Got vn̄ din eben ewekeit
[323v]
Got vn̄ din eben ewekeit·
mit dꝛī^ ꝓſonen vnder ſchꝛiben·
ſît es gelobt das vnſer leit·
der dꝛier einer hat v̾triben·
der dir ze kinde iſt bi belibē·
Der ſelbe wart dvr din gebot·
vn̄ ǒch durh vnſer heil v̾ſnittē·
deſ ſtarb er menſche vn̄ ſtarb niht got·
er ſtarb nach mēſchlichen ſittē·
ſin ſterbē hat vns leben erſtrittē·
Des vater mīne vn̄ ǒch des ſvns·
der gotheit in ir herze dꝛang·
vn̄ klagte in beidē wie das vns·
der erſte val ze valle twanc·
dar an vns allē miſſelang·
got herre vn vber wundelich·
hie vber want div mīne dich·
getoꝛſte ich ſpꝛechē ſo ſpꝛeche ich·
ſi wart an dir ſo ſigerich·
dc ſi den val nam vber ſich·
Das vnſ zeflůche was geſchehē·
des hat dú mīne vns vber tragē·
des ſvln wir lob d̾ mīne iehen·
vn̄ iemer mer genade ſagē·
Si hat getroͤſtet vnſer klagē·
got lie ſich dvrh ſi menſche ſehen·
der die mīne tůt bekant·
den lat iv hie kúndē·
gotes geiſt iſt er genant·
twahen kan er vō ſv́nden·
mit zweī waſſer v́nden·
Das ein iſt der weſt̾ tǒf·
da man inne tǒfet·
So iſt des andern waſſerſ lǒf·
dc dvr ǒgen lǒfet·
vn̄ dú wangē betrǒfet·
der mīne ſchenke iſt aller meiſt·
der vber ſvͤſſe gotes geiſt·
dem er die wil ſchēken·
den divrſtet nach der mīne niht·
div zv̊ den ſúnden hat gepfliht·
Gotelich iſt ir trenken·
Dú mīne iſt gůt·
der ſvnnē glv̊t·
vn̄ ir geluſt erloͤſchen tůt·
dú aber zeſúndē weket mv̊t·
der mīne ſvln wir wenken·
Dvr mīne wart der alte ivng·
d̾ ie was alt an ende·
vō himel tet er einē ſpꝛvng·
her abe in dis ellende·
ein got vn̄ dꝛú genende·
enpfieng vō einer megde ivgent·
dc geſchach dvr mīne·
ir gab deſ heiligē geiſtes tvgēt·
mīne bernde ſinne·
des wol dir kúniginne·
aller wund̾ ſi geſwigē·
dc erde himel vber ſtigē·
dc ſvlt ir fúr ein wunder wigē·
erde obe vn̄ himel vnder·
dc ſvlt ir han beſvnder·
fúr elliv wūder wunder·
an dem diſ wūder ſi geſchehen·
des mv̊s man vō der megde iehen·
die got liphaft zehimel nam·
dar mēſchlich menſche nie bekam·
vō erdē ſo was ſi geboꝛn·
vn̄ wart foͤgetinne ze himel erkoꝛn·
des habe dú ware mīne danc·
die got zv̊ dirre liebe twanc·
An ir lit aller engel lob·
ſi iſt ein ſt̾ne von iacob·
ir mv̊terberē magetv̊m kan niemā volle trúten·
vō engeln noch vō lútē·
Dv pat́archē voꝛ behúge·
ꝓpheten lobes ein vberflúge·
ine weis ob iemā da zv̊ túge·
dc er din lob reichē múge·
der die ſvnnē enpfenget·
den haſt dv geangenget·
Dv blv̊mē gerte vō ýeſſe·
dú nie gewan gelichen me·
vn̄ ǒch niem̾ me gewinnē mac·
din lib bꝛahte vns die ſvͤſſen fruht·
deſ himel Vn̄ erde iſt ge eret·
ſwa ſi hat geſeret·
da haſt dv heil gemeret·
Minnē burde ſvnd̾ ſwere·
mīnen burde ſv́ndē lêre·
Vn̄ doch rehte mīnen bvrde·
wart getragē vō dir alleine·
Dv vil reine vn̄ er vil reiner·
Mit dem dv geburdet wurde·
Er got d̾ mīne· er mīne ſchenke·
in tet dv́ mine alſo gelenke·
dc er ſich in din h̾ze vielt·
der aller elem̄te wielt·
Sit dc mīne vns hat geneiget·
den deſ ſvͤſſe ſúnde veiget·
vn̄ deſ helfe vns trurē ſweiget·
Als er vil dike zeiget·
des ſi er gebenedîget·
aller criſten ſtīme ſchꝛîget·
zv̊ dir mv̊ter magt maria·
dc din helfe vns ſúndē vꝛîe·
dur die eingottigen dꝛîe·
die criſten gelǒbē dꝛigent·
Minne din fúr iſt en zv́ndet·
mīne din kraft iſt dur grúndet·
dv biſt ǒch als vber wúndig·
dc niemā lebet ſo ſv́ndig·
wiltu dich vnder winden ſin·
er w̾de gotes vn̄ ǒch din·
So ile mīne vn̄ kvme her abe·
bꝛinc din ſvͤſſe mit dir her·
dú din gernde ſi der ger·
mīne gernde mīne·
wie ſich din gerndú diet gehabe·
des nim war vn̄ růch der·
in der herze ſv́nde iſt ſwere·
mīne den gib ſīne·
da vō ir heil beginne[WS 1]·
mīne enbirt wol ſv́ndē namen·
mīne ſol ſich ſv́ndē ſchamē·
Súndē iſt niht mīne·
mīne iſt ir toͤterinne·
Do mīne des niht wolte enbern·
ſi mvͤſte got ir bette gewern·
do mv̊ſte er ſiner tohter gern·
menſchlich zeiner mv̊ter·
Svs wart dú tohter mv̊ter ſin·
vn̄ ǒch d̾ vatter ir ...[WS 2]
[324r] ... vol niht ſin kark·
noch al ſin kv́ndekeit im ſi doch malt̾ vber ſtark·
ſo tůt dc mútte ein fůter dc malt̾ kume ein halbeſ fuͤderlin·
ſage mvnt vol hant vol ſchos vol malt̾ mútte·
iſt din gezelt iht wit̾ dāne ein hútte·
ſpꝛich ia vn̄ las dich ſelbe vngaffet·
er iſt ein toꝛe d̾ wol getar·
hoh vberhǒbet grazen dar·
da ſin getar im ſelben ſchadē ſchaffet·
Der hof hat dꝛier hande diet·
gehoft vn vngehoft v̾hoft der mir dú dꝛú beſchiet·
der bat mich dc ich wer bi den gehoftē gerne zaller ſtunt·
er ſpꝛach mag es niht rat geſi·
ſo volge miner lere vn̄ wis dē vngehoftē bi·
od̾ bi dien gar gehoftē v̾hoft dē iſt wol valſcheſ túſchen kvnt·
v̾hoft dc lekert zeteſlichē ſtundē·
ſoſt vngehoft mit ſchame doch gebundē·
v̾hoft e der dāne wolte vꝛagen·
er tête ê miſſewēde dꝛin·
ſo mv̊s doch ienre ī ſchamē ſin·
ern welle dan dekein̾ erē lagē·
Uoꝛ gelihſenere kúndekeit·
ſol mā ſich gerne huͤten wā ir mātel iſt ſo bꝛeit·
dc ſich dar vnder birget valſchlich̾ leben dāne ir geberde ſi·
geiſlich geberde vn̄ fleiſchlich leben·
ſwa dú beide luzent vnd̾ infeln bi dien krumbē ſteben·
da v̾ſv̊che eī wol v̾ſvnnē keiſer einen glihſenere bi·
dú glihſenheit dú birget vil vnreines·
ſi hat ſo vil d̾ ſv́ndē vn̄ des meineſ·
vf ſich geladē in kurzen iarē·
dur Jvden[WS 3] vn̄ durh fúrſtē golt·
ſo iſt man ir ze rôme holt·
ir crede mich kā ſchatzeſ wol gevarē·
Der toꝛē milte toꝛē lobet·
ſw̾ dan dur toꝛē lob ſin gůt v̾toͤꝛet vn̄ v̾tobet·
d̾ habe der tôꝛē lob vn̄ ſi da bi ân ere vnd̾ âne gůt·
dú mīne hat ir toꝛē ovch·
er wol der mīne toꝛe vn̄ rehter witze ein gǒch·
ſwer wol gewibet iſt vn̄ vf ein andere wendet ſinē mv̊t·
ſw̾ ǒch turnierē minnet alſo ſêre·
dc er da bi v̾giſſet d̾ hus ere·
dern hat die mâſſe niht behaltē·
ein genv̊g turnierē dc iſt gůt·
zevil an allē dingē tůt·
bꝛuch an dē lobe ſvs ſagent die wîſen alten·
Dú liebē wib betwingent man·
iſt da twingē bi ſon iſt da doch niht wund̾s an·
ſo twinget ſchatz ǒch ſinen kneht alſo dc er im dienen mv̊s·
ſo twinget gv̊tes h̾re ǒch gv̊t·
dc es im dienē mv̊ſ vn̄ liden ſwaſ er mit im tv̊t·
ſo twinget wines kraft ǒch ſinē man dc im wirt ſinne bůs·
dānoch weis ich ein wūderliches twingē·
dc wūd̾lich̾ iſt ob allē dingē·
dc einē totē wúrfelgebeine·
ein lebende man h̾ze vn̄ mv̊t·
ſo g̾lich vndertenig tůt·
dc es im nimt h̾ze vn̄ lib alleine·
Der túuel ſchůf dc wúrfel ſpil·
darvmbe dc er ſelē vil da mit gewīnen wil·
dc eſſe er hat gemachet dar vf dc ein got gewaltig iſt·
der himel in ſinē handē ſtat·
vn̄ dú erde dar vf er dc tus gemachet hat·
die drien vf die dꝛie namē die er hat d̾ ſuͤſſe wêre criſt·
dc quater dc wurchte er mit groſſen liſten·
vf die namē der vier ewangeliſtē·
dē zinggen vf deſ mēſchē ſinne·
wie der die fvͤnfe mache krank·
dc ſes wie er ſehs wochen lang
die vaſten vns mit topel an gewinne·
Har vn̄ bart nach kloſter ſitten·
vn̄ kloſt̾lich gewant nach kloſt̾ ſittē geſnittē·
