Ich ſeite iv g̾ne ich weiſ wol was
[330r]
Ich ſeite iv g̾ne ich weiſ wol was·
dú ware mīne got betwūgen hat nv m̾ket dc·
er bat [330v] mich vn̄ gote klagē wā got wir w̾en gar v̾loꝛn·
dú warú mīne got enbot·
dc er vnſ ſante ſinē ſvn her nid̾ in den tot·
vn̄ vns vō helle erloſte dar zv̊ hat in dú warú mīne erkoꝛn·
nv ſeht alſo gewaltig iſt div mīne·
v̾ſwige ich das war tete ich mine ſinne·
in twang ſin gotteliche wirde·
dc er vns menſchē wart genôs·
d̾ kv́nig ob allē kv́nigē grôs·
er fulte gar d̾ warē mīne ir girde·
Do got hat zerde wolte komē·
vn̄ in gebar ein reinú magt diē er im ze mv̊t̾ hat genomē·
do hv̊b ſich vnſer ſelde an ſinem libe do hv̊b ſich vngemah·
an dem frone krúze leit er dē tot·
da mit er vnſ erloſte vs groſſer angeſt vs groſſˢ not·
er gewan vns ſelekliche mit allem reht er do die helle bꝛach·
do er ſchein ein lieht dc ſant er vns zetrôſte·
da mit er vil manig ſele erloſte·
ſin gvͤte w̾de vns noch zeteile·
vn̄ ſin blv̊t ê wir v̾varn·
dc vns die ſele ſol bewarn·
mit froͤdē doꝛt in eweklichem heile·
Got vat̾ ſvn heilig̾ geiſt·
dv aller gv̊t̾ dinge anegenge vn̄ ende weiſt·
da gebar von einē woꝛte[WS 1] eī maget ân ſv́nde nach mv̊tlicher traht·
dú geburt dir einē wol gezan·
dú mēſcheit an dem crúze dē tot dvrh vns an ſich genā·
do erſtůnt an dē dꝛittē tage dirre tot vnſ vnſern tot vbervaht·
d̾ dar an zwifel der denke an dinú wūder·
dú dv tete voꝛ dē ivdē beſvnder·
vn̄ gelǒbe din dꝛie namē dich alleine·
dc din gewalt iſt ane zil·
hilf mir deſ ich dich bittē wil·
dc růch vn̄ tů vnſ vō den ſv́ndē reine·
Got vater diner manigē tvgent·
vn̄[WS 2] dines ſvnſ die der begangē hat in ſiner ivgent·
d̾ iſt dekein ſo kleine ſi ſi dannoch mēſchē lobe ze groſ·
d̾ han ich eine erwellet mir·
getoꝛſte ichs h̾re die wolde ich nv gerne lǒbē an dir·
dú ſelbe tvgent iſt alſo gros dc ſi dir ſelbē[WS 3] iſt genos·
ſi was ie vn̄ iſt noch din ratge binne·
vn̄ ob allē tvgendē kúnigīne·
mit hvldē mv̊s ich dir ſi nēnen·
es iſt din reinú barmekeit·
dú vnſer tegelicheſ leit·
dich h̾re tůt genedeklich erkennē·
Ieſus dv gotes wunder bot·
ieſvs dv mēſchen kint vn̄ got vn̄ ebenmehtig got·
dv́ himel ſippe vaterhalp dú erdē ſippe mv̊t̾ halp·
dv vat̾halp iohannes ar·
dv leo marcus dv mv̊t̾halb matheus mēſche gar·
hie mit bezeichenvnge an lucas ſtat gefoꝛmet[WS 4] als ein kalp·
die vier ewāgeliſtē vn̄ ir bilde·
ſint vngelertē lútē gar zewilde·
wc ar was leo was meine·
wc kalp betúte an lucas ſtat·
d̾ ane ſv́nde ie miſſetrat·
wer im das kvnt d̾ wurde gar zwiuelſ eine·
Got h̾re ſwes dv an vns gerſt·
des mvgē wir dich niht wol gew̾n e das dv vns gew̾ſt·
wilt dv vō vns reine gedanke reinē mv̊t vn̄ reines lebē·
wa ſvln wir h̾re got dc nemē·
din reinekeit dv́ welle vns reinē ſo das wir dir zemen·
wilt dv dc wir nach dinē willē lebē de wille mv̊ſtv vns gebē·
wer kan iht gv̊teſ an dich beginnē·
wes h̾ze kan dich ſvnd̾ dich gemīnen·
wie kvnnē wir h̾re dir geleiſtē·
iht gv̊tes ane din volleiſt·
den vns gegeben hat din geiſt·
dē ſelbē geiſt la h̾re got vns geiſtē·
Got h̾re gib vns húte heil·
ſo das vnſ mvͤſſe w̾dē alles des gebetes ein teil·
ſo húte wirt geſpꝛochē ſo wit dú criſtēheit begrifen hat·
vater vn̄ mv̊t̾ min·
bꝛv̊d̾ vn ſweſt̾ ſvln ǒch dar inne ſin·
dar zv̊ mine mage vb̾ alle die min gebet zerehte ſtât·
dar zv̊ ſo wúnſche ich des den criſtē allē·
dc ſi in hǒbet ſv́ndē iht v̾uallē·
vn̄ dc wir w̾dē alſo fvndē·
ſo got an dē gerihte ſte·
dc wir voꝛ ime w̾nder we
von ſiner kraft des tageſ da w̾den enbvnden·
ICh wil iv ſingē m̾kēt das·
vō vnſerre vꝛowē lob dc wir ſi eren deſte bas·
vō kv́niges kúnne iſt ſi geboꝛn des mvͤſſē mir die wiſen iehen·
got der geſchv̊f nie niht ſo clar·
ſin[WS 5] vb̾lúhte es alles dc iſt endeliche war·
ſo kv́ſche vn̄ ǒch ſo reine wart nie kv́niginne me geſehen·
ſi kan niht zúrnē vn̄ kan wol v̾ſvͤnē·
ſi machet manigē dv́rrē mv̊t vil gruͤnē·
ir ſvͤſſe ſēftet alle ſůre·
d̾ himel vn̄ erde wc zegroſ·
dē [331r] enpfieng dú maget in ir ſchos·
nv ſpꝛechent an wa wart ie maget ſo túre·
O wol dir gabꝛieles mvnt·
dv tete ein kint d̾ vil mīnekliche megde kvnt·
dv́ iſt reiner h̾zen wūne· vn̄ criſtenr ſele eī iem̾ w̾nder hoꝛt·
es wc der ſvͤſſe emanuel·
dē dv marien kvndeſt vil w̾der engel gab́el·
got mit vns des gvͤte wart nie vol lobt vō mēſchē zvngē woꝛt·
wol vns d̾ groſen eren dc d̾ reine·
got wart mēſchen kint vns gemeine·
im wart vil manig̾ hande ſw̾e·
an ſv́ndē bꝛoͤdekeit bekant·
ih̾s xp̄s iſt er genant·
mariē kint ſvͤſſe vn̄ froͤidebere·
Nv ſi vō even biz v̾kleit[WS 6]·
ſit dc mēſche iſt woꝛdē got vō einer meit
dú maget iſt mv̊ter woꝛdē ſo dc ir magetlich ere iſt ganz beliben·
ir kúſche witze lilien glanz·
iſt vnv̾weſt vn̄ ǒch ſin gotliche flāme gāz·
ſo mīneklicher oꝛdē· wart nie vō mv̊ter libe mer geſchꝛibē·
ſi hat dē ſtarkē got vnſ vberwundē·
dc ſin gewalt iſt ſo vō ir gebundē·
dc er niht wā genade bútet·
fride vn̄ ſtete ſv̊ne er git·
was erē an ir kúſche lit·
nv wol in wart d̾ ſi vō h̾zē trútet·
