Gv̊ten lútē wil ich kendē

Gv̊ten lútē wil ich kendē^{[WS 1]}·
was mir liebes iſt geſchehē·
die boͤſen mir das miſſewēden·
wold ich in d̾ rede v̾iehē·
die wil ich v̾midē ob ich kan·
mirſt^{[WS 2]} getrǒmet ab der gv̊ten
nv ſcheide mirs ein ſelig mā·

Sol ich ir dē trǒm betúte^{[WS 3]}
wie dc er gefuͤget ſi·
dar zů bit ich gv̊te lúte·
ein valſcher lib d̾ ſte hin bi^{[WS 4]}·
des nemt alle vil inneklichē war
ſol mir lieb da vō geſchehē
dc ern^{[WS 5]} vns iht v̾kere gar·

Ein ſtīme hies mich vꝛo belibe^{[WS 6]}·
vn̄ in hohem mv̊te lebē·
ſi grůſte mich vō einē wibe·
...
wā ſi zetroſt iſt mir geboꝛn·
voꝛ al len frowē gīme ein ſvnne^{[WS 7]}
got hat niht ſtūdē an dir v̾loꝛn·

La mich noch ein lútzel ſpꝛechē·
vō d̾ lieben frowē min·
mir en moͤhte niht̾ gebꝛechē^{[WS 8]}·
moͤht ich noch in trǒimē ſin·
ofte bi ir ſo wolde ich rúwe lan·
vn̄ vil vnſenfte pine
die ich vō d̾ gv̊tē han·

Solde ich mich vō ſchuldē freun·
alſe wūneklicher ſtvnt·
mir enkvnde niht gedꝛevn·
ſit dc mir ſo ſvͤſſer mvnt·
mit liebe hat gekv́ndet hohē mv̊t·
da ich ſlief ī ſender leide·
ſpꝛechet alle es ſi mir gv̊t·

Anmerkungen (Wikisource)

1. Vorlage: kv́ndē.
2. Vorlage: mirſ.
3. Vorlage: betútē.
4. Vorlage: hin.
5. Vorlage: er.
6. Vorlage: belibē.
7. Vorlage: ſvnn.
8. Vorlage: gebꝛeſtē.