des vinde ich genv̊g in vinde aber d̾ niht vil dies rehte tragen·
halb viſch halb mā iſt viſch noch man·
gar viſch iſt viſch gar man iſt mā als ichs erkēnen kan·
vō hof mv́nchē vn̄ vō kloſter rittern kan· ich niht geſagē·
hofmúnchē kloſt̾ ritt̾ diſen beiden·
wolte ich reht zerehte wol beſcheidē·
ob ſi ſich woltē laſſē vindē·
da ſi ze rehte ſoltē weſen·
in kloſter mv́nche ſvlen geneſen·
ſo ſvln deſ hofs ſich ritt̾ vnd̾windē·
Do wonte ein maget vf erde hie·
dú ſante ir bottē vſ nach goteſ ſvn nv m̾kent wie·
ir kv́ſche vn̄ ir demvͤte ir zuht ir ſcham ir groſſe reinekeit·
die lattē got mit ganzer kraft·
alſo dc er ir ſante die hohgeloptē boteſchaft·
dc ſi in magt geb̾e· do wart ir vō dē engel do geſeit·
do die bottē die liebē mêre v̾name·
vn̄ ſi in ganzem gelǒbē deſ bekamē·
d̾ heilige geiſt d̾ enpfieng ſo ſchone·
dc kint mit māgē tvgēdē ſo·
dc wonte vnd̾ ir bꝛuſtē do·
vnz ſi in gebar wc gebē wir ir zelône·
[324v] Adam vn̄ manig v̾loꝛnú ſel
froͤite dc in d̾ helle do der engel gabꝛiel·
aue marien kvnte dc reine woꝛt vn̄ ſi in maget gebar·
den hohgeloptē reinē got·
des mēſcheit an dē krúze leit den tot nach dem gebot·
als in dú mīne lêrte vn̄ im gebot dc wart erfúllet gar·
ſin ſúndē blôſſer lib der lie ſich toͤten·
ſin vnſchuldig tot half vns vs noͤtē·
er b̋ch die helle nach ſinre vrſtende·
do wart vil manig ſele erlôſt·
nv bîtte ich dich vil ſvͤſſer troſt·
dc dv mir gebeſt ware rúwe voꝛ minē ende·
Matheus mēſchen bilde hat·
wie got eī mēſche wart vō im vns dc geſchꝛibē ſtat·
ī manigē ewāgelio dú got ſelber ſpꝛach dur ſinen mvnt·
wie got alſam ein calp v̾trůg·
dē tot an d̾ menſcheit wie mā in an dc krúze ſlůg·
dc machet lucas calp mit ſiner ſchꝛift vō criſtes tot vns kunt·
wie er vō tode erſtůnt mit loͤwē krefte·
dc ſchꝛibet Marcꝰ leo mit meiſt̾ſchefte·
Ioh̓s ar vō d̾ gotheite·
die hohen wiſheit niht enſpart·
in arn wiſe gotes himelvart·
do gab vn̄ git noch maniger ſele geleite·
Hei wie wūneklich ein ſchar·
da die vil reine t́nitate in ein geſamēt gar·
zv̊ voller angeſihte vn̄ ǒch du edele mv̊ter bi geſtat·
dú aller guͤte iſt vb̾vlůt[WS 4]·
ich meine criſteſ mv̊ter dú da beſſer iſt dan gůt·
ꝓphetē pat́archen der engel ſchar ǒch da vil ſchone hat·
zwelf bottē vn̄ vier ewangeliſtē·
marterer vn̄ and̾ gv̊te kriſten·
bihtere megde witwen vꝛowen·
vn̄ alle gottes heiligē gar·
h̾re got nv hilf vns dar·
dc wir ſi doꝛt mit froͤidē mvͤſſen ſchǒwen·
Es iſt vil manigē mīner leit·
ob iemā ſiner frǒwē dienet vf genedekeit·
wā er wil eine ir einer dienē vmb ir hulde vn̄ vmb ir grůs·
nv grîfen alle criſten zů·
vn̄ dienē min̾ frowē dienē ſpate dienē frů·
mit minē gv̊tē willē ſi tůt in allen aller ſoꝛgē bůs·
der diener ſol keiner dē andern nidē·
ſi ſvln alle vnkúſche ǒch gar v̾midē·
ſi iſt reine ſi mv̊tet niht wā reines·
ir wont dú ware mīne bi·
ſi iſt alles wandels fri·
er ſelig man dem ſi gewingket eines·
Sw̾ g̾ne mīneklichē lige·
vn̄ in den ſelbē froͤidē doch den ſv́ndē an geſige·
dē wiſe ich an ein bette da er vil maniger froͤide nietet ſich·
lege ſich vf ſinú barē knie·
vn̄ ruͤfe tugentliche ze der magt dú ſv́nde nie begie·
ſpꝛeche anders niht wan frowe dur dine grôſſen guͤte erhoͤꝛe mich·
wie koͤnde er bas geligē vn̄ gemīnen·
mag er die frowē erwerbē vn̄ gewīnē·
dú kan wol w̾nde froͤide machen·
ir guͤte froͤit ie bas vn̄ bas·
ir guͤte wirt ſin materas·
ſo wirt ob im ir gvͤte ſin dekelachē·
Du ſv́ndē blos du valſches bar·
du himel frowe gewaltig vber al d̾ engel ſchar·
des himels vn̄ der erde vn̄ ſwes din kint dar inne begriften hat·
dv êreſtes[WS 5] mv̊t̾ reinú maget·
dú erlúhteſt vinſter naht als ſi mit ſv̄nen ſi betaget·
dv gruntveſte ſteter trúwē dú ſchirmerinne gotes hant getat·
dv ſv̊nerinne criſten ivden heidē·
dú wol dc úbel ze gv̊te kan beſcheidē·
dv poꝛtenerīne voꝛ hellebandē·
gar ſv́nd̾ troſt din helfe ich ſpúr·
dv vn̄ din ſvn fúr helle fúr·
ſint vnſer ſchirm voꝛ ſv́ndē vn̄ voꝛ ſchandē·
Sich vmbe dich vil ſelig wib·
ſich ī min h̾ze vindeſt iemā da dan dinē lib·
ſo la mich frowe v̾derbē vn̄ ane troſt vntz an min ende lebē·
ſiſt ab̾ dv gewaltig mī·
vil ſelig wib ſo la mich bas in dinē huldē ſin·
in kan niht fúr bas w̾bē min ǒgē hant dich minē h̾zen gebē·
dc haſtv ſelig frowe gar dur gangē·
ich han dich dike tǒgē dꝛin enpfangē·
ſwēne ich ſo lieb an dih gedahte·
ſo wart mir eine wile bc·
dar nah ich dike trurig ſas·
dis kurzelieb mir lāges leit ie bꝛahte·
Sit trúwe iſt al d̾ w̾lte gůt·
ſit trúwe iſt al der ſeldē dach getrúwelichē mv̊t·
han ich gegē d̾ vil gůtē dú mineſ h̾zen kúnigīne ie was· vn̄ iem̾ mv̊s an ende ſī·
mir lieb voꝛ allē frowē lieb dú liebe frǒwe min·
ſi mīnekliche ſi gv̊te min trúwe iſt veſt̾ dāne ein adamas·
gegē ir wā ſi iſt mineſ wūſcheſ paradýs·
vn̄ min̾ wūne gar ein blvͤndeſ ris·
vn̄ mines alt̾s ein [325r] ſvͤſſú ivgende·
vn̄ min̾ ſelde ein hoher vunt·
miner froͤide ein w̾nder grunt·
mich troͤſtet ir ſchoͤne ir kv́ſche vn̄ ǒch ir tvgēde·
Der gůten wibe w̾dekeit·
wil ich mit woꝛtē vn̄ mit ſange iemer machē bꝛeit·
vō getrúwes h̾zen grūde dur die vil h̾zeliebē frowē min·
an d̾ min hohſtú froͤide ſtat·
ir kúſche ir ſchoͤne ir mīneklich̾ lip beſloſſen hat·
min h̾ze ſit der ſtvnde dc mich enpfieng ir liehter ǒgē ſchin·
da wart ich alſo mīneklich enpfangē·
da vō min truren was vil gar zergangē·
ſwa ſi nv ſi dú mīnekliche·
ſi iſt mir in dē h̾zē bi·
ir lib iſt alles wandels fri·
da vō bin ich an hohem mv̊te riche·
Was kleid̾ frowē wol anſtê·
des wil ich úch beſcheidē ein hemde wiſ alſam eī ſne·
dc iſt dc ſi got mīne vn̄ habe in lieb deſt wol ein riches kleit·
dar obe ſol ſin ein rok geſnittē·
ſo dc ſi lieb vn̄ leit ſol tragē mit vil kúſchen ſittē·
ir gúrtel ſi dú mīne ir vúrſpan dc ſi tugendē ſi bereit·
dú ere ir mātel dc der an ir deke·
ob iht deſ ſi dc wandels an ir bleke·
ir riſe dc ſol ſin ir trúwe·
dar ob ein ſchapel vō d̾ art·
dc ſi voꝛ valſche ſi bewart·
ſi ſelig wib der lob iſt iemer núwe·
Ein man d̾ ſo erwoꝛbē iſt·
d̾ ſol ſich froͤwē des dc es hat alſo geoꝛdēt criſt·
ein lip zwo ſele dc iſt ſwa ſich zwei gebēt zeſamē mit reht̾ ê·
wol im d̾ hohē zúu̾ſiht·
dc er ſo volleklich hat mit ir kúſche gemeine pfliht·
iſt dc ſi beide mīnēt vō herzē got nv hoͤꝛent vō in mê·
iſt dc er ſi mit ſteten trúwē meinet·
ir zuht ir kúſche ir gvͤte voꝛ valſche in reinet·
lat ab̾ er ſi des engeltē·
dc ſi ſich âne miſſetat·
lat vindē ſo iſt ſin ere mat·
er dient da mit gotes zoꝛn d̾ w̾lte ſcheltē·
Ein mā d̾ niht erwīden wil·
er mīne ein lieb zv̊ ſinē wibe nach ſines h̾zē ſpil·
dē wil ich ein zv̊ wiſē· die im d̾ babeſt niht v̾bietē mag·
mīne ere alſam ſin ſelbes wib·
er hals ſi vn̄ kuſſe er dꝛuke ſi ſchone an ſinē lip·
vn̄ lige er in der mitte· ſo weiſ ich wol nie keiſer bc gelag·
ſwelh man dú zwei hat bi ſiner ſitē·
der mag d̾ hohen ſvnnē wol erbiten·
ein reines wib vn̄ dar zv̊ ere·