Gros wunder dc vns iſt geſchehē·
vō einer megde des mir alle xp̄en mv̊ſſē iehen·
des himels wite in vmbe vie die ende nie gewan·
noch mit der hoͤhe in vmbe vie·
noch mit d̾ witē tieſen grūdeloſen helle nie·
den vmbe vie ir klein̾ lip da merket alle ein wund̾ an·
ſi leit ī mīneklicher zv̊ ir ſchôſſen·
was wund̾s mak dē wūd̾ ſich genôſſen·
kintlichē leit er ſich zv̊ ir bꝛvſtē·
mv̊t̾liche ſǒgte ſi in·
ſi wante ir ǒgen dike an in·
wir habēs da fúr ſi hielſe in vn̄ kvſtē·
Maria kv́niginne her·
dv laſ vns genieſen dc dv́ w̾lt in rehter ger·
gert frowe diner helfe· nv hilf vns ǒch dur alle die froͤide din·
der ich dir fúnfe nenne hie·
dú erſte dc din heilig lib dē hohē grv̊s enpfie·
dē dir d̾ engel bꝛahte dc dv goteſ mv̊ter ſolteſt ſin·
dv́ and̾ dc dv ih̾m criſt geb̾e·
dv́ dꝛitte daſt ī groſſen froͤidē were·
do mā dir ſeite ſin vrſtende·
dú vierde wc ſin himelvart·
dú fúnfte an dir erfúllet wart·
do er dich hein fůrte ane miſſewende·
Gegruͤſſet ſiſt dv kúnigin·
maria ganz̾ tvgende ein dvrlv́htig̾ ſvnnē ſchin·
dv biſt ǒch vollekliche aller genadē ein iemer w̾ender hoꝛt·
vnſer h̾re ſi mit dir·
ſo dc ir mit ein and̾ beidú ſit genedig mir·
vn̄ vō mir armē ſv́nder gerv̊cht zev̾nemēne mine klagēden woꝛt·
din hoh genade vꝛowe an mir erzeige·
e mich dú wilde todeſ angeſt neige·
gebendicht voꝛ allē wibē·
ſi ǒch din vil reiner lib·
dv mv̊ter maget vn̄ niht ein wib·
geſegent ſi din fruht voꝛ allen liben·
Vnde ſolde ich malē einē man·
deſwar dē wolt ich machē wūd̾lich getā·
dc er doch hieſſe ein man vn̄ wolte in malē niht alſ man manigē ſiht·
er mvͤſte ſtruſſes ǒgē han·
vn̄ einē krankes hals dar inne ein zvnge wol geſchabē·
vn̄ zwei ſwineſ oꝛē lǒwen h̾ze des v̾geſſe ich niht·
ein hant wolde ich im nach dem aren malē·
an der andern wolte ich niht entwalē·
ich wolde ſi bildē nach dē grifen·
dar zv̊ die fuͤſſe als einē bern·
ſvs wolde ich ganzes mannes wern·
ſw̾ des niht hat vō dē mag māheit ſlifen·
Struſes ǒge ſol ein man·
dur lieblich angeſihte gegē den ſinē gerne han·
einē krankes hals durh fúrgedenkē wc er ſpꝛechen mvge·
ſin zvnge ſol ǒch ſin geſchaben·
dur woꝛt gar ane flehen· der ſol er gern vn̄ ſol ǒch habē·
dur hoͤꝛē ſwines oꝛen war ime zeſtane vn̄ ǒch zefliehēne túge·
lewē h̾ze dvrh were ein hant nach dē aren·
dien ſol er voꝛ d̾ milte niht enſparn·
die nach dē grifē dur behalten·
bern fuͤſſe dvrh dē zoꝛn·
alſo han ich dē mā erkoꝛn·
ſwel man dc hat d̾ mag wol manheit walden·
Gerne gewern vngerne bittē·
ſw̾ diſú an im vindē lât dc kvmt vō edelen ſittē·
nider geheiſſen hohe leiſtē dú zwei dú ſint lobelich·
ein mv̄t vō richē woꝛtē vol·
da bi ein ital h̾ze die cleident niht zeſamne wol·
da ſint die [331v] hendē mvͤſſig bi deſ libes ſchamte ich ſere mich·
d̾ alſo gehendet geh̾zet were·
gêt vs her lib ir ſit niht mīneb̾e
ſi vngenême wolkē gvſſe·
es ſi ein ivncfrowe od̾ ein wib·
dú alſo miſſewendē lib
an ſinē mv̄t iem̾ ſlafende kúſſe·
Mich wūdert vn̄ iſt iem̾lich·
dc ein mā dē got gemachet hat ſo witzerich·
im alſe ſchedelichē manige ſmêhe gelúſte lat an geſigē·
vn̄ ſich voꝛ gottes ǒgē niht·
der dinge ſchamt der doch ī aller mēſchē h̾ze ſiht·
der er ſich wolte ſchamē voꝛ eime d̾ zv̊ kúchē were gedigē·
nv gib vns ſchame aller boͤſer dingē·
reine ſchame valſchen mv̊t kan twīgen·
vō miſſetetē zů d̾ gůte·
die got zefrúnde erw̾ben kan·
ſi ſelig wib er ſelig man·
ſwa er nv ſi der reine ſchame bꝛuͤte·
Gelúkes rat iſt ſinewel·
im lǒfet manig̾ nach doch iſt es voꝛ in al zeſnel·
doch lat es ſich erlǒfen· vil manigē dē es da beſwichē wil·
ſwer ſtiget vf gelúkes rat·
d̾ bedarf wol gv̊t̾ ſīne wie er beſitze gelúkes ſtat·
dc er vnd̾ im iht wenke wā er dc rat hin ab im zúhet vil·
die mv̊ſſē dāne ſigē mit vnw̾de·
wā ſi mit ſchandē ligē vf d̾ erde·
gelúke wēket vn̄ beſoꝛget·
es git vil manigē ê der zit·
vn̄ nimt hin wid̾ ſwc es git·
es toͤꝛet dē ſwē es ze vil geboꝛget·
Es volget ein gemein̾ ſitte·
vil nach der meiſtē mengi leid̾ in d̾ w̾lte mitte·
eī ieglich man d̾ wil dc mā im bas tů dāne er wider tů·
ſwa tuſent m̾kēt einē mā·
ſin lebē vn̄ al ſin tv̊n ſon mag d̾ eine noh en kan·
niht nach ir aller willē ſo wol getůn ſin legē doch valſch dar zv̊·
ich enweiſ ſo gv̊tē h̾ren noch ſo wiſen·
das alle ſine lúte gemeine ī pꝛiſē·
diſe iehent im gůteſ diſe vngv̊tes·
ſw̾ ab̾ dē h̾ren rehte tů·
da hoͤꝛet ein wage zů·
dú gliche ſi vn̄ vnveileſ mv̊tes·
Swas einē rehtē h̾ren zimt·
zetůn vn̄ ǒch zelâſenne ſw̾ dc gerne vn̄ wol v̾nimt·
dē nēme trúwe voꝛ vn̄ dar nach zuht mit eigenlicher ſchame·
tv̊t er ein teil im ſelbē we·
an libe an gůte dvrh ere als die beſtē tatē e·
ſo mag er wol geneſen an libe an gv̊te vn̄ gůte vn̄ an den erē ſame·
er ſol ſich vſſen ſvͤſſen mit dē mvnde·
vn̄ dc dv ſvͤſſe ge von h̾zē grūde·
ſo iſt d̾ mvnt deſ herzen bꝛůder·
er ſol ǒch ritters namē ſo tragē·
dc im der lib iht mvge v̾iagē·
vs gertē ſittē· in lekerliches lůder·
Das gv̊t iſt einē hohē man·
niht volleklich ein lob als ichs zerehte erkennē kan·
