Got vatt̾ ſun mit geiſte

Got vatt̾ ſun mit geiſte·
lob ere pris gebenedit
ſiſt dv genedig ſv̊che d̾ la mich h̾re ſin gezwit·
vō diner gvͤtlichē art
dur dē gedank d̾ din geſchepfede zilte·
ſvs trit ich an dc meiſte
vō einē vs einē d̾ dꝛitte ſpꝛos·
vn̄ was niht deſte ivnger· ein weſē dvrh dꝛie vlos·
d̾ ewig wc vn̄ wart
dꝛie ꝑſonē ī ein̾ ſb̾ſtancie iſt got hilte·
dc wūder dc hat krefte·
got fúr ze der helle· d̾ lip wc tot vn̄ lag in grabes hefte
vn̄ wurdē doh nie geſcheidē·
geflohtē vs geſtriket in·
an ende vn̄ ane begīne ſchin·
ſus gab er die inſtú gegē ivdē vn̄ gegē heiden·

Eins bꝛaht ein vn̄ zwei dvrh eine·
mit der dꝛie dꝛú in eine·
vn̄ eines vmbe die alle· alda ſo lit ia vn̄ nein·
dc wc all̾ wūd̾ vrſpꝛing·
d̾ ſecht̾ eine wart al da zezart·
got bꝛaht vns mīne reine·
nature wiſheit ſint dvrh dē·
dē niht kvnde vmbe vahē vatt̾ ſvn mit geiſte die dꝛie ī einē got wir ſtehē·
die alle vmbevienc
maria klare neī vn̄ ia valſch ware gelǒbe wart·
ſtature wart zerbꝛochē·
do geiſt ī geiſtes geſchikeit zoch an ſich menſchē knotē
ī einer megde libe
dc wc wol aller wūd̾ hort·
got viel got beleib got mēſchē woꝛt·
got wūd̾ere· gib vnſ himel belibē·