die mīnet vō rehte ein w̾der man·
dú dꝛú niemā geſcheidē kan·
es en tů d̾ tot· od̾ tvmbes h̾zen lere·
Dú mīne hat wūd̾lichē ſit·
ſi ſvͤſſet ir viendes mv̄t vn̄ tůt ir frúnde ſwere quit·
ſi pflege bas frúndes munde ſweze den tete vinde vindes nît·
Nv hilt ir mīne minē namē·
wil ſi ſich frúnde viendē ſo mag ſich frúnt wol mīne ſchamē·
ich meine ſwa frúnt gegē frúnde mīne ſpart vind ſich git·
hie miſchet ſich mīne ſvͤſſe mit diſtelz gretē·
wil ſi durh loſen volgē boͤſen reten·
war zv̊ ſol denne ir nam getúret·
iſt ſol dich vnſtete ir ſvͤſſe bi·
ich wil erteilē ſwa dú ſi·
vf minē eit dc mīne da wirt gefúret·
Ein lib zwo ſele ein mv̄t ein mv̊t·
ein trúwe vúr miſſewēde vn̄ ǒch voꝛ varnd̾ ſcham behv̊t·
hie zwei da zwei ī eime v̾einet gar mit ſteten trúwē ganz·
ſwa lieb mit liebe des wirt inein·
da kan ich niht gedēken· dc ſilber golt vn̄ edel geſtein
d̾ zweier froͤide v̾gulte· dú ſich ſo bútet durh lieht̾ ǒgen glanz·
vn̄ ob dú mīne der zweier h̾ze būde·
ſwa mā dú beide vnder einer deke fvnde·
dc arm mit arme ſich beſluſſe·
da moͤhte wol ſin d̾ ſeldē dach·
nv wol im dē es ie geſchach·
ich weis dc wol dc ſin got niht v̾dꝛvſſe·
Ein ivng ſi lobelichē ivng·
ſo habe ein hoh geburt nach hohē erē g̾ndē ſpꝛūg·
ſi valſcher volge vꝛi ſi gv̊t̾ lere willig vn̄ fro·
ſi ſines mvndeſ niht zeſnel·
in zoꝛne las des mv̊tes vierekke vn̄ niht ſinewel·
ſolt ich mir einē h̾rē wúnſchē dē wolt ich mir wúnſchē ſo·
vn̄ dēnoch mêr kvnd er ſich des betwingē·
dc er ſich biderbe lúte lieſſe dꝛingē·
vſ engē winkeln an die wite·
ſwelh h̾re mir volge giht·
d̾ ſelbe h̾re wil des niht·
dc mā mir mv́ge ſin lob getv̊n ze ſtrite·
Ein h̾re ivng ſchoͤne vn̄ rich·
d̾ ſol ſin manlich mīneklich vn̄ ritt̾lich·
wie manlich mīneklich vn̄ ritt̾lich·
wie verre dú dꝛú gereichē mvgē deſ lant úch [325v] alle wund̾ nemē·
mālich w̾t ſich vn rehter tat·
ſo w̾t ſich mīneklich vn ſvͤſſes mv̊tes ſwer dē hat·
ſo leret rit̾lich geſelle ſin vn̄ wol bi lútē zemē·
manlich dc treit dē zǒm in mv̊tes mv̄de·
vn̄ rīget mit dem mv̊te māge ſtunde·
ſo mv̊t mv̊t willeklich g̾ne w̾e·
ſo bꝛichet mālich mv̊tes mvnt·
vō ſiner friheit māge ſtūt·
vf rehte tat dc m̾kent mv́twillere·
Mv̊t wille iſt úbel er iſt ǒch gůt·
er iſt dem gv̊t der vō mv̊twillē gerne das beſte tv̊t·
vn̄ iſt dē úbel der vō mv̊twillē tv̊t des er ſich ſolte ſchamē·
kvͤne vn̄ vꝛi vf ſwaches leben·
ſwer der mv̊twillig iſt wer mag dē fúrbas lere geben·
vnreht mv̊twille lat ſich mit woꝛtē noch mit w̾ken niemā zamē·
Jch han da bi geſtandē vn̄ geſeſſen·
da dike ein h̾re ſelbe hat gemeſſen·
dú loſen vn̄ dú durnehtē
was half ſwie vil er ſi beſchiet·
mit rede vn̄ doch der loſen diet·
ze heinlich was vn̄ ſchvhte dú gerehten·
Gewalt mag meldē vnder ſtan·
gedāke mv̊s[WS 6] man ledic vngevangē lâſſen gan·
es wart nie keiſer kv́nig ſo her d̾ gedank vn̄ merken kvnne erwern·
vnzuht wc iſt dir deſte bas·
ſwiget din mvnt ſo ſint dir reinv́ h̾ze doh gehas·
nert dich gewalt· voꝛ melden voꝛ merken kan dich niemā wol erner̄·
vnreht gewalt zevalle ſte din bꝛugge·
ſtete als ein tǒ ſi ir rippe vn̄ ǒch ir rugge·
In tiefem wage in túnnē iſe·
wúnſche ich dc ir geverte ſi·
dar vf din laſt ſw̾e als ein bli
din voꝛgedanc· in dinē bůſē riſe·
Dú ere was wilent alſo w̾t·
dc man ir ardes gerte denne man ir givte gert·
dc er mv̊s ſin gar erē balt d̾ ſi zehuſe toꝛſte bitten·
Jn ſvelichem hove ſi vō dē v̾ſwant[WS 7]
ir getoꝛſte ſich niemā vnwirdē mit vnhovelichē ſittē·
ſwer nv gemīne w̾e vn̄ ǒch gemeine·
ſwas er ir liebes tête gros oder cleine·
dc dúhte ſi nv alles ſvͤſſe·
ſi nimt noh kleinē dienſt v̾gůt·
ſw̾ ir dē willeklichē tůt·
dē niget ſi zelone vnz vf die fuͤſſe·
Es wart nie wib noch man belogen·
ſo ſere als ere vn̄ iſt ſi doch da bi vil wol gezogē·
man git ir manigē friedel· vn̄ were es war des ſi ſich moͤhte ſcham̄·
der w̾lte vmbilde hoͤhet hie·
vn̄ nid̾t doꝛt vō welhē ſchuldē od̾ wie·
ſolt ere iegeſlichē mīnē dur ſinē pfingeſlichē kúniges namē·
ſo wúrde ſi v̾witwet alſo ſchiere·
ich nante ir wol in einē atemen viere·
die mit entlehent̾ wirde fůren·
vernt vf vn̄ húre wid̾ abe·
daſ willeklich̾ ere habe·
nvn welle got ſin lat ſich niht behůten·
Es iſt ein frome dú wūd̾ birt·
zehimel vn vf der erde in wage in lúfte in vúre wirt
ir wūder niht v̾boꝛgē ſi iſt hoh ſi iſt tief ſi iſt bꝛeit ſi iſt lang·
got iſt der erē hohſtes zil·
âne ere in nieman reichet er teilt ǒch ere dē er wil·
gegē aller creatúre· ſo iſt er aller eren anevang·
engel megde marterer vn̄ bihtere·
dc der aller ere geliche w̾e·
ſon hieſſe vꝛo ere niht ein wūder·
d̾ eine iſt gêret d̾ and bas·
nach ſinē tugēdē iegeſliců das·
ſvlt ir ǒch ſpehē an aller fruht beſvnder·
Swas dú vil reinú t́nitat·
gotlich̾ dinge zehimele vn̄ hie begangē hat·
da wc· dú ere mit dú ſvnd̾t ſich vō goteſ hvlden nie·
dú ere iſt aller ſeldē ſtam·
ſi wildet ie vn̄ bilde vn̄ was dē rehtē vůgen zam·
gelenke gv̊tē dingē vn̄ miſſewēde widerbꝛúhtig ie·
ir craft dú heren gotes tǒgen kroͤnet·
ir wirde die engel túret vn̄ ſchoͤnet·
da vō rat ich dc ir ſi eret·
wol im d̾ zerehte pfliget·
d̾ hat voꝛ gote vn̄ hie geſiget·
ſi gotes zart lip vn̄ ſele beheret·
Swas in der w̾lte noch geſchah·
vntrúwē vnbildeſ· ſwa mā vꝛide vn̄ ſv̊ne ie bꝛach·
da wc vnere mite· dú bꝛůfte ie mit willē miſſetat·
vnere ſwachet wib vn̄ man·
vnere der w̾lte lob noch gotes hulde nie gewan·
vō rehte vō dē dingen vnere ſich ie her geſvnd̾t hat·
Vnere ſenket in d̾ helle abgrúnde
vn [326r] ere iſt aller valſchen dinge vrkv́nde·
vn̄ ere vncriſtenlichen ſinnet·
vnere iſt eweklicher tot·
vnere bꝛuͤuet iemer wernde nôt·
was ſol ſin leben d̾ dich vnere mīnet·
Dú edele iſt ein hoh̾ nam·
wol im d̾ ſi behaltet ſvnd̾ laſterliche ſcham·
dem gibe ich ane wenken· dc er beſetzet wol der eren ſtat·
nv ſpꝛechēt was mag beſſer ſin·
dāne edel richer lip d̾ dc mit werke machet ſchin·
ſin leben mit zúhtenheit nach tvgende rat vnz an ſineſ lebēneſ mat·
dē ſvln wir alle ſpꝛechē wol gemeine·
ich hans dar vúr dc er ſi engel reine·
ſwer edel ſi dc ſult ir hoͤꝛen·
dc iſt d̾ adellichē tůt·
dē niht vn edellicher mv̊t·
mag ſine zuht zerfuͤren noch zerſtoͤꝛen·
Das hohſte ding da vō man ſeit·
dc in d̾ w̾lte mag geſin dc iſt dú edelkeit·
der edel iſt ſo wol dē wart[WS 8] dē koͤnde niem̾ bas geſchehen·
dú edel iſt kv́ſche vn̄ wol gezogē·
ſwas man gegē edel wirbet da wirt niemā an betrǒgen·
dú edel iſt ſuͤſer woꝛte· d̾ edel mv̊ſ man alle tvgende iehen·
bi edel mag man ſelicheit wol vindē·
vō edelkeit mv̊s aller valſch v̾ſwindē·
der edel kan ſich niht gelichē·
wie mā die edel erkennē ſol das kan ich úch betútē wol·
niemā iſt edel ern tů dan edellichen·
Zwei adel ſint an dē lúten ǒch·
vō ſinē kúnne iſt einer edel vn̄ iſt doch ſelbe ein gǒch·
d̾ ander iſt vō ſinē tugendē edel vn̄ niht vō hohē namē·
ſwa diſe zwene ſoltē leben·