erſt gůt dc iſt gůt· er waſ gůt dc iſt mere danne halp v̾loꝛn·
ſw̾ gut ſi d̾ belibe ǒch gv̊t·
die wile er mvge vn̄ tvge ſo habe eregerndē mv̊t·
wol an gehaben vn̄ wider kerē dc wer alſe gv̊t v̾boꝛn·
ſwē lib noh gv̊t en irret dc d̾ lǒſet·
vn̄ alſo gar v̾gebne mv̊tes koͤſet·
dē wil ſin lebē ſin lob v̾ſwachē·
an erē zv̊ grif d̾ iſt gv̊t·
an erē ab nemer der tǒt·
vil mange zit des ere niht mag lachen·
Wol dir richeit wol dir gewalt·
wol iv vn̄ ǒch dien den ir an tvgēdē machet balt·
ſo we úch vn̄ ǒch dē den ir vō ſinen ſinnē nemt·
dc er ſo lezzet ſich
vf úw̾n troſt da vō er wirt ſo gar vnerkēnelich·
gote vn̄ ǒch im ſelbē wie v́bel ir dē an ſinē erē zemt·
richeit gewalt ſw̾ ſineſ mv̊tes w̾e·
ſterker danne ir dē wert ir niht ſw̾e·
ſwēne ab̾ ir dē mā alſo geneiget·
dc ir komt oben vb̾ in·
vn̄ er des mv̊teſ vndē hin·
vil nid̾ gat deſ lob ir ſere veiget·
Eſ ſint noch h̾ren eteſwa·
geſeſſē in dē landē mangē endē hie vn̄ da·
die ereg̾ne enthieltē wā dc dú ere hat ſo vil geſpiln·
trúwe vn̄ ſtete reine ſitte·
ſoꝛge vn̄ ſchame kv́ſche milte vn̄ māheit· vert ir mit·
demv̊t warheit gehoꝛſam deſ hofgeſindeſ mv̊ſ dvr not beviln·
dē richen an gv̊te dē armē an gemvͤte·
deſ vert dú hohgelopte ſvͤſſe gvͤte·
vil gar wiſēloſ mit ir geſinde·
da ſi wc ie gebiet̾in·
da lat ſi nemē hin in·
er ſelig man d̾ ſich ir vnd̾ winde·
Blanker geberde ſtuͤnde ir gang·
vil deſte bas ob ir deſ vogener were ǒch blanc·
mit ereg̾nden tugēden ſo meht ſi wol vúr einē keiſer gan·
iſt ab̾ dc ſi v̾boꝛgē hat·
vil tiefe vnd̾ ir bꝛuſten [332r] triegē ſpottē vnſvͤſſen rat·
ſo vil gen ir gruͤſſe mit willē niem̾ vf geſtan·
ſwa wol geſtalt geberde niht endeket·
dc wir v̾wiſſen ir ob ſis enbleket·
innē ſvͤſſe reht alſam vſen·
da iſt glinzheit
noh gvnterfeit· als mā nv ſiht
bi mangē wol geb̾enden lútē luzen·
Vergúldet kvpfer ſilb̾ ſchin·
ob zin die mvgē wol gelich in einer art geſelle ſin·
vn̄ ſwer in groſſē liebe gros valſch vn̄ vngefuͤge v̾boꝛgē hat·
es ſi en wib eſ ſi ein man·
fúres glv̊t iſt ſchoͤne ſw̾ ab̾ ſi zegahes grifet an·
d̾ mag deſ ſchadē gewīne· da voꝛ huͤtēt v́ch dc iſt min rat·
ſw̾ nv ſtetē froͤidē altē welle·
d̾ ſehe zv̊ wem er ſich nv geſelle·
dc deſ h̾ze ſi alſo geſchoͤnet·
ob im zuht trúwe wone bi·
ſwie eſ al der hv̊te ſi·
des ſchoͤne ſtat bi ander ſchoͤne gekroͤnet·
Paris badowe ſalerne kan·
niht alſo wol gebern ein ivngē eregerndē man·
ſo dc er ſich enthalte in ſinē zoꝛn an woꝛtē vn̄ an tat·
vn̄ mvͤ in iht das man im tů·
deſ ſol er and̾ lúte erlan dc hoͤꝛt in beidē zů·
kan er ſo ſinne waldē ſo git im ſin h̾ze gůten rat·
ivng man nv m̾ke was die wîſē ṕſē·
vn̄ la die wîſen dich deſ ſelbē wiſē·
dc dv ſiſt g̾ne bidē beſtē·
vn̄ wēneſt dv dich in diner ivgent·
an diſe voꝛgenādē tvgēt·
ſo zimſt dv wol bi kvndē vn̄ bi geſtē·
Ein zwelf iar alt̾ ivngeling·
ſtille zúhtig dieneſthaft dc ſint drú hǒbet dīg·
dú des vrkv́nde gebent dc ma ſich fúrbc mag an im v̾ſehē·
ob er kome an dú zwēzig iar·
dc er gemeine vn̄ ǒch gemīne w̾de vn̄ wirt dc war·
ſo leret in dv́ ier vn̄ zweng iar· zuht vn̄ manheit ſpehē·
vn̄ kome er danne zſinē dꝛiſeg iarē·
ſo ſol er ſtete vn̄ ganzer trúwē varē·
habt ſich kintliche e v̾gahet·
dc ſol er bvͤſſen mit d̾ rate·
die lip vn̄ gv̊t zegebēne hant·
wie ſchone er dāne dien fúnfzeg iaren nahet·
Alle ſchv̊le ſint gar ein wint·
wā die ſchv̊le aleine da d̾ mīne ivng̾ ſint·
dú iſt ſo kúnſteriche· dc mā ir mv̊s der meiſt̾ſchefte iehen·
ir beſmē zamēt ſo wildē man·
dc er nie gehoꝛte noch geſach daſ er das kan·
wa hat iemā ſo hoher ſchv̊le mere gehoͤꝛet vn̄ geſehē·
dú mīne lert die frowē ſchone gruͤſſen·
dú mīne leret mangen ſpꝛuch vil ſvͤſſen·
dú mīne leret grôſſe milte·
dú mīne leret grôſſe tvgēt·
ſi lert die ivngē in d̾ ivgent·
ritt̾liche gebarē vnd̾ ſchilte·
Minne iſt ein dc beſte woꝛt·
mīne iſt ein vb̾gulde ob allē tvgendē kamer hoꝛt·
mīne iſt ein ſlos d̾ ſīne da mit mā gvͤtú werk beſlieſſē ſol·
ſi iſt lere meiſt̾ rein̾ ſitte·
ſi wont dē kúſchē lútē vn̄ d̾ ſtete gerne mitte·
vntrúwe vn̄ ir geſinde die ſchúhet mīne dien iſt mit v́bel wol·
mīne iſt als edel dc wiſſent ſich̾lichē·
mā kan ir in der w̾lte niht gelichē·
wā das mā ſi nennet wibes bilde·
vn̄ dc ſi iſt dē wiſen zam·
ſi ſt̾ket ere trúwe vn̄ ſcham[WS 7]·
vn̄ iſt da bi vil māgē tôꝛē wilde·
Wibes mīne iſt rehter hoꝛt·
ſw̾ ſich v̾ſīne d̾ wege in hie vn̄ doꝛt vf ellú oꝛt·
ſo mv̊s er mir bekēnen dc wibes mīne ſich niht gelichen kan·
froͤwē lachē bꝛinget gelt·
dc māneſ h̾ze ī froͤidē gen frowē lachē v̾t erzelt·
da mit ſi vō den ſinne frowen bꝛingent māgē wildē man·
wib mit ſcham ſich fúr dich vf dich vf die erdē·
wilt dv mānes ſv́nde vb̾w̾dē·
ſo mīne got ī h̾zen tǒgē·
got mīnet dinē kúſchē lib·
ſo hohe mīnēt reinú wib[WS 8]
zuht meiſt̾ſchaft zimt wol ī frowē ǒgē·
Got hat mit hoher w̾dekeit·
gar ſinē flîs vúr ellú ding an reinú wib geleit·
ſo dc ſi getúret ſint vb̾ alles dc in d̾ w̾lde lebt·
ir w̾dekeit iſt ſo geſlaht·
dc ir lob hat vber flǒgē alles lobeſ maht·
