Frowe ich w̾e g̾ne vꝛo
[152r]
Frowe ich w̾e g̾ne vꝛo·
dc mag ân iv wer helfe niht geſin·
we wie w̾e iv dāne ſo·
dan iſt niht an nemt and̾ troͤſter dāne min·
ane got eine· kan mich niht getroͤſtē wā ir eine·
lat ſolhē ſpot· deſwar ich ahte vf úw̾ klaſē harte kleine·
Nein vil ſv̊zú frǒwe nein·
ſtetē frúnde ſol niemā alſo gar v̾ſagē·
wēne wart ich deſ enein·
dc ich úwer ſw̾e wolde helfen tragē·
wiſſēt dc ich fúrht wirt [152v] ſi vō iv niht ring̾·
ich ſage ú bas durh ſolhe not v̾lure ich niht ein vinger·
IR ſult ſelhen ſpot v̾b̾n·
ia hat mir d̾ ernſt gar dē ſchimpf benom̄·
nv weſ ſol mā úch gewern·
dc ir ſpꝛechent dc iv ſw̾e ſi benomē·
deſ kan ich úch wol gewiſen nemt ir mich zerate·
v̾denke ich mich als ich doh ſol ſo volge ich ú deſ rateſ ſpate·
Das mī rat vn̄ ǒch min klage·
ú ſo kleine wiget dc tůt mir we·
zúrnēt ir ob ich v̾ſage·
dc mir nien enkvmt· ſo wirt des zoꝛnes me·
ſit nv zoꝛn niht vrumt· ſo ſvͤne ich g̾ne vf úwer guͤte·
ih han geſwoꝛn dc ich voꝛ loſer māne túke mih behuͤte·
Boͤſer túke iſt mir kvnt·
ich han ú gedienet ane valſchen wank·
wer es war dc úwer mvnt·
gegē mir ſpꝛichet deſ ſagte ich ú g̾ne dank·
hulfes iht· ich ſwuͤre ú dc ich niht kan wā die riht·
ſo ſvlt ir niht v̾kvnnē úch dar vmbe gůter zv̊verſiht·