ze wete vmb ere wem dc lob die wiſen ſoltē gebē·
ſo neme ich in zekempfen d̾ ſich voꝛ vntvgēdē kvnde ſchamē·
ſw̾ edel iſt vō magen vn̄ niht vō mv̊te·
der bꝛichet ſiner edelen voꝛdern[WS 9] hůte·
nv ſpꝛechēt ir nah ſpehende lúte·
ſit dc d̾ edelen vetter kint·
vō hohē adel gevnedelt ſint·
war ere[WS 10] mvge da man ſi mvͤde trúte·
Ich bin edel ſpꝛichet manig man·
an dē mā tvgende noch ere zuht noch wirde erkēnē kan·
ich wolte dc d̾ were niht wol geboꝛn noch edels mānes ſvn·
dur dc er pflege edeler ſitte·
vn̄ dc die edeln ſwachē ir adel ertē noch da mitte·
vn̄ dc mā zallen zitē die edelen ſehe adellichē tůn·
der edel ſtein zimt wol in rotem golde·
ſw̾ edeln ſtein ī kvpfer legen wolde·
da mitte ſin wirde w̾e v̾machet·
alſo geſchiht einē edelen man·
d̾ edele niht erkennen kan·
mit reinē ſittē des edele wirt geſwachet·
IR vſgeſantē bꝛůder ſeht[WS 11]·
zv̊ zúwer lere wol wand úwere woꝛt vil maniger ſpeht·
d̾ eine wirs d̾ and̾ baſ miſſelich̾ merker hant ir vil·
v̾ſvmē vn̄ vergahen lat·
ir wiſſent wol dc mâſſe mit diſen zwein zetv̊n niht hat·
zevil v̾ſwigē ſvmet ein vb̾ ſpꝛechē ſich v̾gahē wil·
welt ir dē ſv́ndeſiechen laben mit lere·
ſo ſchꝛeket in mit zwiuel niht zeſere·
dc ir im alle ſv́nde vnm̾et·
mit ſvͤſſen woꝛtē dc iſt gv̊t·
ſwa ir dē wildē wilder tůt·
da were bas dc ir in gar v̾b̾et·
Swa ſo die lúte geoꝛdent ſint·
es ſin die himelb̾en oder es ſin d̾ helle kint·
dc wc gotte alles kvnt e ie wurde zit tag wuͤhſe oder iar·
dar vmbe niemā ſpꝛechē ſol·
ſwas ich getůn bin ich geniſlich ich geniſe wol·
bin ich dē valle ergeben ſon hilfet mich mī wol tůn niht ein har·
ſwer ſich alſo mit rede v̾ketzeriet·
vō dem iſt der zwiuel niht gefrîet·
wir ſvln dē zwiuel vs vns rumē·
dú gottes voꝛ gewiſſenheit·
dv enſolte vnſ niht hares bꝛeit·
vn̄ iſt dc wir vns ſelbē niht v̾ſvmen·
Her han ich wil úch ſiges iehen·
ir ſint ſo rehte kvͤne als ich vil dike han geſehen·
úwer meiſt̾ſchaft iſt gros gegē úweren wibē d̾ ir habt doch vil·
nv iſt niht wā eine mir beſchert·
dv́ hat mich aller froͤide vn̄ min̾ ſinne gar behert·
ſi treit dc lenger meſſer vn̄ zv́rnet ſwēne ich froͤlich weſen wil·
het ich ir zwo ſo getoͤꝛſte ich niht gelachen·
het ich viere ſo mvͤſte mir froͤide ſwachē·
het ich ir ehte wie geneſe ich dēnē·
ſo wurde ich ſchiere vō in v̾zert·
her han dc úch úwer frúmkeit nert·
daſt úw̾ heil wan ir meiſtert zwelf hēnen·
Swa gv̊t man hat ein v́bel wib·
vn̄ da bi vnu̾wiſſen gar v̾fluͤchet ſi d̾ lib·
da iſt lúzel erē bi ſwa ſi d̾ meiſt̾ſchefte pfliget·
noch beſſer wer ein ſenfter tot·
[326v] dem gv̊ten mā zelîden dan iemer mer w̾ndú not·
ich wil dich gůtman lerē wie din meiſterſchaft ir angeſiget·
du ſolt dir dine guͤte lan entſlifen·
vn̄ ſolt nach einem grôſſen knútel grifen·
den ſolt ir zv̊ dem ruggē meſſen·
ie bas vn̄ bas nach diner kraft·
dc ſi d̾ iehe der meiſt̾ſchaft·
heis ſi dir ſwern ſi welle ir v́bele v̾geſſen·
Tvrnieren was ie ritterlich·
nv iſt es rīderlich toblich totreis mvndeſ rich·
moꝛtmeſſer vn̄ moꝛt kolben geſliffen aks gar vf des mānes tot·
ſus iſt der turnei nv geſtalt·
des w̾dent ſchonen frowē ir ǒgē rot ir herze kalt·
ſwāne ſi ir w̾den liebē man da weis ī moꝛtlich̾ not·
do man turnierēs pflag dur ritters ere·
dvrh hohē mv̊t dvr hv́beſcheit vn̄ dur ere·
do hete man vmbe eine decke·
vngerne erwúrget gůtē man·
ſw̾ dc nv tůt vn̄ dc wol kan·
der dunket ſich zerw̾lte gar ein reke·
Es iſt ein wurze dú ſchadē birt·
vō der leiden ſâmen vil manig ſele v̾irret wirt·
der himelichen wūne die got den gv̊ten ſelē hat bereit·
ſw̾ die wurze erkennē wil·
vn̄ ir ſamē der ſol midē alles wúrfel ſpil·
dc ſwendet gv̊t vn̄ ere vn̄ bꝛinget d̾ ſele doꝛt iem̾ w̾ndú leit·
owe im d̾ ſin ie von erſt gedahte·
was er d̾ ſele da mitte zerhelle bꝛahte·
vn̄ ſchiet ſi vō dē himelriche·
owe welh ein v̾flůcht̾ vunt·
da mit er ſtúret d̾ helle grunt·
ſwē ſi wirt kvnt d̾ bꝛinnet ewekliche·
Dú trunkenheit tůt groſſen ſchadē·
ſi tůt die ſele ſv́ndē vnde ſchandē vb̾laden·
ſi machent manigē man dc im got vn̄ die lúte werdent gram·
dú trunkenheit tůt dānoh me·
ſi ſchadet an dem gv̊te vn̄ tůt da bi dē libe we·
ſi ſtv̄met vn̄ blendet ſi toͤtet vn̄ machet manigē lam·
ſit das ſi toͤtet ſele lib vn̄ ere·
vn̄ benimt dc gůt vn̄ bꝛuͤuet noh ſchadē mere·
wie ſol man in heiſſen dāne
d̾ ir wil volgen zaller ſtunt·
her trunkēbolt her trunkenſlunt·
ſus heiſſet er vō wibe vn̄ ǒch vō māne·
Zvkerſvͤſſes honec benit·
die enwurdē ie ſo ſvͤſſe als ein woꝛt des man nv pfliget·
wilent was es bitter nv iſt es woꝛdē alſo ſvͤſſe gar·
dc ſelbe woꝛt e niemā ſp̋ch·
da giengen vnd̾wilen· groſſe ſlege vnd wundē nach·
nv iſtz alſo ſvͤſſe woꝛdē dc niemā nv nimt ſo ſvͤſſes war·
dc ſelbe woꝛt wil ich mit fv̊ge nennē·
dc ir es alle mvget wol erkēnen·
ſi ſpꝛechent ſîm vō boͤſen wibē·
vn̄ dc leider alſo vil·
dc ichs got iemer klagē wil·
vn̄ ſol dc woꝛt die lenge alſo beliben·
Dú milte manigē h̾ren hat·
ir knehte d̾ weis ich lútzel an min h̾ze mir dc gat·
gv̊t leben was bi ir knehten nv iſt dv́ wile bi ir h̾ren lang·
ir h̾ren ſint ſo here gar·
dc ſi in ir keines h̾ze niem̾ wol enkumet dar·
wil ſi mit ir iht w̾ben deſ mv̊ſ ſi varn vnd̾ einer banc·
vnz ir einer lihte des gerůchet·
dc er ſi durh gv̊ten willē ſůchet·
der ſtv̊ndē mv̊s ſi dāne vâren·
des tatē niht ir knehte do·
die enwurdē niemer fro·
vnz an die wile ſwēne ſi in ir dienſte waren·
Iſt milte ein tvgent als man ir giht·
ſo weis ich wol an ir dc ſi lert gůt hī werfen niht·
ſi kan wol hengē vn̄ haben ſi kan wol haltē vn̄ lan·
ich weis wol ir tůt we v̾ſagen·
ſwa ſi zerehte gebē ſol da kan ſi niht v̾zagē·
ſwē ſi ir hant mit helfe bútet· daſt mit h̾zē ǒch getan·
ſwer vierdunc lop mit marken vb̾giltet·
d̾ hat ǒch getôꝛt vn̄ niht gemiltet·
vn̄ da bi fůder meſig êre·
mit hātvol niht engeltē wil·
d̾ ere iſt ǒch ein teil zevil
dc miſſezimt d̾ rehtē milte ſerê·
Swind iſt ein lob ſwer dc nv kan·
bi d̾ welde v̾dienē d̾ iſt ein gar nach retig man·
was gar nah retig ſi dc wirt in ſibchē ahte dike ſchin·
do ſibche ſtarb do lieſ er kint·
dú nv bi diſen zitē alſo ſwinde woꝛdē ſint·
dc mā ſi lidē mv̊s da man ir wol enbere moͤht es ſin·
ſwa ſwinde clůgheit heime bi ir behuſet·
vn̄ ſwinde lûſſet da bi clůgheit mv̂ſet·
hin vn̄ her mit kúndekeite·
iſt da trúwe vn̄ warheit mitte·
des enwen ich niht als ich ir ſitte·
erkēnen kā gůt frúnt flúh ir geleite·
Dv́ klv̊gheit iſt d̾ kúndekeit·
kebſhalb [327r] vil nahe ſippe· vn̄ iſt dc ſi magen leit·
ſo huͤten dc div klv̊gheit d̾ kúndekeit iht gar zeheimlich ſi·
klůg vn̄ klv̊g vn̄ vb̾klůg·
d̾ drier hat ein reines h̾ze an einē gar genv̊g·
iſt klv̊g ein lop ſo klv̊g alſo dc da iht grete ſteke bi·
ſwes klůgheit ſtet mit kúndekeit zevâre·
wie er mit frúnde ſo kúndeklich gebare·
da wil klv̊gheit ir lob v̾boͤſen·
nv clvͤgen hin nv klvͤgen her·
ſwa klůgheit iſt mit valſcher ger·