ſo dc ir lob geliche ob allē lobe ſchone als ein crone ſwebt·
dú reinú wib ſint w̾d̾ danne dú ſvnne·
niemē lebt d̾ wib vol loben kvnne·
noch ir lob mvge volle tihten·
dc in vf erde iht ſi gelich·
mit erē reineſ mv̊tes rich·
wiſſe iemā das des bite ich mich berihtē·
ICh wil úch lerē w̾dē wib·
d̾ lere volget ſo wirt getúret úw̾ w̾der lip·
beſlieſſet [332v] ī ivwerm h̾zen tugent kúſche dar zú reinē mv̊t·
dar zv̊ ſult ir úch ſere ſchamē·
ſit demvͤtig vn̄ wol gezogē dc ṕſet úw̾n namē·
getrúwe vn̄ erbere dc ſtat wol· un̄ iſt ǒch frowē gv̊t·
d̾ w̾lde hoꝛt lit gar an reinen wibē·
ir lob dc ſol mā hoͤhen vn̄ tribē·
ſwc got geſchv̊f ie creatúre
dc vb̾ geldēt reinú wib·
es waꝛt geboꝛn ſin ſelbes lib
vō einer magt dc gab er in zeſtúre·
Er iſt ein ſeldericher mā·
der mit ſtetē dieneſt wil weſen frowē vndertā·
ob ſich des vnd̾windet ein reines wib dú rehter maſſe pfliget·
ſvmlich ſint ab̾ ſo gemv̊t·
dc ſi húte pꝛiſent dc ſi dc moꝛne niht dvnket gǒt·
wie ſol mā den gewarte dien hat vnmaſſe volleklichē an geſiget·
ſvmeliche mīnēt bꝛennē rǒben·
ſo mīnēt die die vꝛechē die die tǒben·
etliche wellēt ſich zv̊ dē tvmbē pflihten·
ſvmeliche· mīnēt die wiſē gar·
etliche mīnēt die affen·
ga er ſelig man d̾ ſich da kā v̾rihten·
Gedinge hoͤhet mir dē mv̊t·
ſo nidert in ſoꝛge dú mir vil dike vnſanfte tv̊t·
ſwēne ich in hohē wane mit froͤide bin ſo truͤbet mich ein leit·
dē wehſel tribet mī gedank·
hin vn̄ her d̾ zwiuel mich ir h̾zeklichē twanc·
meht ich mich des v̾einē dc ſi ſo lange mir v̾ſeit·
hoꝛt ich ein ſvͤſſes ia noch vō ir mv̄de·
dc ſi vil mīnekliche[WS 9] ſpꝛechē kvnde·
dú reine ſvͤſſe wol getane·
dc nêm ich vúr ein wareſ neī·
dc woꝛt iſt h̾trer dāne ein ſtein·
ſwc vil geſchiht da wirt ma frúndes ane·
Triſtrā der leit vil grôſſe nôt·
vō eineſ wibes mīne· lag er vil iem̾liche tot·
dc kan vō ſinē trúwē die ſelbē mīne vſ einē glas er trank[WS 10]·
dc ſelbe ǒch ich getrv̄kē han·
vs miner frowē ǒgen· da vō ich[WS 11] ī grôſſem kvmb̾ ſtan·
des mag mir gehelfē deſ meien ſchin noch kleiner vogelin ſanc·
ſi hat mich v̾wūdet alſo ſere·
dvr mī h̾ze mit ir mīne gere·
es enſi dc mich ir troſt noch heile·
ich w̾e anders ſchiere tot·
wand ir vil ſvͤſſer mvnt ſo rôt·
d̾ w̾de noch mir ſendē mā zeteile·
Dú reine zvnge iſt alſo gv̊t·
dc ſi got[WS 12] ſelbē ſanfte[WS 13] in ſinē oren[WS 14] tůt·
ſi ſvͤnet vn̄ ſamnet frúnt· vn̄ loͤſchet māgen ſw̾en zoꝛn·
wol im der ſi behuſet hat·
vn̄ ǒch dē h̾zē dc der zvngē ſchenket ſolhen rât·
er ſi ſwes kint er welle ich wil in haben fúr edel vn̄ wolgeboꝛn·
dú reine zvnge lat ſich niht ermietē·
die mietē kan ſi niemē an gebietē·
dc ſi ſich zvn trúwē valde·
dú reine zvnge erw̾ben kan·
gůt wib zefrúnde vn̄ w̾den mā·
er ſelig mv̄t d̾ reiner zvngē walde·
Do got ī mēſchē bilde erſchein·
vil arm vn̄ alſo armer es meht erbarmē einē ſtein·
diſe armv̊t trůg er vf der erde· volleklich dꝛú vn̄ dꝛiſſeg iar·
dis bilde trůg er aller diet·
iſt ab̾ iemā vſ geſcheidē·
deſ enweis ich niht vúr war·
ſint ab̾ die bebeſte vs genomē alleine·
ſwie ſi gew̾kent dc ſi ſint doch reine·
ſo wart nie niht ſo hoh geheret·
golt ſilb̾ lúte búrge lant·
hant ſi dc ſvnd̾ ſv́ndē bāt·
vn̄ nieman me ſo ſint ſi wohl bekeret·
Swer bannē wil vn̄ bānen ſol·
d̾ huͤte dc ſin bannē iht ſi vleiſchlicheſ zoꝛnes vol·
ſwa fleiſchlich zoꝛn ī bāne ſteket mich dvnket dc da iht gottes ban·
ſwes ban mit gotte iſt vn̄ nach gotte ſi vn̄ nah gotte·
d̾ wirbet wol nach gote alſam ein geſant̾ gotes botte·
ſw̾ des bānes niht enfúrhtet· der iſt niht ein wiſer man
d̾ vnd̾ ſtole flúhet· ſchiltet· bēnet
vn̄ vnd̾ helme rǒbet vn̄ bꝛēnet·
d̾ wil mit beidē ſw̾tē ſtritē·
mag dc geſchehē ī gottes namē·
ſo darf ſich ſante peter ſchamē·
dc er des niht enpflag bi ſinē zitē·
IR ſeht d̾ ieglichē in den mvnt·
her babſt vn̄ nemēt war ob alle ir oꝛdē ſin geſūt·
tv̊t war ob vnd̾ berten iht ſtechen gret in der kilchen keln·
ein oꝛdē der ſich ſtreichen lat·
mit ſv́moniē hant vn̄ doh der kilchē zehen hat·
an mātel vn̄ an ſchappen d̾ wil dc inre mit dē vſſern heln·
dú kilche ſolt niht mit d̾ ſv́mōie·
gemeine han noch mit d̾ heſerie[WS 15]·
dc gv̊t iſt niht wol gewūnē·
dc mā doꝛt nimt vn̄ diſhalb hilt·
wer iſt ein dieb wā d̾ da ſtilt·
nv helent [333r] vn̄ ſtelnt doch bꝛeite ichs an die ſvnnē·
Swer einen ſchoͤnē wiſen mā·
vō rome vn̄ ǒch vō lateran wolde ſchꝛien an·
durh hc fúr einē moꝛē vn̄ einē moꝛē dvr miete han vúr wis·
ſwer dc alſo lange t́be·
dc ſwarz man wis vn̄ wis man ſwarz durh miete belibe·
ſo hetē ſi doch beide dar nach als ir rehter varwe glis·
ſwas rome hat vb̾ruſt mit tvſent bannē·
wellēt ſi dc wid̾ núwē mit dꝛin mānē·
ſo wil ichs hohe vf dē tache·
mit ſchalle geſchꝛeie machen ſwarz·
nv haſt dv da alſam ein harz·
wie kvnnē ſis mit runē wis gemachē·
Ein vederloſú fledermvs·
zeinē valkē ſpꝛach her valke ich habe in minem hus·
valkē gevidere veile· her valke welt ir das han ſo ſeht mich an·
da bi ſo ſas eī oderchvh·
d̾ iach er w̾e ein meiſt̾ nahtegal ſanges ǒch·
