Got hat vns ab̾er ſan gemant

Got hat vns ab̾er ſan gemant·
es ſi noch alles in der not·
ſin reine grab da er inne lag·
owe vn̄ ǒch ſin ſelig lāt·
da leit er durh vns den tot·
dc vns den tot·
dc vns dc ie^{[WS 1]} ſo ringe wag·
er lôſte vns ie doch alle·
wir dienē im aber alle niht·
vō der helle valle·
dc niemer mer geſchiht·
nv ſeht wie der gevar· deſ h̾ze vn̄ ǒge in vb̾ſiht·

Swer nv dc krúze niht en nimet·
der libes vn̄ gůtes hat·
die vollen dc iſt miſſetan·
ſo wol als es der w̾lte zimt·
vn̄ ǒch der ſele wirdet rât·
niht anders ich gelǒben kan·
da mitte wir hie da ringē·
dc iſt der ſele ein arbeit·
niwā das wir ſi bꝛingē·
vs groſſer liebe in leit
die bloͤde la dir h̾re got an vns vil armē ſin gekleit·

Eſ bꝛahte ir miſſebieten mich·
ſo dike in ſenelichen mv̊t·
daſ ich der w̾lte wart gehas·
do ſi der ſwere froͤite ſich·
dú we nah herzeliebe^{[WS 2]} tv̊t·
vn̄ ſi min ſo gar v̾gas·
do gedahte ich nach dē lone
der ſuͤſſen eweſtetekeit·
ob mir iemer himel krone·
des libes arbeit·
v̾dienē kv́de vmb in der krone ob allē kronē treit·

Nv erteil ein ſinneriches wib·
was einer frǒwē rehtes ſi·
dv́ dieneſt von dꝛin mānen nimet·
behaltet ſi der dꝛier lib·
da en iſt niht ganzer froͤidē bi·
ſit es dien gůtē miſſezimet·
erwirbet ſi der eine·
ſo erbarmet mich der zweier not·
iſt ab er ſi dien zwein gemeine·
dc iſt des dꝛittē tot·
vō ſolhē dingen wurde ein ſchamig wib vil lihte rot·

Anmerkungen (Wikisource)

1. Vorlage: vns ie.
2. Vorlage: herzelie.