dú enzimet niht wol wan dē argeloſen·
Her frúnt wie tůt ir mir nv ſo·
ir tůt als ir mir woꝛden ſint zebiderbe vn̄ zeho·
ſeht vúr die fuͤſſe bas vn̄ vb̾ſeht den frúnt ſo lihte niht·
ſit úwers viendes niht zegeil·
was ob úwer heil eime andern kvmet an ſin ſeil·
den ir nv vberſeht dc úch der ſelbe har nach vb̾ſiht·
nv wârent ir doch noch voꝛ einē iare·
min beſter frúnt nv ſtet ir mir ze vare·
mit mvchelreh̾ kv́ndekeite·
han ich úch niht bi namē genant·
ſo iſt úch doch wol dc bekant·
dc diſú rede uf úch get mit geleite·
Die engel ſint noch engel kint·
vn̄ da bi heſſig nidig hohgemvͤtig ſint·
wie kvndē ſi nah gottes eren einen rehtē babſt erwellen·
romere ſint niht heilig gar·
alſo ſint die cardinal ob ichs geſpꝛeche tar·
ſwē ſi vnheiligē erwelnt den wellent ſi vúr heiligē zeln·
vnrehte weler welnt vil dike vnrehte·
die gotes erweltē die ſint ſine knehte·
ſwer gotes erwelt̾ babeſt wêre·
nach dē oꝛdē melchiſedech·
dem er krone vn̄ kelch v̾lech·
d̾ wer vnſ wol zerome vatterbere·
Des vater ſw̾t vn̄ ǒch des ſvnſ·
die en hellēt niht geliche dc bekrēket ſi vn̄ vns·
des vater ſwert agreifet vf húgelin vn̄ vf des riches has·
ſwa ſin daſ riche hin bedarf·
man enwetz es mit dē golde and̾s wirt es niem̾ ſcharf·
dc ſelbe ſwert trůg wilent d̾ grawe h̾re ſante peter[WS 12] bas·
nv treit es peter húgel mit dem ſchine·
do man gregoꝛiū woꝛhte vs pet̾line·
do ſolt er mit dē ſelbē[WS 13]ſw̾te·
ſich húgelines han erwert·
d̾ noh mit vns nach ſchatze vert·
an peters ſtat der niht wan ſelen gerte·
Walt hat oꝛen velt hat geſiht·
ir hohen rimêre riment vō dem richen keiſer niht·
wan das ir getúrret geſpꝛechen vō dē keiſer ſtille vn̄ vberlut·
ſin oꝛē hoͤꝛent dur den walt·
ſin ǒgen verrent vber velt ſin hv̊te iſt manigvalt·
ſin m̾ken vn̄ ſin meldē dú ſint ǒch ſwind̾ dāne windes bꝛût·
krancheſ hals ebers oꝛen ſtrûſſes ǒgen·
dú dꝛú getrv̊c nie keiſer me ſo tǒgen·
da hin gegē ſiner viende lâge·
er hat der nagel grôſſē hoꝛt·
ſwas mā im locher voꝛ geboꝛt·
dú fúllet er mit lancreher wage·
Das riche was vil ſere ſiech·
ſin ſtīme wc voꝛ klage tunkel heiſer vn̄ riech·
rôt waren im dú ougē dú oꝛen tǒp erſtv̄met wc es ǒch·
den houer kvnde es niht v̾heln·
vn̄ einē vngefuͤgen cropf trǒg es an ſin̾ keln·
es enmohte gen noch ritē· vf allē vierē eſ vil kvme krǒch·
vnz im geſante got dē keiſer wiſen·
des wiſheit ſvlen alle wîſē ṕſen·
d̾ hat die ſiecheit vnd̾ſtandē·
des riches dīg vil ebene ſtât·
wā dc im noch ſteket ein grât·
er weis wol wa entzwſchē ſinē zandē·
Got alt̾ vn̄ núw̾ criſt·
ſit alle creatúre ī diner hant beſloſſē iſt·
d̾ himel vn̄ dú erde waſſer fúr luft vn̄ allú engelſchaft·
der liehte tag dú truͤbe naht·
mit lǒfe wol berihtet hat din goͤtelichú maht·
dú ie an anegengē vn̄ iemer iſt mit endeloſer kraft·
dv angeſihteklichē wund̾ tete·
do mā dich ſach ī menſchelicher wete·
vn̄ voꝛ den ivden ſvnd̾liche·
las v̾ns alrerſt din ellen ſehen·
des dir die kriſten mv̊ſſen iehen·
vn̄ widerſtant vō ſtǒfen frideriche·
Das riche daſt des keiſers niht·
er iſt ſin pfleger vn̄ ſin voget ir fúrſtē ſehēt ir iht·
an im ſo ſchuldehaftes da vō er ſv́le deſ riches abe geſten·
ſo nemt ú einē d̾ ú zeme·
vn̄ ǒch dē riche bas dan er
vn̄ wartēt alle deme·
ſit ir dē keiſer gram die rache lânt niht vber das riche gen·
ir ſvlt des richeſ wol vō rehte ſchonē·
ſwēne ir dē keiſer nv genemt die crônen·
ſwelh úwer ſi dan vf geſetzet·
d̾ ſol dc riche wol entladē·
beide vō [327v] vnrehte vn̄ vō ſchadē·
ſo w̾den wir des keiſers wol ergetzet·
Svmelichen fúrften iſt dc leit·
dc roͤmeſch rich gevallen iſt ī diſe vnw̾dekeit·
ſi dvnket vn̄ ſpꝛechēt ein anderre pflege des riches bas dan er·
lampartē kriechē vng̾lant·
die ergabē ſich dē riche do ſtunt es ī ſin eines hant·
des riches rinc vil widerwirt nimt man im crone vn̄ ǒch dc ſper·
nv ſehent vúr úch des riches welere·
dē ir nv welt dc er ſi ſchandē lere·
vn̄ alſo dc ir in v̾ſv̊chent·
werde er iv lieb ſo ſtet im eben·
vn̄ ſi des niht ſo lât iv geben·
dc riche wid̾ zehant ſo irs gerůchēt·
Ein kúnig der wol gekroͤnet gat·
vn̄ dc ſin crone verre bas gekúniget ſtat·
da ziert d̾ kúnig die crone·
bas dan in div krone gezieren mvge·
ein wol gekúniget krone trage·
tůt dānoch mere er ſtiller witwen vn̄ weiſen klage·
er ſvͤnet vn̄ vꝛidet vn̄ iſt bi lu͗tē wol in erē hvge·
ſin h̾ze vn̄ ǒch ſin mv̊t ſint ſelten mvͤſſig·
ſin mv̄t iſt zallen zitē erē gruͤſſig·
im ſchimelt niht in ſiner archen·
dc bezúget ich mit dē beſtē wol·
mit vrlobe ich in nēnen[WS 14] ſol·
es iſt d̾ kúnig erich vō tenemarke·
Ein kúnig d̾ aller der wil ſin·
die ſiner helfe gerůchent d̾ iſt ǒch vnd̾ wilent min·
wie moͤht er min v̾miſſen ſwēne er vmbe vn̄ vmbe wil gew̾n·
er giltet lob vn̄ giltet kvnſt·
er git dē g̾endē gůt an im lit ere vn̄ ǒch v̾nvnſt·
er iſt ein kǒfmā alleſ des ein reine h̾ze kan begern·
wā dc ī dv́rſt nach eren alſo ſere·
d̾ in in gvſſe dꝛiſſeg fúrſtē ere·
noch mere wolt in nach eren dúrſtē·
d̾ ſvnne zimt niht bc dē tage·
dāne dē edelen krone trage·
vs beheim lant gotte vn̄ vns zeinē fúrſtē·
Her h̾re vn̄ habt ir einē man·
d̾ iv ſinē dieneſt market veile machē kan·
ſo meſſent ſinē dieneſt nach d̾ miete vnd nach d̾ liebe niht·
vn̄ v̾ſv̊chent in dānoh·
irn ſult in ab̾ niht habē fúr einē willerichē doch·
der willeriche ſchilt get fúr dē market veiln als mā giht·
belehent ſchilt vn̄ behvſet voꝛ manigē iarē·
des ſchilt der ſol niht zegelich gebaren·
belehent ſchilt vn̄ der behuſet·
d̾ ſol ſich ſtellē dē gelich·
dc man iht ſpꝛeche ſchilt pfi dich·
wie ſere mir voꝛ dime túnne gruſet·
Swer einē gucgǒch habē wil·
an eines habches ſtat vn̄ wenet da mit vahē vil·
reiger genſe rappē dc mv̊s geſchehē ob ims d̾ túuel wiget·
ich wene d̾ gucguc cleine gert·
ſo des habches tvgende mit ſterche gegē dē ſtoꝛchē vert·
d̾ gucguc gert der mvggē der habch dē ſtarken ſtoꝛchen obe liget·
ǒch iſt ir beid̾ wirde vil vngeliche·
nv habēt dē gǒch die h̾ren ſvmeliche·
vil bas ich meine ein ſmeichenere·
der niht wā ſchande vahē kan·
vn̄ ſmehēt dē getrúwē mā·
d̾ dvr ſi were vahēs niht zeſwere·
Swa lugener iſt h̾ren botte·
vn̄ ſwa d̾ boͤſe zage pfliget einer ſtarken rotte·
da wirt dú botſchaft michel vn̄ kert der zage viendē lihte dē nac·
w̾e ich ein h̾re ich wolt ir niht·
vō diſen zwein mag wol geſchehē ein michel vngeſchiht·
vō dem lugenere vn̄ vō dem zagē d̾ kecher rotten pflag·
ſi mvͤſtē minē hof mit flúten vꝛien·
oder ich begvnde ſi ſchone beide zwien·
ein bǒn w̾e wol mit in gekleidet·
einhalp mit ſtarker lekerheit·
diſhalb des ſw̾t nie vient v̾ſneit·
vn̄ doch mit rede voꝛ lútē vil gevꝛeidet·
Ein hovſchrecke wande ein loͤwe ſin·
do ſprach ein heime mich dunket ich ſi ein howendes ſwin·
ein ohſe wande dc er ſvnge bas dāne ie kein nahtegal·
do ſpꝛach ein affe ſo wene ich bin·
dc ſchonſte tier eī toꝛe iach ſo han ich wiſen ſin·