ſvs v̾maſſen ſi ſich beide des ir deweder kemes nie gewā·
diſ biſpel tvmbē mā alhie betútet·
der wiſen lútē ere veile bútet·
vn̄ giht er welle in alles dc v̾kǒfen·
dc nie vb̾nehtig bi im wart·
d̾ nie gewan har noch den bart·
dē mehte mā alſē ſanfte rǒfen·
Den ſurē ſur dē ſcharpfen ſcharf·
dē hertē hart daſt alles gůt ders kan da māſ bedarf·
vn̄ hohvart hohu̾tē kan zerehte dc iſt ǒch gv̊t·
ſw̾ lant vn̄ lúte hat gewalt·
d̾ ſi dē ſlehtē ſleht den manigvaldē manicvalt·
mīne dē ereb̾en haſſe dē d̾ dankeſ miſſetůt·
wil er in beidē ſin geliche ſvͤſſe·
nv ſpꝛechēt wer dē ſvͤſſen dāne buͤſſe·
ob er des ſvrē ſchade gewīnē·
da hoͤꝛet herrē[WS 16] voꝛhte zv̊·
dc er an diſen iht miſſetů·
da vō wirt er voꝛht vn̄ ǒch gemīnet·
Ein gelle ir gellē nidē mv̊s
zwiſchē gellē zwein wirt vil ſeltē nides bůs·
doch weiſ ich zwo die ſint mit fůge dike wol ein andern bi·
ere vn̄ ein rehte reines wib·
ſwē diſe zwo rehte bi geligēt· dc iſt ein wol gedꝛiet lib·
nach gv̊te vn̄ ǒch nach erē· der dꝛier dꝛiunge iſt wol wandels fri·
zwein andern gellen w̾e ein ſtadel zenge·
ere vn̄ ein wib die lidēt wol gedꝛēge·
ſi lāt ſich ſo wol zeſamne ſlieſſen
ī einē[WS 17] ereg̾nden man·
des h̾ze ſich behuſen kann
vn̄ er ſich ir nih ſchiere lât v̾dꝛieſſen·
Swem lieb geſchiht vn̄ doch niht wol·
ſw̾ des ſinem frúnde gan d̾ gan im anders dāne er ſol·
dꝛú lieb geſchen ſint niht dē tvmbē ſo gv̊t als einem wol geſchen·
er dvnket mich ein wiſer mā·
der lib geſehē vn̄ wol geſchv̊f beide zerehte erkennē kan·
lieb geſchehē vn̄ wol geſchehē· lant ſich dike ſvnd̾ ſpehē·
vō lieb geſchehē vil lúte ī kvmb̾ vellet·
wol im zv̊ dē ſich wol geſchehē geſellet·
d̾ iſt d̾ dinge lere·
dc ſchade ſchande ſv́nde ſi·
dc wol geſchehē iſt wandels vꝛi·
dc lieb geſchehē iſt dike wandelb̾e·
Swer ſich voꝛ nide welle ernern·
der mīne vnfůge vn̄ fliſſe ſich d̾ tvgende[WS 18] wern·
wie ſol man in genidē wil er belibē ſvnd̾ ere ger·
wes zige mā einē boͤſen man·
dc mā in nide ſit er niht nidē v̾dienē kan·
ſw̾ dē boͤſen nidē wil d̾ mv̊s noch boͤſer ſin dāne er·
w̾de lúte ſvln vnw̾de lúte nidē·
die w̾dē mv̊ſſen iem̾ niden lidē·
die w̾dē ſvln ſin nit lidere·
nit lidē zimt dien w̾den wol·
ſo ſint die boͤſē nides vol·
nit lidere ſint beſſer dāne nidere·
Sv́ndē gelúſt iſt ſv́nde niht·
ſwēne er wirt ſigelos vn̄ dc mit wid̾wer geſchiht·
ſv́ndē gelvſt mit wid̾wer tv̊t croneb̾ndē kempfē·
ſv́ndē gelvſt mit wid̾wer ſw̾ da mit iſt behaft d̾ ſtritet wid̾ ein kreftig h̾·
wand in vil ſere an wigēt ſv́ndē gelvſt mit kampfe mang̾ ſtunt·
ſv́ndē geluſt ſw̾ der erlâſſen were·
dc d̾ ǒch alle ſv́nde gar v̾b̾e·
dc w̾e niht ein marter crone·
dē hvng̾ niemer we getv̊t·
nimt got deſ vaſtē wol v̾gv̊t·
dc iſt ein ding dc got im ſelbē lone·
Vil manig gv̊t criſtē ſv́ndē pfligt·
der doch mit bůſſe in ſv́ndē ſinē ſv́nden an geſiget·
wand ſv́nde ſint ſo gemeine dc lútzel iemā lebt gar ſv́ndē vꝛi·
des mag mā alles ſich erholn·
wā dē vs ſinē h̾zen d̾ rehte gelǒbe wirt v̾ſtoln·
vō den kriſten dieben die vns mit valſcher lere ſlichē bi·
dc iſt ein ſv́nde dú alſo tiefe grúndet·
dc ſi niemā mit ſv́ndē vberſv́ndet·
nv wachet edele criſtē wachet·
dc vnſ d̾ leid̾ē [333v] ketzer rat·
iht ſcheide vō d̾ t́nitat·
da mit wir ſin zekriſtēheit gemachet·
Wir wellē dc dú mīne ſi·
ī dē wage vn̄ vf d̾ erde vn̄ ǒch den lúftē bi·
dar zů ī himelriche· ſo iſt ſi w̾t fro mīne vn̄ ǒch vil lieb·
ſit ſi d̾ meiſterſchefte pfligt·
dc ſi dē hohē kúnigē als dē armē an geſigt·
ſo darf ǒch ich niht zúrnē· vn̄ ſtilt ſi mir gedanke alſam ein dieb·
nv ſpꝛechent an ob mā fro mīnen ſehe·
waſ mā ir gewaldeſ dāne iehe·
ſit ſi ſo tǒgēlichē twingē
mag beide wib vn̄ man·
dú mīne wol gefuͤgē kan·
lieb vn̄ leit den die zů ir habent gedingē·
Die berge ſint nv nah mir zů·
het ich ê geſvngē der were minē heil ein teil ze frů·
ich wil dien valſchē frowē minē willeklichē dieneſt wider ſagē·
vn̄ wil dē gv̊tē kúndē das·
meht ich in wol geſpꝛechen vn̄ ǒch nach geſingē bas·
dāne mich min ſinne leitēt des wolde wile niht an in v̾zagē·
die boͤſen die ſint manigeſ valſches riche·
die biderbē ich vil verre vō in geliche·
ein boͤſen lat ir mangē dienen·
des entůt ein reinú niht
dú hat mit einer liebe pfliht·
ſwelh frowe wil mer die ſchā die kan mit loſen vienē·
Vnde het ich dꝛier wúnſche gewalt·
vn̄ die wurdē war ſo kvnde ich niem̾ w̾dē alt·
ſo wolde ich wúnſchē das die gv̊tē vꝛowen iht wurdē růmes zam·
ich wolde ǒch eineſ wūſches gern·
dc ſi v̾ſagē kvndē vn̄ ǒch zerehte gewern·
vn̄ ſwas ir wille w̾e dc ſi dc tetē e man in wurde gram·
ich wūſchte dc ſi die gůtē mā erkandē·
vn̄ ir herze vō dē valſchē wandē·
ſwelch frowe wil alles dc gelúke hoͤꝛen·
ſwc valſcher man ī valſche gert·
vn̄ wed̾ v̾ſaget noch gew̾t·
die effent in vn̄ wil ſich ſelbē toͤꝛen·
Swelh frowe ir mv̊tes irre vert·
deſ dv̄ket mich ſi ſi d̾ erē da bi ſchiere beh̾t·
die dē man ſo grvͤſſent dc er wol ſwuͤre er het es in der hant·
dē git ſi wūne in h̾zen gar·
ſwēne ab̾ ir mv̊t v̾kert ſo ſtat es ab̾ froͤidē bar·
