Ein mv́ndel rot zwo bꝛvne bꝛa
[362v]
Ein mv́ndel rot zwo bꝛvne bꝛa·
hant mih v̾wunt niht and̾ſwa·
wā in dc h̾ze al da
dú mīne wōt mir alſe na·
ſo ſere ringe ich vf ir ſla·
dc ich ervúrhte w̾den gra·
e zit eſ wende ein lieblich ia·
Zer w̾lte kvmt er niem̾ me·
dē nach ſim liebe ſi ſo we·
mich vꝛumt niht mere noh ſin kle·
ich aht vf blv̊mē als vf ſne·
mirſt ſwere d̾ ſuͤze vogel ſchꝛe·
nah ir ſen ich ſwies mir erge·
ſus lige ich ī ir mīne ſe·
Min mv̊t iſt ſwerer dan eī bli·
der ſolte grůnē ſam ein zwi·
dc mich da twīget dc iſt ſi·
ich moͤhte ſoꝛgē w̾dē vꝛi·
ſolt ich d̾ liebē weſē bi·
nah minē willē tage dꝛi·
ſo wer mī froͤide gros ahý·
Swas ich die mīne ſtrike flo·
doch hant ſi mich bevangē ſo·
dc ich an vꝛoidē bin zerô·
ir ermel blank ir hende zwo·
d̾ trútē mahte mich wol vꝛo·
das mī gemvͤte dꝛunge vf ho·
als in dē meiē gruenú lo·
Ich bin vō ſenelich̾ klu·
dv́ mich da dꝛvket ſam eī vlu·
ī minē h̾zē nie ſo ru·
vil ſveze mīne wolteſt dv·
mich ſendē ſiechē troͤſtē nv·
ich ahte[WS 1] klein der merker hv·
vn̄ lieze gar d̾ ſoꝛgē dꝛv·
Anmerkungen (Wikisource)
- ↑ Vorlage: ehte.