ein ſnegge wolte ſpꝛingē· vúr dē lehbart beide berg vn̄ tal·
ein moꝛ ſpꝛach mich mag niemā vber wîſſen·
ein haſe ſpꝛach ich tar wol wolfe biſſen·
ein igel ſpꝛach min hut iſt linde·
ſolt ich es bi dē eide ſagē·
ſi moͤhte ein keiſerīne tragē·
ze nehſt an ir die lúge ſint alle ſwinde·
Ein klage in minē h̾zē hat·
ſich lange her v̾cluſet d̾ niemer tvgende noh ere begat·
dc d̾ an gv̊te richet vn̄ dc der eren riche wirt gůtes bar·
ſolt ich ī beidē [328r] teilē gv̊t·
ich rihte dē eren richē d̾ ſich voꝛ ſchanden hat behůt·
der milte vn̄ tvgēde wielte d̾ zúhte vn̄ eren wer vollekomē gar·
dē tvgende loſen wolte ich ſwache ſpiſē·
dc er e ſiner tage mvͤſte griſen·
vf das ob er ſich wolte bekerē·
lieſ er vō boͤſē ſitten abe·
ich gebe im richtůn vn̄ habe·
ſehe ich an im ſich tvgende vn̄ ere meren·
Ein voller menſch fúnf ſīne hat·
als v̄s dú ſchꝛift bewiſet vn̄ als ir nam geſchꝛiben ſtat·
ſehen hoͤꝛen[WS 15] grifen riechen ſmakem ſus ſint ſi genant·
nv habent die ſīne fúnf wildú tier·
ir ielicheſ einen vn̄ hat den fúrbas dāne wir·
d̾ luhs dc ſwin dú ſpīne der gir der affe dc tůt in got bekant·
der luhs geſiht dc ſwin wol hoͤꝛet ze walde·
dú ſpinne kleine grifet vn̄ balde·
d̾ gir rúcht affe ſmaket d̾ ſīnē·
hat iegeſlichs dē einen bas·
dan d̾ mēſche dvr dc wund̾ dc·
got hat getan dc zwir ſinú wūder mīnen·
Merke tvmbes mv̊tes ivng̾ man·
war vmbe dꝛie creatúre d̾ hvnt dú katze vn ǒch der han·
heiſſent huſgerete da ratent ſi dc manigem kvmt zegv̊te·
deſ hv̄des bellen dir kv́ndet dc·
wie dú gegen froͤmdē lúten ſolt weſen ſnel vn̄ niht zelas·
die biderbē habē nach erē dc zimt dir wol gegē boͤſen ſtete hv̊te·
dú katze mīnet vnreines vn̄ das reine·
das dv niht habe reine ſitte gemeine·
d̾ han dir kúndet mit geſange·
dꝛiſtūt zer naht deſ tages kunf·
v̾ſlafeſt dú ſinē ſigenvnft·
in todes laſt ſo ſlafeſt dv zelange·
Swer mīnen wil nach mīne ſitte·
d̾ wiſſe dc d mīne ſol rehte milte volgē mitte·
diemv̊te dur die mīne d̾ hohſte mīner wol erzeiget hat·
nie mīner[WS 16] hoh̾ mīne pflag·
als d̾ durh mīne liebe ſin ſelbes leben ſo ringe wag·
dehein mīner niem̾ mere durh mīne liebe der milte ſo bi geſtat·
nv m̾kent rehte w̾ der mīner w̾e·
dc wc ih̓s d̾ ſvͤſſe wūd̾ere·
d̾ gab dur vns d̾ mīne zelone·
ſin ſelbes leben ī todes gir·
ir mīner ſeht wie mīnēt ir·
mīne vn̄ milte tragent beide deſ himels krone·
Der rehte gůte ſol niht gern·
dc man in vſ der erde zweier lône ſv́le gewern·
dc er ſi rich an gůte vn̄ da bi ſi ane valſche beiag·
wil er im ſelbē wol behagē·
gotte vn̄ gv̊ten lútē ſo ſol er gůtes niht beiagē·
wā als im ſin ſelbes gewiſſen warer gezúg geweſen mag·
der gůte ſol ſich froͤiwē gůtes mv̊tes·
hat er da bi die minre mâſſe des gv̊tes·
die mīne er fúr die vb̾mâſſe·
ſw̾ me wil habē dan er ſol·
der wirt gv̊teſ mīne vol·
vnz in dv́ w̾lt lat ê dc er ſi lâſſe·
Ein vngebettē gevaterſchaft·
wert niht wan ſibē naht vn̄ fúrbas hat ſi keine kraft·
ſo man dē tǒf vs gúſſet da mit ſo iſt gevaterſchaft da hin·
ſw̾ aber gevat̾ wirt dur gůt·
durh frúntſchaft vn̄ durh liebe als dike ein frúnt gegen frúnde tůt·
dc waltet groſſer trúwē als ich vō karleſ vetter bewiſet bin·
ſw̾ vngebettē zv̊ dē tǒfe dꝛinget·
dē h̾ren bette noch h̾rē voꝛhte dar twīget·
vn̄ het er eine toht̾ ivnge·
vn̄ gewuͤhſe dāne dirre gebar·
er gelege wol wurde im ſin ſtat·
d toht̾ bi ob in ir minne twunge·
Geſottē lúge gebꝛatē lúge·
lúge vs d̾ galrei lúge vō parat lúge vō trúge·
gebalſmet lúge gebiſmet lúge lúge mit ſafran vberzogē·
lv́ge ſwie mans erdenkē kan wil·
der wirt geſant an bꝛieuen ī deſ riches ſtete ſo vil·
dc mich des iem̾ wund̾ nimt dc ſi mit lúge niht ſint betrogē·
dc ſi d̾ lúge niht ſīt woꝛdē rêſſe·
es wurde nie ſo ſtarke lúge vꝛêſſe·
als in des riches ſtette die lúte·
ſwc mā in lúge mag zv̊ getragē·
die ſwindētz alle mit ir kragen·
in weis ob es ein púlleſch zvb̾ túte·
Dv́ w̾lt gelichet ſich dē mer·
dc iemer tobet vn̄ v́ndet vb̾mâſſe vn̄ ane wer·
alſo tobet vn̄ v́ndet d̾ w̾lte lebē mit gelich̾ geſelleſchaft·
d̾ vngetǒftē ſi geſwigē·
ich klage dc die getǒftē in dē kvmb̾ ſīt gedigē·
des ſi wol mvgē v̾derbē es enwēde dú ſtarke gottes kraft·
belibēt ſi die lenge ī dirre vꝛeiſe·
ſo w̾dē wir kielbꝛúſtig vf d̾ reiſe·
wir ſwebē in d̾ ſv́ndē v́nden·
pꝛimaten mit ir krumbē ſtebē·
die viſchēt niht wā nach dē gebē·
vn̄ lant da bi die ſele ī groſē ſúndē·
[328v] Die wilden̾ die habēt ſitte·
das ſi doch vnd̾ wilēt beiagēt guͤtú murſel mitte·
ſwēne ſi die aren vindent ſo bindēt ſi die ivngen an dc neſt·
vn̄ ſperrēt in dē ſnabel ǒch·
ſwie vil d̾ alte vúr ſi geleit ſo gint d̾ ivnge gǒch·
ſo nimt er im dc beſte dc treit er alleſ hein in ſinē teſt·
er lât ſi ſten vn̄ nagē ob ein̾ crawen·
dc gv̊te bꝛichet er in vſ dē klawē·
dc gelich ich zv̊ dē rat lútē·
die da ivnge h̾ren[WS 17] han·
die lâſſentz ob dē crawē ſtan·
vn̄ nemēt ſi die haſen mit dē húten·
Zwiuel machet zwiuel mv̊t·
zwiuel buwet ſeltē hus vf ſtarke ſule gv̊t·
zwiuellichē wende zwiuel bvwet vn̄ zwiuellicheſ tach·
manig zwiuel hof iſt alſo grôs·
dc ich des vúrhte ſere ſi mvͤſſen ligen buweſ blos·
d̾ zwiuel hat niht ein ende[WS 18] zwiueler hie bevoꝛ in zwiuel ſpꝛach·
zwiuel buwet ſelten gv̊t geſêſſe·
zwiuel riet mir dc ich niht en mêſſe·
wed̾ hofſtat noch gezimb̾·
zwiuel welle mich dāne lân·
vn̄ darzv̊ zwiuellicher wan·
ſo ſit gewiſ dc ich gebvwe nīm̾·
Vil wiſer mā nv hoͤꝛe mir·
ein ding dc wol geteilet iſt dc wil ich teilē dir·
hie voꝛ wc trúwe vn̄ ere froͤide bi zuht· vn̄ alles gv̊teſ vil·
wolteſt dv dc ſo manigē tag·
do ſin geweſen als nv din lebē geweſen mag·
dc din nv niht enwere· nv merke reht wc ich dir ſagen wil·
d̾ werlte lebē daſt nv woꝛdē ſwere·
es richet valſch vn̄ lugelichú mere·
die lúte ſint woꝛdē vngetrúwe·
v̾ratet d̾ vater nv ſin kint·
dú meiſte menge iſt erē blīt·
nv kús alſo dc es dich iht gerivwe·
Beſchaffen vn̄ es mv̊ſte ſin·
mit diſē zwēī bedekent tvmbe lúte ir ſchandē ſchin·
beſchaffē vn̄ es mvͤſte ſin dú w̾fent niemānes ere hin·
ſw̾ ſelbe ſin ere vber ſiht·
vn̄ die v̾lúſet d̾ endarf dú zwei des zihē niht·
beſchaffen vn̄ es mvͤſte ſin wand ich des wid̾ kempfe bin·
es mvͤſte ſin vn̄ es wc mir beſchaffē·
dc hoͤꝛe ich dike ſpꝛechē māgen affen·
als ī ſin ſelbes mv̊t betrúget·
dc er ſv́nde vn̄ ſchande begat·
vn̄ giht eſ ſi beſchafnú tat·
ane ſine ſchulde vúr war der tôꝛe lúget·
Nv m̾kent alle wie dc zimt·
ſwa mā vō h̾ren hoͤuen diſú houem̾e v̾nimt·
wir kamē hin zehoue vn̄ fůgte ſich ſo dc wir niht kamē dar·
nv merke ſinne rich̾ mā·
ob ich dir diſen ſin beſcheidenlich beſcheiden kan·
ſo nim in dinē h̾zen tǒgēlichē miner ſpꝛúche war[WS 19]·
ſw̾ kumt zehove vn̄ h̾rē g̾ne ſehe·
wirt dem zehove erbottē ſolhú ſmehe·
dc man in freuellichē enget·
dc er des h̾ren niht enſiht·
d̾ iſt ze hove vn̄ iſt da niht·
des h̾rē lob mit ſcheltē wirt gemēgēt·
