Es ist gar vnmassen lang

Es ist gar vnmassen lang·
dc ich niht von liebe sang·
ich habe vndank·
so mir wirt ein vmbevang·
von ir liehten armen^{[WS 1]} blank·
min sorge ist kranc·
wanne sol ich geleben die lieben stunde·
nieman kvnde
mich getroͤsten bas·
danne dú der ich da nie vergas·
nv wissent dc·
swc ieman tůt·
ich han den mv̊t·
Min herze ist da·
niht anderswa·

Ach wie mich súften tůt·
din mvnt rot alsam ein blůt·
den minen mv̊t·
dú bist alse rehte gv̊t·
vnd mit stete wol behv̊t·
vor valsches flůt·
frôwe ioch bin· ich dienstlich gar· din eigen·
frǒwe dú kanst neigen·
mir herze vnd sin·
schǒwe wie gar ich din eigen bin·
ich mag niht bc
wan wissent dc·
Min herze ist da·
niht anderswa·^{[WS 2]}

Liebes lieb dir si bekant·
sit dich erst min ǒge vant·
din wissú hant·
leit an mich ein volgebant·
dc beschach mir sa zehant·
des wis gemant·
minne dis bant· stet gar in diner hende·
nieman wende·
mich gelǒbent mir·
sinne min lip vnd des herzen gir·
die volgent dir·
wc sol des me·
swies mir erge·
Min herze ist da·
niht anderswa·^{[WS 3]}

Anmerkungen (Wikisource)

1. Vorlage: armēn.
2. Vorlage: Min h̾ze iſt·
3. Vorlage: Min h̾ze iſt·