnd̾ trut·
ach ſvͤzú bꝛut·
ach mīneklichú mīne·
ach h̾zecliches h̾zen blůt·
ach gvͤte ob aller gvͤte gůt·
ach edelr mv̊t·
geblvͤmet vs vn̄ īne·
ach ſvͤze amblik ach ſvͤzes an ſehē·
ach ſvͤze an dich gedenkē·
ach ſvͤzeſ vō dir ſvͤze iehē·
ach ſvͤze dich vil ſv̊ze an ſpehē·
dī ſvͤzer an ſehē·
kā ſendú leit v̾krenkē·
Ach reiner ſele ſvͤze amýs·
ach wie wol zimt dir hoher pꝛis·
vn̄ dc mā vlis
an dir d̾ tvgendē vͤbe·
ach keiſers kint ach kúniges barn·
ach ſwebēd̾ ar ob allen arn·
wie wol bewarn·
dv kanſt voꝛ ſend̾ truͤbe·
die dich da mīnent ane wank·
mit lut̾licher mīne·
ach in dē oꝛen ſvͤzer ſang·
ach in dē h̾zen vꝛo gedank·
ach h̾pfē klanc·
ī mv̊te ī allem ſīne·
Ach gotes kint ach ſuͤzer kriſt·
ach h̾re vber alles dc dir iſt·
ach wer dv biſt·
ein ſvnne engegē dem moꝛgē·
ach ſvͤzes lebē[WS 5] ach ſvͤzú zit·
ach wúllú froͤide ane allen nît·
wc an dir lit·
d̾ ſeldē vnu̾boꝛgē·
ach mīneklicher vmbevanc·
ach vol vꝛúntlich̾ gruͤze[WS 6]·
ach nie keī ſûeſſe naher dꝛang·
zeh̾zē noh ſo tiefe enſang·
an allē wanc·
alſam din b̾ndú ſuͤze·
Ach h̾zen trut genadē vol·
ach wol vn̄ iem̾ mere wol·
ach ſend̾ dol·
eī ſvͤzú arzenie·
ach h̾zē bꝛuch ach h̾zē not·
ach ſendú trúwe vnz vf dē tot·
ach roſe rôt·
ach roſe wādels vꝛie·
ach ivgēdú ivgent· ach ivgend̾ mv̊t·
ach bluͤgendeſ h̾zen mīne·
ach wahſendú tvgent· ach wahſendes gv̊t·
ach redelicheſ trúbel blůt·
ach honegeſ flůt·
ī mv̊te ī allē ſinne·
Ach wahſendes lieb vō tage zetage·
bc vn̄ bas an alle klage·
ach ſuͤzv́ ſage·
dvr oꝛē in dú h̾zen·
ach g̾nder růwe ein gv̊t gemach·
ach gar vúr ſendú leit ein tach·
ach klingender bach·
vúr dvrſt b̾nden ſm̾zen·
ach ſchoͤne antlút wol ſtend̾ mvnt·
ach reinú valkē ǒgē·
ach lieb vnz vf der ſele grūt·
dv tůſt din lieb mit liebe wūt·
dc iſt vnſ kvnt·
dú rede iſt ane lǒgen·
Ach bꝛehēd̾ ſt̾ne ach bꝛinnēder man·
ach glenzēd̾ ſv̄ne wolgetane·
dvr manigē plan·
ach blvͤnde b̾ndú heide·
ach ǒgē vol ach h̾zen ſat·
ach lieb dar nie kein lieb getrat·
...