ſo hat ſi ir gedank vn̄ ǒch ir mv̊t vil ſnelle vō im gewāt·
dú húte iſt hie vn̄ moꝛne doꝛt ī trúwē·
ſw̾ d̾ vil gedienet dc mag in gerúwē·
nim mā vō in din mānes gemvͤte·
vn̄ wēde es an ein reines wib·
dú túret ein dir dinē lib·
vn̄ tuget dir din h̾ze ī wibes gvͤte·
Man tůt vns michel wūder kvnt·
wie fúr parcifalē trůg mit zúhtē mang̾ ſtvnt·
den gral vō arte reī deſ wunſch wc allen kúnigrichē obe·
dē gral ich wol gelichē wil·
ein reines wib d̾ kúſche reichet wol des grales zil·
dú ſich voꝛ valſch̾ vꝛiet· dv́ wirt geziert wol nach der wiſē lobe·
wil iemā nach dē núwē grale ſt́ten·
der ſol ſin kúſche milte zallē zitē·
als alle die des grales pflagē·
vn̄ noch vil gůt̾ frowē pflegē·
wirt dē ein reiner wibes ſegē·
der iſt vꝛi voꝛ ſchandē vn̄ ir magen·
Ein man im ſelben iſt ze rich·
d̾ ander zarn der dꝛitte iſt ſinē gv̊te wol gelich·
wer ich ein ebenere d̾ dꝛier ebenvnge wolde ich niht wan zwei·
der ſines mv̊teſ w̾e ein riſe·
des gv̊tes ein getwerg lobtē dc iene vn̄ diſe·
dc wolde ich alſo ebenē dc vmb die wal niemā gebe ein ei·
ſwc hie wurde vb̾ dc leite ich zv̊ dē gůte·
d̾ gůtes w̾e rich vn̄ arn an dē mv̊te·
beſcheidēlichē wolde ich ſpꝛechē·
mā edels mv̊teſ nv ſitze vf·
dē aber der mv̊t kvme an die hvf·
nach erē ſtuͤnde dē wolde ich nider ſtechen·
Venediere die hāt v̾nomē·
dc roͤmeſch riche veile ſi des ſint in bꝛieve komē·
nv hant ſi ſich v̾meſſē ſi wellē g̾ne dar zv̊ ir ſtúre gebē·
dc es noch kome in ir gewalt·
ſwaſ ſi dc koſten mag des ſint ſi willig vn̄ balt·
ſi iehēt wurde in daſ riche ſi woldē iem̾ deſte g̾ner leben·
ir herzoge iſt ein mehtig kúrſenere·
vn̄ wart ie kúrſenere kroneb̾e·
mit ſinē igel varwen glazze·
ſo mag er wol krone tragē·
ſon darf ǒch fúrbas niemā fúrbas iagē·
d̾ es nv mvge v̾geltē bas mit ſchatze·
Vnreht vn̄ reht han ie geſtrittē·
ſi hāt vil vngeliche lant vn̄ lúte enzwei geſnittē·
vnreht hat mer geſindes· ſo hat dc arme reht die minrē ſchar·
vnreht dc wil hohe man·
es vn̄ d̾ babeſt lachēt [334r] eteſwenne einand̾ an·
da bi ſtat reht vil trurig da bi ſtat roͤmſches lob rúweklich gevar·
das arme reht dc iſt e doch ſo kriege·
e dc es ſinú mvͤdē bein gebiege·
es machet e vil offenb̾e·
ſwas vnreht har gerunet hat·
vnreht in rehter lúte wat·
die kempfet reht vúr einen trugenere·
Von rine ſo bin ich geboꝛn·
in oͤſt̾riche erwahſen beheim han ich mir erkoꝛn·
mer dvr dē h̾ren dāne dur dc lant doch beide ſint ſi gv̊t·
d̾ h̾re iſt gůt ſin lant iſt ſam·
wā das ich mich einer dinge ſere bi in beiden ſcham·
dc mich niemā wirdet es en ſi ob erſ alleine tůt·
w̾e ich bi gote in frone himelriche·
vn̄ hetē mich die ſine vnw̾dekliche·
dc dvhte mich ein miſſewende·
ich han dē kv́nig alleine noch·
vn̄ wed̾ ritt̾ noch das roch·
mich ſtúret niht ſin alte noch ſī vende·
Mir iſt geſwullē ie d̾ mv̊t·
al da dc h̾ze lit vn̄ iſt dc man dc niht wider tůt·
mit einer ſv̊ne ſalbē ſo mv̊s ich min bꝛuſt rumē dur den mvnt·
mich hat begriffen vaſenden zoꝛn·
wirt er mir niht benomē ſo ſcherpf ich miner zvngē doꝛn·
vn̄ luppe minē pfilē vf minú boͤſe zimer zaller ſtvnde·
ſwēne ſi den valſch gekrenkent mit ir hendē·
ſi legent ir vnſchulde bi in vf ein endē·
ſo bin ich doch ſo naſewiſe·
dc mich ir ſchalkeit ſtinket an·
irnheines rede ſich niht enkan·
vō mir v̾heln ich ſmeke ir vntrúwe liſe·
Ich w̾e vng̾ne da pferit·
da mā dc beſte fůt̾ den ohſen vn̄ den eſeln git·
ich wolde ǒch da niht valke ſin da man mit mvſern beiſſen vert·
ich w̾e vng̾ne da ein wint·
da die ſtvmphen hovewart w̾der dāne die winde ſint·
ich w̾e vng̾ne vf des helm ein ar d̾ ſich der milte were·
ſinē ſchilt dē wolde ich niemer zieren·
wer ich ein kúnig ſtat ob and̾n tierē·
alſe d̾ lewe mit d̾ krone·
der bas kvnde flúhē dane iagē·
vn̄ lieſſe mich den g̾ne trage·
ſo wurde mir der luter ſpot ze lone·
Angeſt dv biſt ein v̾bel dieb·
es wart nie frúnt dē and̾n ſo trutlichē lieb·
dv ſtilſt den einē vō dem andern alſo dc er v̾giſſet ſin·
ſwie vil angeſt d̾ diepheit kan·
mines liebē frúndes ſtilet er mir niht hin dan·
ſtilet ab̾ er mich im dc mv̊s ich alſo laſſen ſin·
angeſt dv biſt vil dike· ſchalkes mv̊tes·
dv v̾ziheſt dinē frúnde ein lúzel gv̊tes·
des mvͤſſe angeſt d̾ túfel ſchendē·
er dieb vnrehter boͤſewiht·
mins h̾zen kúniges ſtilt er mir niht·
ſtilt er mih ime des mag ich niht erwenden·
Ein rv̊ch ſagt weder abe noch an·
enrůch behabt zefrúnde weder dc wib noch dē man·
enrůch iſt wed̾ lieb noch leit· enrůch iſt wed̾ kalt noch warn·
enrůch dc kan wol vb̾ſehē·
enrůch dc lat dē man geſchen dc im doch mag geſchehē·
enrůch iſt erē ane dc ſpꝛiche ich volleklich vf minē eit·
ſwa ich ſelch enrůch veile vinde·
da iſt vil wert ich růch ſin ingeſinde·
enrůch iſt ſippe d̾ vnm̾e·
naher dāne es der liebe ſi·
enrůch iſt ǒch der frage vꝛi·
zwú ſol ein mā d̾ machet ſo zwiuel̾e·
Der parat valſcher ſerion·
her liegat triegat trumpfatoꝛ d̾ růfe meiſter don·
hat alle die w̾lt ſo lieb dc in dú meiſte menge tanzet nach·