Es was ein gar vnſelig man·
in einer ſtat geſeſſen dar inne er nie dehein heil gewân·
d̾ dahte ich wil v̾ſv̊chen wie min gelúke ī fremdē landē ſi·
do im d̾ reiſe zemv̊te wart·
vnſelde wart ſin geu̾te dú hv̊b ſich mit im vf die vart·
er lief gegē einē walde er wande er w̾e vnſeldē woꝛdē vꝛi·
er ſpꝛach vnſelde nv bin ich dir entrūnē·
nein ſpꝛach vnſelde ich han dē ſig gewūnē·
ſwas du geliefe dc ſelbe ich rande·
vf dinē halse wc min gemach·
der man do zů im ſelbē ſpꝛach·
ſoſt niht ſo gv̊t ich enkere wider zelande·
Einem viſcher trǒmt er ſolte lan·
ſwc er vienge cleiner viſche er ſolte niht wā grôſſe van·
die ime vn̄ ſime geſinde werē helfelich fúr alle ir armv̊t·
d̾ viſch̾ volgte dē trǒme nach·
ſwas er vieng cleiner viſche d̾ enahtet er niht im was gach·
wie er die grôſſē vienge in betrǒc d̾ trǒm als er noh manigē tůt·
ſvs wart d̾ viſch̾ grôſſer ſoꝛgē riche·
dē viſch̾ ich vil manigē man geliche·
d̾ cleines gůteſ niht enahtet·
vn̄ gewinnet er des grôſſē niht·
reht als dē viſcher im geſchiht·
d̾ die kleinē lie vn̄ nah dē groſſen trahtet·
IN min̾ abētzit ich bin·
vn̄ trage doch ivngē lútē gar ivnglichē moꝛgē ſchin·
ich lege mich vf minē arm vn̄ ſpanne doh nach erē wol·
min abēt ſvnnē ſchin iſt bleich·
iſt ab̾ d̾ ivngē moꝛgē rot da bi ir ellē weich·
ſo wirt ir lib gemaches rich da bi an erē ſeltē vol·
ivng mā nv wiſ fro vn̄ doh mit zúhtē·
úlfheit iſt ein ſuht ob allē ſúhtē·
an ivngē ereg̾ndē lutē·
úlfcheit erzúhet ivngē lib·
ſo dc got noch reinú [329r] wib
in niht mvgē gemīnē noch getrutē·
Dú welt iſt nv ſo wūd̾lich·
ſo ſi ein dúrre begrifet ſi v̾zagēt alle gelich·
vn̄ moͤhte doch gedenkē· got hies vſ h̾tem ſteine waſſer gan·
ſw̾ gar v̾zaget d̾ iſt v̾loꝛn·
hie libes doꝛt d̾ ſele we im dc er ie wart geboꝛn·
ſw̾ die ſv́nde buͤſſet d̾ mv̊s vō gotte ſvnd̾ genade han·
irdenſch̾ frúht got ſinē regē ſendet·
d̾ ǒgē flůt mit rúwē ſv́nde wendet·
er ſelig d̾ deſ gedinget·
vn̄ ſich v̾lâſet an des geben·
der vns git ſt̾bē vn̄ lebē·
des barmekeit vns zedem himel bꝛīget·
Swēne ein zvn dꝛú iar geſtat·
vn̄ dc ein hunt des zunes alter dꝛú v̾ſliſſen hat·
wirt dāne ein ros dꝛiſtvnt als alt als der hvnt dc iſt alt genv̊g·
wirt dāne ein mā dꝛiſtūt als alt·
als dc ros ſeht d̾ iſt allen wiben gar zekalt·
ern iſt niht mīneb̾e ſwie vil er fúrs hie voꝛ vs helme ſlůg·
ſw̾ in dāne voꝛ gerihte kampflich an ſpꝛichet·
dc alte hovereht er an im bꝛichet·
dc ſvlt ir ſvnder triegen wiſſen·
iſt dc ichs bezúgē ſol·
ſo bezúge ichs mit h̾n hoier wol·
der hat wol dꝛú roſſes alt̾ v̾ſliſſen·
Wir haben gehoꝛt lange wol·
dc mā dē mā bi ſinē geſellē dike erkennē ſol·
hvͤtet úch voꝛ vngeſellen· ir w̾den edeln die nach eren ſtreben·
vō vngeſellē wirt d̾ man·
vil dike hǒbet ſiech wirt einr d̾ mv̊s[WS 20] mit ſchandē an ſin ende lebē·
hvͤt úch voꝛ vngeſellē zallē ſtvndē·
ich wolte dc[WS 21] ſi ſoltē gen gebundē·
alſam die frowē mit gebenden·
dc mā ſi erkante da bi·
vn̄ alle lúte ſpꝛechēt pfi·
v̾ſchamtú bꝛut ir welt die mīne ſchendē·
Atzvnge iſt h̾ren hof ein hagel·
atzv̄ge iſt h̾ren habe me v̾gift dāne natern zagel·
atzvnge beſchatzet d̾ h̾ren arme lúte vnz an den grvnt·
atzvnge dú vꝛiſſet dē hohen nider·
vn̄ machet dē nid̾en hoh da kan niemā getv̊n niht wid̾·
were dc d̾ wirte ſchade ſo w̾e es d̾ hrē hohſter vunt·
atzvnge zv̊ ſwē ſi ſich geſellet·
dē friſſet ſi dc im dú maht enphellet·
atzūge dc dv ſiſt v̾flůchet·
ſwa dv dē ere gerenden weiſt·
dem v̾ezzeſt dv vꝛas aller meiſt
nv fris in dich dē túfel der[WS 22] din růchet·
So wag geliut ſo wint geliget·
ſo die ſtarke mvͤden dē wil dē tiern an geſiget·
dc ſi ſich legēt durh růwe· ſo er gerůwet megenzer biſchof niht·
er iſt ein waller her vn̄ dar
ſwa er ſich hin erbútet· ſo wil er lihte anderſwar·
alſus man ſine reiſe dē wiſe waſſern dike geliche ſiht·
er weis wol velt hat oꝛen walt hat ǒgē·
ſvs machet er ſiner viende ſpeher toꝛē·
mit kranch halſe[WS 23] kan er wol ſwigē·
vn̄ mit ſtruſes ǒgē ſehē·
mit lvhſes oꝛē runē ſpehen·
ſtein bokes wis kan er wol b̾ge ſtigē·
Ein ſneller wol gevierter wagē·
d̾ get vf zwelf ſchibē vn̄ hat lange hergetragen·
zwo vn̄ fúnfzeg frowē· die ſint dar vf geſetzet nach ir zal·
d̾ wagē niem̾ ſtille ſtat·
ſin oꝛdē zallē zitē ſnelle lǒfet vn̄ gat·
vs holze niht gehǒwē ern iſt zekvrz zelang zebꝛeit zeſmal·
den wagē ziehent ſibē ros ſint wiſſe·
vn̄ ander ſiben ſwarz mit ſtetē vliſſe·
wer iſt d̾ mir dē wagē betútet
dē gebe got iar ane lein·
d̾ wagē iſt ú voꝛ geſeit·
d̾ lǒſet vnz im ſin meiſt̾ dc v̾bútet·
Dis liet iſt vol wūd̾s gar·
ich ſach vf einē wagē zwo vn̄ fúnfzeg frowē var·
die hetē alle ein ſweſter die vindet mā bi welher ſo man wil·
dc erſte vol ſneweſ wc·
dc and̾ dc trůg wurze dc dꝛitte blv̊mē vn̄ gras·
dc vierde trůg beſvnd̾ koꝛn obs wī zam vn̄ wildes vil·
dē wagē vierzehē roſ m̾kent wund̾
zwelf wagē man die pflagē ir beſvnd̾·
die warē bi in zallē ſtvndē·
iegſlich̾ d̾ ſtv̊nt ſinē weg·
ane bꝛvgge vn̄ ane ſtek·
ich han dē wagē ane ſchatz ze kv̊fe fvndē·
Sich mēſche dich wer du biſt·
war vſ dv ſiſt woꝛdē vn̄ wer dv wirſt in kurzer vꝛiſt·
din lebē w̾t vnlange wid̾ dē lebē dc niemer ende hat·
lebe tuſent iar dc iſt ein wint
wider manigē iarē dv́ da niht zellenne ſint·
da froͤide iſt âne ende· manig wūne ſpil dú niem̾ mer[WS 24] zergât·
war kan din vater mv̊t̾ bꝛůd̾ ſweſter
dú w̾lt wart nie gemeiner krankeit veſter
[329v] denne ſi iſt bi diſen zitē·
dú meiſte mēge hat dē mv̊t·
ſi w̾bent vmbe landes gůt·
vn̄ wiſſent niht wie lange d̾ tot welle bitē·
Vil tvmb̾ mēſche ich râte dir·
dē rât der dir wol fuͤget ob dv wilt g̾ne volgē mir·
dv denke in dinē ſīnen wie dv gewinneſt ein ewekliches lebē·
voꝛ allē hoꝛde ſo mīne got·
dv frage wiſe lúte dc ſi dir ſagē dú zehē gebot·
dú kriſtēlicher lere d̾ criſtenheit zehelfe ſint gegeben·
nv merke reht wie dv ſi ſolt behaltē·
vn̄ tůſt dv dc ſo maht dv ſeldē walte·
hie vn̄ doꝛt gar eweclichē
v̾dieneſt dv d̾ ſele heil·
des himels froͤidē erbeteil·
beſitzeſt dv dc wiſſeſt ſich̾lichen·
Swer ane ſv́nde welle v̾uarn·
d̾ mide dꝛie ſv́nde er kan ſich niem̾ bas bewarn·
dú erſte heiſſet hohuart dú and̾ vngehoꝛſam iſt genant·
die dꝛitte nēnet mā gitekeit·
diſe hǒbet ſv́nde machēt iemer w̾ndú leit·
dc vns da voꝛ behvͤte d̾ ſvͤſſe got des mvͤſſe er ſin gemant·
lucifˢ wart durh die erſte v̾ſtoſſen·
vō himel er vn̄ ander ſin genôſſen dú and̾ rǒbet dc ꝑadiſe·
dú dꝛitte wůchert alle tage·
die tiefe d̾ helle owe d̾ klage·
menſche ſich fúr dich vn̄ hvͤte dich ſiſt dv wiſe·
Ich han gehoͤꝛet manigē tag·
dc eteſwēne ein nagel ein iſen wol behabē mag·
vn̄ ein iſen behabt ein ros vn̄ das ros behabt ein biderben man·
ſo wirt ǒch eteſwēne erw̾ert·
ein bvꝛg vō biderbē māne vn̄ vō d̾ burg ein lant ernert·
ſwas groſſer dinge ergat dv́ hebent ſich vō cleinē dingē an·
nagel iſē ros burg lant dú fúnfú w̾en·