ach richiv ǒgēweide·
ach lieb alda ach lieb alhie·
ach lieb ī allē ſinne·
ach lieb dc noh liebers nie·
erwůhs ī mēſchē h̾zen ie·
nie h̾ze enpfie·
ī ſich ſo lieb̾ mīne·
Ach iezont wol vn̄ aber wol·
vn̄ iem̾ wol ane allen dol·
dv biſt ſo vol·
der wūneb̾ndē wūne·
ach zuker ſvͤzer honec ſein·
ach rein ob allē dīgen rein·
ach ane mein·
ach rein ob allē kúnne·
ach rein iſt er ach rein iſt ſi·
ach ſelig ſint ſi alle·
die dich da mīnēt erē zwi·
ach wc in wont der ſeldē bi·
ach deſ ſi vꝛi·
ſint voꝛ dē helle valle·
Ach iezont vꝛo vn̄ ab̾ vꝛo·
mit froͤidē hô·
nv ſvs nv ſo·
dv diſem vn̄ dē gemeine·
ach iezont gv̊t vn̄ ab̾ gůt·
vn̄ iem̾ gv̊t ſo reiner mv̊t·
ſo hat din blv̊t·
dī lip din ſele reine·
ach ſvͤzer wūdêr·
ane [367r] ſw̾t·
ach ſvnd̾ fúr bꝛenere·
wol im ſw̾ wūden vō dir gert·
der wirt d̾ liebeſtvn gew̾t·
dē ie der hert·
getrůg dc iſt gewere·
Ach aller arbeit ein lon·
in leide ein froͤideb̾nder don·
ein b̾nder bǒn·
der alle genade bꝛinget·
ach zeller aller arebeit
die durh dich ie der mēſche leit·
ach miltekeit·
dú alle ſw̾e ringet·
ach wiſer man d̾ nie v̾gas·
der dir ie bot kein ere·
ach kúnig der iezont an der las·
dc gůt dvrh gv̊t dc úbel dur has·
ach ſpiegel glas·
der lut̾lichen lere·
Ach rein ein tvgent ach rein eī vas·
ach kúſcher ǒgen ſpiegelglas·
ach adamas·
d̾ berndē tvgēden gvͤte·
ach wūneb̾nder erē tag·
ach ſelde dú ſich nie v̾lag·
ach biſmē ſmak·
ach blv̊me ī blvͤnder blvͤte·
ach himelriche ſwa dv biſt
in himel in erde in helle·
ach aller liſte eī vb̾liſt·
ach voꝛ dē niht v̾boꝛgē iſt·
ach lieb̾ kriſt·
ach ſvͤſſer redegeſelle·
Ach tvgēt al hie ach tvgent al da·
ach tvgent vf maniger wildē ſla·
verre vn̄ na·
ach tvgent ī allen endē·
ach wol gewiſſenú reinekeit·
ach gvͤte d̾ din h̾ze treit·
die ſint ſo bꝛeit·
dc nieman kan volendē·
ach vatt̾ mv̊t̾ vn̄ mag·
ach brv̊der vn̄ ſweſt̾·
ach ganzer trúwen ein iſaac·
...
ach ane trag·
ein vrúnt húte als geſter·
Swer hoͤhen welle nv ſin lebē·
vn̄ doꝛt mit got ī froͤidē ſwebē·
vn̄ ſich ergeben·
dē vꝛide vn̄ ǒch d̾ mīne·
ſwer welle lernē widerſtan·
d̾ boͤſen ſv́nde an allen wan·
vn̄ ſich erlan·
vil māig̾ argē ſīne·
d̾ lerne diſen mīne ſang·
vn̄ tů nach ſin̾ lere·
ſo entlúhtet ime d̾ ſvͤze īgang·
dē ſin dē mv̊t vn̄ dē gedanc·
an allē wank·
mit hoh̾ wirde vn̄ ere·
Swer hoͤꝛen welle dc er nie·
v̾neme vō mir dc er ie·
der hoͤꝛe hie·
ſwc im min zvnge entſlieſſet[WS 7]·
vn̄ neme deſ ſvͤzē lobes war·
vō dero dú gotteſ kint gebar·
da vō ſi gar·
vō genadē vb̾flúzet·
alſam d̾ luft deſ toweſ tůt·
ī ſiner b̾ndē mīne·
ſi iſt alſo ſeleklich gemv̊t·
es war nie kv́ſcher h̾zeblv̊t·
ſo rein ſo gv̊t·
geboꝛn von wibes kv́nne·
IR b̾nden himel neigent úch har·
vn̄ nemēt deſ ſvͤzen lobes war·
dc ich enbar·
vō dē gewihtē bilde·
dv́ ſich vns voꝛ gebildet hat·
mit reiner ſcham mit kúſcher tat·
dv́ ſvͤzen rat·
git māgē h̾zen wilde·
neige ǒch dv́ heiligē oꝛe din·
zedē lobe dc ich da ſinge·
ih̓c d̾ ſv̊zē mv̊t̾ din·
das ſi geſegēt mvͤze ſin·
wā ſi iſt eī ſchꝛin·
vol aller gv̊ter dinge·
Swer gottes mīne wil beiagē·
d̾ mv̊s eī iagendes h̾zen tragen·