da tanzet ſlurchart vn̄ ſlich·
fridelos diebolt manolt rǒbolt die vil manigē ſlich·
den vogteloſen machent da hilfet vngewis arg vn̄ ſchach·
vntrúwe vn̄ ſchande ſingent da voꝛ zepꝛiſe·
rǒb moꝛt bꝛant nidunk in ſibchē wiſe·
loſheit iaherre vn̄ hovegalle·
ſpot vnkuſt oꝛē dꝛus vn̄ vâr·
vntrúwe ſinget vb̾ iar·
w̾lt dinē tanz pfi dich vn̄ ǒch die alle·
Die hende mvͤſſen ſelig ſin·
da milte vn̄ ellen beide hant gehuſet in·
der zweier tvgent mag ein ieglich man vō ſchulden weſen geil·
iſt ab̾ ellen vberladē·
in eineſ zagen hant dc tůt an wirde groſſen ſchadē·
ellen bi d̾ erge erwirbet ſeltē gv̊tes manes heil·
ſwa milte vn̄ ellē ſich geſamnēt beide·
dc ziert dē lip als d̾ kle die[WS 19] heide·
hat aber milte ſich gehuſet·
in zagē hant dc mvͤze mā klagē·
dc tv̊t an wirdē groſſē ſchaden·
vn̄ iſt ir lob ī ſchandē hol v̾kluſet·
Der leker mvnde zvnge iſt ſnel·
ſwa mā ſi g̾ne hoͤꝛet da ſint ſi kv́ndig vn̄ hel·
zem boͤſtē niht zem beſtē· vn̄ argú ding [334v] zeſhuzze vil bereit·
nv ſnappe dar vn̄ hellehunt·
du ſlange gift du eiter klus ich meine ſchalkeſ mvnt·
du bodē grūt d̾ helle· da wehſet dir ein iem̾w̾ndes leit·
ſwēne dv dē kriſtētům an dir zerbꝛicheſt·
dc dv zem beſtē niem̾ niht geſpꝛicheſt·
eſ ſol dir w̾dē al zeſw̾e·
des einer ſchulde nie gewā·
dc ſnappe lúgeſt dv in an·
v̾flůchet biſt dē ſvͤſſen gotte vnmere·
Wes ſvmeſt dv dich ende kriſt·
dc dv niht kvmſt dvn darft niht mere bitē dekeine friſt·
dv vindeſt fúrſtē veile veile gravē frien dieneſt man·
kvmt ane hǒbet dc la ſin·
haſt dv in zegebēne ſilb̾ golt ſi w̾dent alle din·
an den ſi gelǒbē ſoldē da kerēt ſi ſich leider lúzel an·
d̾ ſi geſchv̊f des hāt ſi gar v̾geſſen·
der vngelǒbe manig herze hat beſeſſē·
des úbeln kúniges pharâones h̾te·
rehtes gelǒben ſint ſi vꝛi·
in wont vnreht gelǒbe bi·
ſi volgēt niht dē der ſi g̾ne nerte·
Man ſwc dir vnu̾dienet kome·
ald vundeliche wilt dv dc d̾ fvnt dich lange frome·
ſo diene nach dē funde dc dv voꝛ gedienet ſolteſt han·
ſtige in dich ſelbē vn̄ ſpꝛich·
zedinē h̾zen frúnt wir han v̾ſlafen dvnket mich·
nach diſē groſſē fvnde den vns gelúkes wūder hat getā·
nv rate wie wirt diſ wilt wilde gelúke·
behaldē dc es ſich niht vō vns zúke·
es lat ſich alſ vngerne mvzen·
es iſt ſo ledig vn̄ iſt ſo vꝛi·
ſin wir im niht mit hůte bi·
wirt im d̾ ſpꝛung wir mvgē es wol v̾lúzen·
Der w̾lde rede iſt es enſol·
ein ledig wib niht w̾be vmb die man es ſtat niht wol·
doch wil ich úch beſcheidē· wie es ein frowe wol mit erē tůt·
ſi ſol ſich flîſſen reiner ſitte·
ſo dc ir wibeſ gvͤte vn̄ wibes tvgēde volge mitte·
vn̄ dc da bi ir ere an allen vieren endē wol behv̊t·
ſi ſol ſpꝛechē lachē vn̄ ſchimpfē·
alſo dc ſi ſich túre mit gelimpfen·
mit wibes tvgēt ir lob gem̾en·
ſi ſelig frowe dú alſo kan·
mit reht̾ kv́ſche erw̾ben man·
vn̄ mīne got in kans niht beſſers leren·
Ich han dc dike wol v̾nomē·
dc vs dien grôſſen waſſern ſint die grôſſen viſche komē·
ſw̾ ſi dar inne vahet d̾ hat gelúke vn̄ iſt ein ſelig man·
da bi ſo ſvlt ir wiſſē das·
das mā in groſen waſſern mag ertrinkē niend̾ bas·
er dvnket mich vil wiſe d̾ diſe rede zerehte kan v̾ſtan·
ich han ī groſſē waſſern vil geviſchet
vn̄ han d̾ groſſē viſche[WS 20] niht erwiſchet·
in kvnde ir leider nie gevahen·
ertrinkē was mir vil nach kūt·
mir gieng dc waſſer in dē mvnt·
mir hulfē niht die h̾ren die dc ſahen·
Von ſinewellē mv̊te ein man·
zv̊ ſwem d̾ walget d̾ walzet ǒch vō im hin wid̾ dan·
nv walge hin nv walge her eins vngevierten mannes mv̊t·
der kvchet kalt der blaſet warm·
vs eines mānes mvnde ſteter trúwē iſt er arm·
and̾ lute meine ich niht wā dē einē d̾ es tůt·
her pfennīg dc ir nement lob ſo riche·
er tůt durh ivwern willē laſt̾liche·
dc mvͤſſe got vō himel erbarmē·
h̾ pfēning dc ir w̾ent lieb·
vnde niht ſo gar d̾ eren dieb·
des gvnde ich wol dien richen vn̄ dien armē·
Nv hoͤꝛt wie liſtig er doch wc·
dc er vs truͤber aſchen woꝛhte ein lut̾ ſpiegelglas·
ſo clar vn̄ ǒch ſo reine dc er ſin ſelbeſ bilde darīne ſach·
wc dc niht ein wnder gros·
dc er nv vſ eſchē machet vn̄ wc doch ein erden klos·
vnſern vat̾ adam wā deſ iſt vil lang dc es geſchach·
dē lie ſin ſchepfˢ wid̾ zeſchen w̾den·
nv wil er ab̾ vs ſiner núwē erdē·
manigē lut̾n ſpiegel machē·
d̾ iem̾ mv̊s an ende ſin·
noch clarer danne d̾ ſvnnēſchin·
ſin kvnſt iſt ganz die kan im niemā ſwachē·
Dú w̾lt wc wilent ſo geſtalt·
dc man einē bid̾ben mā ſin frúmkeit ſchone galt·
mit grůſſe vn̄ ǒch mit gůte· deſte liht̾ wc ein man do gůt·
nv ſi ſwie frome welle ein mā·
vn̄ vlîſſe ſich des beſtē ſo er ſich v̾ſīnen kan·
dc mv̊s alſo geſchehē dc im dú w̾lt dekeine helfe tůt·
ê hulfen hund̾t einē gůten gv̊tes·
nv irrēt tuſent einē gůtes mv̊tes·
ſw̾ nv bi dirre w̾lte ſúre·
ſich ī tvgēden vindē lât·
vn̄ valſchē w̾kē abegeſtat·
der dvnket mich vúr manigen man gehúre·
[335r] Owe dir ſpil wie boͤſe ein ampt·
mich wund̾t das ſich din niht al dú w̾lt gemeine ſchamt·
vn̄ doch ſo manig mā von dir v̾loꝛn hat ſele vn̄ lib·
dú graweſt ſvnd̾ alt̾ iugent·