bꝛeit wā dc mich dvnket an den m̾en·
wir han dar zů niht ganzes mānes
we im das er ie wart geboꝛn·
an dē fúnfú ſint v̾loꝛn·
d̾ w̾e w̾t ahte vn̄ ǒch deſ bannes·
Ich kan gerittē vf ein velt·
vúr einē gruͤnē walt da vant ich ein vil ſchoͤn gezelt·
dar vnd̾ ſas dú trúwe· ſi wand ir hende ſi gote ir leit·
ſi ſchꝛe vil lute vn̄ ſpꝛach ze got·
h̾re la dich erbarmē ich bin in d̾ w̾lt d̾ richē ſpot·
dc rihte dv mir h̾re din gewalt iſt michel vn̄ bꝛeit·
die vngetrúwē wellēt mich v̾keren·
h̾re got hilf mine froͤide meren·
min ſchar iſt woꝛdē alſe cleine·
d̾ vngetrúwē iſt ſo vil·
vntrúwe iſt in d̾ w̾lte ein ſpil·
nv hilf im criſt ſw̾ dich mit truwen meine·
Got vater vnſer da dv biſt·
in dē himel riche gewaltig alles des dir iſt·
geheiliget ſo w̾de din nam zv̊ ſo mvͤſſe vns komē dc riche din·
din wille w̾de dē gelich·
hie vf d̾ erde als in den himeln des gew̾ vnſich·
nv gib vns vnſer tegelich bꝛot vn̄ ſwes wir dar nach dúrftig ſin·
v̾gib v̄ſ allen ſament vnſer ſchulde·
als dv wilt dc wir durh dine hulde·
v̾gebē d̾ wir ie genamē·
dekeinē ſchadē ſwie gros er ſi·
voꝛ ſv́ndē bekoꝛ ſo mache vns vꝛi·
vn̄ loͤſe vns ǒch vō allē v́bele amen·
Got aller gv̊t̾ dinge vrſpꝛing·
got all̾ wite vn̄ aller lenge ein vmbegender ring·
got aller hohe ein dach got all̾ tiefe ein endeloſer grunt·
nv ſich vs diner goteheit·
vs diner túre har nidere der gekǒften kriſtenheit·
durh die din eineboꝛner ſvn wart an dem frone crúze wunt·
mit ſinē blv̊t er vns gemehelt zebꝛútē·
die liebe ſolt dv h̾re an vns trútē·
dvrch den er vns tier hat gefriget·
vō helle vn̄ vs deſ tieuels klobē·
den ſvln wir mit ſant dir lobē
fúr einē got· vn̄ doch die namē gedꝛiget·
Das boͤſte fleiſch dc ie gtrůg·
wolf oder hvnt in ſinē mvnde dc was boͤſ genv̊g·
des boͤſen menſchē zvnge iſt boͤſer vil ſo we im die ſi tragen·
mit woꝛtē krēkent ſi dē luft·
vn̄ ſenkent îene die ſi da tragent in der helle gruft·
knie runē lvgeloſen meine ſwern ſpottē dar zv̊ flůch beiagen·
dc kan boͤſe zvnge vn̄ dānoch mêre·
ſi weket zoꝛn vn̄ loͤſchet houeſ ere·
ſi ſnabel ſnellet vō den beſten·
dc boͤſte dc ſi vindē kan·
dú w̾lt nie boͤſer fleiſch gewan·
deſ mvͤſſen ſich die madē an ir meftē·
So we dir w̾lt din valſcher glanz·
an aller ſtetekeit vnſtete durkel vn̄ vngāz·
enzvket hat mit loſer luge ſvn· nvz hin mine tagē·
dv hieſſe mich ī wollvſt lebē·
mineſ h̾zen wid̾ got mit kv́ndekeit hie ſtrebē·
des han ich dir gevolget dc ich nv zeſpate [330r] leider klage·
mir iſt vō ſv́ndē vſ gebogē d̾ rugge·
vn̄ weis niht wēne mich der tot hin zugge·
bar gv̊ter w̾ke vn̄ rúwē beider·
d̾ man zetode wol bedarf·
din lon ſvr bitter vn̄ ſcharpf·
ich fundē han w̾lt an dē ende leider·
Wes ſvmeſt dv dich endekriſt·
dc dv niht kvmſt ſit al dú w̾lt ſo gar ſchatz gitig iſt·
nv haſt dv doch zegebēne des ſi da gert giſt ir ſi git ſich dir·
dv fvnde nie ſo gůtē kǒf·
ſo nv dv endarft niht fúrhtē den gelǒbē noch den tǒf·
es iſt ir alles veile ſo gar ſtet nv nach gv̊te ir h̾zē gir·
Jeſus criſt dē ê die ivden v̾kǒftē·
wer er hie en erde ich wene die getǒftē·
noch v̾kǒftē ſvmeliche·
kvm endekriſt dv reht̾ gǒch·
dē pfaffē zů der kilchē ǒch·
vindeſt dv nv veile vn̄ roͤmſches riche·
Sage vngelopter rich̾ man·
warvmbe enganſt dv niht dē bid̾ben man deſ er dir gan·
ia gvnde er dir wol erē· ſo nideſt dv dc er als erhaft iſt·
lâs in mit ſinē gv̊te lebē·
dar nach als im got mv̊t ſime edelē h̾zen hat gegebē·
wilt dv niht ſin als er ſo en mag ǒch er niht ſin als dv da biſt·
wis als dv biſt vn̄ habe dir dc zebv̊ze·
dc dv dē bid̾ben gvnneſt d̾ vnmv̊ſſe·
da mitte er erē mv́ge ervolgē·
vn̄ ǒch ſin gv̊t erzúgē mv́ge·
ſit dir ſin lebē niht entúge·
noch im din leben ſo enwiſ im niht erbolgē·
Eben vb̾ vn̄ vnd̾ durh geuarn·
dc iſt zehoh vn̄ ǒch zenidere ſw̾ dc wil bewarn·
d̾ var enmittē hin dc iſt vúr vallē vn̄ vúr ſtruchē gůt·
ein mêſſelich ſtigē wirret niht·
vō vnmeſlichē ſtigen ſwindelt lihte ſo mā giht·
ſw̾ gnv̊g tůt d̾ tůt bc dāne einer d̾ im ſelben vbertůt·
d̾ mittel mâſſe pflâgē ie die wiſen·
obē vb̾ gehoꝛtich nie die wiſen ṕſen·
des ſi gelobt dú mitel mâſſe·
tūbes mānes vf vn̄ abe·
d̾ voꝛnā ſtrebe vn̄ hinden ſnabe·
vn̄ v́berreht vnſteteklichē grâſſe·
Es ſol ein ritt̾mêſſig kneht·
dē zapfen g̾ner ſchúhē dāne dē ſchilt dc iſt ſin reht·
geſiget der zapfe an im ſo entwahſet im der ſchilt in vꝛemde hant·
ſtet im d̾ mv̊t eben in den ſchilt·
ſo dc h̾ze vn̄ mv̊t im reht vf ſchiltes ampt ſpilt·
dc git im gv̊tē mv̊t vn̄ hohes lop v̾re vn̄ wite erkant·
ir edelen knehte lernent alſo trinkē·
dc ir niht ſchilteſ halb beginnēt hinken·
fúr túrſtē iſt trinkē wol erlǒbet·
ſwē aber dvrh des zapfen kling·
vnmerent ritterlichú ding·
d̾ treit hin hein vil lihte ein trūken hǒbet·
E das die knappē wid̾ als ê·
ze knehtē w̾dē ſo wirt ir wol tuſent oder me·
beſtúmbelt vn̄ erhangē dc git mā knappē vmb ir knapeſchaft·
ich meine d̾ edeln knehte niht·
ich meine die man ſteln rǒbē vn̄ bꝛennē ſiht·
ſvlen die dar an erwinden· dc mv̊s geſchehē vō ſtarker galgen kraft·
ſwelh h̾re ſich betragē wil des rehtē·
d̾ mag ſich leid̾ kinne nv beknehtē·
ſin eigē kneht wirt im ſo ſwinde·
dc er ob im wil twahē hant·
v̾nt mener húre ſeriant·
ſit willekomē dem ſtoke ze ingeſinde·
Ein h̾re vō gebúrte vꝛi·
dc d̾ ein dieneſt man ein ritter vn̄ ein kneht doch ſi·
darzv̊ ein eigē mā wie dc geſchehe deſ wūder mā noch wib·
ein vꝛi geburt niht geirren kan·
ein h̾re der enſi doch wol d̾ erē dieneſtman·
ein ritter ſinre rât d̾ milte ein kneht d̾ zv́hte ein eigē lip·
ein h̾re d̾ ſus vnd̾ ſnittē w̾e·
d̾ dúhte mich ein hof ſch̾ wūd̾ere·
hie vꝛi da dieneſtmā doꝛt eigē·
vf dis ein ritter vf dc ein kneht·
w̾e er zediſen fúnfen reht·
ein kúnigin ſolt im ir hǒbet neigen·
Ivch iſt vō m̾en woꝛden kvnt·
wie alexand̾ vůr durh wūder an des meres grūt·
vn̄ wie vō abacug ein imbis wart zebabýlone bꝛaht·
wc h̾zoge erneſt nôt erleit·
wc er vn̄ grave wetzel d̾ geſnablen diet verſneit·
wie ſi die grifen fůrten do ir zeſpiſe ir kindē wart gedaht·
vn̄ wie ſi durh dē berg har wid̾ kamē·
da ſi der krone weiſē īne namē·
dis waren wūderlichú wūder·
doch dvnket es mich gar ein niht·
wid̾ dem nv tegelich geſchiht·
nv ſpꝛechēt wie da m̾kent oben vn̄ vnder·
Anmerkungen (Wikisource)
- ↑ Vorlage: helbeginne.
- ↑ hc̄ q̓dā deperdita [Hier fehlen 1 oder mehrere Blätter] (Zusatz von Goldast).
- ↑ Vorlage: Jvdon.
- ↑ Vorlage: vb̾vulůt.
- ↑ Vorlage: criſtes.
- ↑ Vorlage: mv̊s mv̊s.
- ↑ Hier fehlt das Reimwort dazu.
- ↑ Vorlage: dē wart dem wart.
- ↑ Vorlage: woꝛte.
- ↑ Vorlage: er.
- ↑ Vorlage: ſpeht.
- ↑ Vorlage: peter peter.
- ↑ Vorlage: ſebē.
- ↑ Vorlage: nēmen.
- ↑ Vorlage: hoͤꝛen hoͤꝛen.
- ↑ Vorlage: niennīner.
- ↑ Vorlage: h̾zen.
- ↑ Vorlage: ein.
- ↑ Vorlage: ſpꝛúcheiwar.
- ↑ Vorlage: mv̊s mv̊ſ.
- ↑ Vorlage: dt.
- ↑ Vorlage: dēr.
- ↑ Vorlage: kranchalſe.
- ↑ Vorlage: mer mer.