dc niht v̾zagen·
kvnne vf der iagvnden weide·
er mv̊s ǒch heldes krefte han·
wil er die reine mīne van·
vn̄ vaſte ſtan·
ringē ſtritē dú beidú·
dú mv̊s er habē naht vn̄ tag·
nah d̾ gewihtvn mīne·
ſi gat niht ſlafende ī dē ſack·
wā mv̊s ſi twingē in dē hag·
ſleht vn̄ ſtrak·
mit reinē ſteten ſinne·
Dú gotes mīne iſt hoh gemv̊t·
da bi diemvͤtig vn̄ gůt·
ſwer niht entůt·
als er ſol gegen der mīne·
dē wirt ſi niem̾ rehte kvnt·
noh mīneklicher wundē wūt·
zekeiner ſtunt·
wirt er ī ſinē ſine·
ſi iſt alſo ſeliclich gemv̊t·
daſ ſi wil offenb̾e·
ſin ī dem h̾zen diſ hohſte gv̊t·
vn̄ dc all̾ liebſte h̾zeblv̊t·
ſw̾ deſ niht tůt·
der mv̊s ir ſin vnm̾e·
Dien gottes mīne froͤmede ſint·
die ſint mit lihtē ǒgen blint·
dv́ ſelbē kint·
dú heiſſent kint d̾ erde·
die aber gottes mīne hant·
dú kint ſint gotes kint genāt·
vb̾ ellú lant·
mit mīneklichē w̾de·
ir b̾ndú fruht hat b̾ndē regē·
vn̄ himel tǒweſ ſvͤze·
ob in ſo ſwebt d̾ gotes ſegē·
d̾ ir kā zallē zitē pflegē·
dc er vns wegē
zen hohē froͤiden mvͤze·
Swē gotes mīne nie getwang·
nie d̾ ī hohē froͤidē ranc·
noh gůt gedanc
im nie gewurzet īne·
ſw̾ gotes mīne nie bevant·
der iſt als eī ſchatte an einer want·
dē vnerkant·
iſt lebē wizze vn̄ ſinne·
ſwē gotes mīne nie beſas·
dē ſin noh dc gemvͤte·
d̾ iſt der genadē eī ital vas·
blīt iſt ſins h̾zen ſpiegel glas·
ſin lib iſt laz·
[367v] gegē aller ſeldē bluͤte·
Das ich nv vō d̾ mīne ſage·
vn̄ ich ir doh ſo lúzel trage·
dc iſt ein klage·
dv́ wol ze klagēne were·
v̾ſv̊hte ſi mir minē mv̊t·
als ſi dú reinē h̾zen tůt·
dv́ wol behůt·
ſīt vn̄ vnwandelb̾e·
ſo moͤhte ich deſte bc geſagē·
vō der gewihtē mīne·
nv mv̊s ich and̾ rede v̾zagen·
wā ich ir leid̾ han get̋gē·
bi minē tage·
ſo lúzel ī dē ſinne·
Vn̄ hvlfe mich nv ſendes klagē·
ich klagete das mans moͤhte ſagen·
dc ich d̾ tagē·
ſo lúzel hatte d̾ mīne·
mit d̾ ich ſolte gewoꝛben han·
dc lieb dc niemer kā zergan·
mich trǒg d̾ wā·
d̾ manigē nimt die ſinne·
ich wāde vn̄ wolte wiſſē niht·
ich bin d̾ wener eine·
d̾ innā iſt blint vn̄ vſſen ſiht·
als allē toꝛē da beſchiht·
des iſt als ein wiht·
mis h̾zen froͤide kleine·
Getrúwer got nv erbarme dich·
genedeklichē vb̾ mich·
der genadē ich
bedarf vō allē h̾zen·
wā min̾ ſv́ndē der iſt me·
dāne wages ī dē bodēſe·
deſ iſt mir we·
vn̄ dulde manigē ſm̾zen·
ich han dich lúzel mine tage·
gemīnet daſt ane lǒgē·
dc ǒch ich dir h̾re klage·
ich wc gegē din mīne eī zage·
da vō ich t̋ge·
ein wūdes h̾ze tǒgen·
Swa tvgentrichú h̾zen ſin·
dien diſú klage w̾de ſchin·
die ſvln mī·
dvr got zegotte gedenkē·
vn̄ zv̊ d̾ ſvͤzen mv̊t̾ ſin·
dc ſi dē dúrrē h̾zen mī·
dē lebēdē wī·
der warē rúwe ſchenkē·
des bit ich dvr dc h̾e blv̊t·
dc er goſ dvr vnſ armē·
ſint mir zeſiner mīne gv̊t·
dú dúrreſ h̾ze bluͤien tv̊t·
vn̄ mir der mv̊t·
ī rúwē mvͤze erwarmē·
Nv wil ich lan die klagē varn·
vn̄ wil eī lob zem ander ſcharn·
deſ mā ſol warn·
mit lut̾lich̾ mīne·
mit anegend̾ reinigheit·
d̾ ſv́nde d̾ ſi wid̾ſeit·
dú b̾ndeſ leit·
kan b̾n vn̄ arge ſīne·
wā ſol ir gar vn̄ gar gedagē·
ſwa mā ...
liet od̾ m̾e welle ſagē·
wā ſol ſi vō dē herzen iagē·
...