Froͤit úch eregernden leien

aus Wikisource, der freien Quellensammlung
Zur Navigation springen Zur Suche springen
Textdaten
Autor: Der Püller
Illustrator: {{{ILLUSTRATOR}}}
Titel: Froͤit úch eregernden leien
Untertitel:
aus: UB Heidelberg 254r und UB Heidelberg 254v
Herausgeber:
Auflage:
Entstehungsdatum: 13. und 14. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Froͤit úch eregerndē leien in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[254r]

Froͤit úch eregernden leien·
gegen den wunnebernden meien·
der die liehten heide hat
in manige wis bekleidet·
dc vil stolze walt gesinde·
singet aber vf der linde·
schowent wie der anger stat·
der winter hinnan scheidet·
der vogelin truren sich ze froͤiden keret·
die der winter húre storte·
dc man niht ir singen horte·
die hant froͤiden vollen rat·
ir sang sich aber meret·

Werende not in herzeleide·
treit min herze an vnderscheide·
vngenade dú hat [254v] mich
enpfangen zeingesinde·
minne disen kvmber wende·
rat das si mir helfe sende·
dc si bas bedenke sich
gegen mir dú minnekliche·
dc si giht nein dc wort mir truren meret·
dc si ia niht gegen mir sprichet·
wie dc froͤide mir zerbrichet·
ia ist si neines al zerich
swer si dc gegen mir leret·

Niemer tag ich den gediene·
ia dc holte ich mir[WS 1] zewiene·
ich holte mirs[WS 2] in vngerlant·
dc sis mit willen tete·
swa mir von ir rotem mvnde·
ia der froͤidebernden stvnde·
wurde froͤide noch bekant·
an neine[WS 3] mit gerête·
ir horte ich ia mir mvͤste sorge entwichen·
nein mir froͤide wil vertriben·
minne sit dv gůten wiben·
bist zedienste wol bewant·
râte is der minneklichen·

Anmerkungen (Wikisource)

  1. Vorlage: ir.
  2. Vorlage: irs.
  3. Vorlage: eine.