in kan an dir gem̾ken noh gepꝛuͤuen keine tugent·
dc dv alſo dike beſwereſt vn̄ beruͤreſt reinú wib·
din wirt getúret lútzel ieman ſeltē·
dú ṕſeſt rǒb moꝛt liegē ſteln ſcheltē·
dv haſt gekeret vō gotes mīne·
dv bꝛeht dē tieuel manigē man·
ſit ich dc wol erkēnen kan·
mide ich dich niht ſpil zware dc ſint vnſīne·
Der mv̊t wc wilent h̾rē kneht·
nv er ſvmelich h̾ren h̾re ſvnd̾ reht·
dc h̾ren lib ſolt erē· d̾ mv̊t im halb des niht v̾hengē wil·
wer dich hoherboꝛner lib·
geſigt dir an din mv̊t ſo biſt dv kranker dāne eī wib·
er leret dich nach ſchandē lebē weiſgot m̾e dāne zevil·
er ſol ſin d̾ minre wis dv d̾ merre·
er ſol weſē kneht wiſ du ſin h̾re·
ſchaffe dc er dich fúrhtē mvͤſſe·
dv ſolt im ſin wilde wern·
heis in dir balde hulde ſw̾n·
e er dich w̾fe hin vnder eren fuͤſſe·
Ein bꝛud̾ ſinē bꝛůd̾ ſlůg·
e dc ir beid̾ vat̾ wart geboꝛn den vngefůg·
den ſol ein wiſer raten· wā das was ein wūderlich geſchiht·
dar nach ich eine bꝛvgge ſach·
dú wart bi ein̾ nacht gewoꝛt vb̾ einē bꝛeitē bach·
ſwas kúnige vf erde lebt die wurhtē alle ſelker bꝛvgge niht·
do kamē zwene die die bꝛachen·
vn̄ die beide nie ein woꝛt geſpꝛachē·
dē einē ſach mā vn̄ niht hoꝛte·
dē and̾n hoꝛt mā vn̄ niht ſach·
ers al der w̾lte ein vngemach·
d̾ beid̾ kraft die bꝛugge gar zerſtoꝛte·
Nv m̾ke wc dc ſi vn̄ rat·
dc niht erſt̾bē mag vn̄ iſt doch ewecliche tot·
noch niem̾ mere erſtirbet noch nie erſtarb ich rate es ob ich wil·
lib vn̄ ſele es beide hat·
da vō ein toͤꝛſcher leij ich wene es vngeratē lât·
vn̄ iſt ir eteſlicher d̾ es weis·
der vindet man niht vil·
ſines wund̾s ich úch mer beſcheide·
bꝛv̊d̾ vn̄ ſweſt̾ hat es beide·
w̾e es alles an geſchꝛibē·
warte ob des iht ſi genv̊g·
ich ſach die es trůg·
vn̄ wart doch nie geboꝛn vō wibes liben·
Manig man wenet frowē lebē·
d̾ in lob mit fůge halbē weg niht kan geben·
dc ſich ir ere enzúnde als dc fúr d̾ dúrrē zvndern tůt·
maht dv denkē wiſer man·
ob dir ein wib durh ir wibheit mit ir wol zeredēne gan·
dc dv mit rede iht macheſt da vō ir h̾ze gewīne ſw̾en mv̊t·
ia meine ich mich vn̄ die vil gar vnwiſen·
die frowē kvnnē ſich vil tǒgen ṕſen·
ſwēne wib dvrh wibheit gruͤſſet dē tôꝛen·
vn̄ dc er wêent er habe geſigt·
dānoch ein wib ir wibheit pfliget·
ſo erkent man doch den eſel bi den oꝛen·
Her hagē ir ſit ein man ſo wis·
ſagt mir des ich úch vꝛage vn̄ habt des iemer erē pꝛis·
wie mangē fůs hat úwer mv̊t̾ vn̄ ir eſel ſaget mir dc·
dar nach frage ich úch frúndes halb·
wie manigē fůs hat úwer mv̊t̾ vn̄ ir liebes kalb·
alſvs getane vꝛage lat mā vō gůtē frúndē ane has·
ſit dc min ane zoch úwer anē mv̊t̾·
ir ſvnt niht zúrnē trut ſun vil gv̊ter·
es iſt ein ſo getane vꝛage·
erloͤſet ir mir diſē haft·
dc han ich vúr ein meiſt̾ſchaft·
wie wurdē wir von adam úwer mage·
Der triſkam̾ hoꝛt·
ein ankerhaft d̾ ſtete ein fúrgedank vf ieglich woꝛt·
ein waht̾ criſtentůmes roͤmſcher erē grunt veſte vn̄ geſvnt·
ein bilde d̾ hǒbethaft̾ zuht·
ein vollú kruft d̾ ſinne ein ſame ſeldeb̾nd̾ fruht·
ein zvnge reht̾ vrteilde frides hant gewiſſer woꝛte ein mvnt·
ein hǒbet dē nie ſmit deheinē krone·
vol machē kvnde ſiner tvgende zelone·
dē hǒbte ſvln wir alle gelichē·
wúnſchē lange w̾nder tage·
wes h̾ze weſ lib dc lob nv trage·
des ſvln wir iehē dē keiſer friderichen·
Swelh wib ſich ſo gevꝛiet hat·
dc ir lib iſt vꝛi voꝛ aller miſſezemēd̾ tat·
dú hat ſich hoh gefúrſtet ſwie ſi doch lant noch eigē lúte habe·
ſint ir gedanke vnkv́ſche vꝛi·
vnkúſcher woꝛte ir mvnt ſo iehē wir dc ſi beide ſi·
ein engel vn̄ ein wib des lobeſ get ir niem̾ gůt man abe·
ſw̾ ſi dāne ein wib vn̄ engel nēnet·
d̾ hat bekant rehte als ſi [335v] got erkennet·
von libe ein wib vō tvgende ein frowe·
ein engel an d̾ reinekeit·
da vō der geiſt ie angeſtreit·
mēſchlich̾ gir als ſvnne tv̊t dē tǒwe·
Man ſeit vō heilawage vns vil·
wie heil wie gůt es ſi wie gar vollekomē der eren ſpil·
wie gar ſin kraft v̾heilet ſwc wundes an dē man v̾ſeret iſt·
noch beſſer weis ich heiles wag·
deſ kv́ſche dú iſt vō hoher art d̾ reinē engel mag·
ſin lvt̾ rein gemvͤte den berǒbet niem̾ valſch̾ liſt·
dc iſt ein reines wib dú mit ir gvͤte·
loͤſchet mannes zoꝛn vnd vngemvͤte·
dú kan wol ſeldē leit v̾t́ben·
vn̄ ſwendē ſinú vngemach·
ein ſchilt vúr vngemvͤte ein tach·
des bin ich w̾ von ſeldehaftē wiben·
Frowe min̾ froͤidē heil·
mines libes wūne vn̄ aller min̾ ſeldē teil·
din gvͤte mih des betwinget dc ich dir iem̾ ſpꝛiche lobes woꝛt·
ob allē frowē ſelig wib·
ī wiblich̾ fůre mīnenklich̾ ſchoner lib·
d̾ w̾dekeite blv̊mē wiblich̾ zuht vn̄ erē ganzer hoꝛt·
din rot̾ mvnt din liehtē ǒgē blike·
hant mich v̾wunt in ir mīne ſt́ke·
ſo dc ich h̾ze vn̄ al die ſīne·
ī din genade han gegebē·
ſwie dv wilt ſo wil ich lebē·
ich bin din kneht dv mī gebiet̾inne·
Vns wont ein wunſch gemeine bi·
dc vns gebe ein ende gůt vn̄ alles wandels vꝛi·
der wunſch iſt gůt ab̾ ende gůt zegebenne an rehtē lebēne lit·
got mag es gebē ob er wil·
dc ich gelǒbe wol es wer ab̾ ein gewūnē ſpil·
dc got gv̊t ende gebe ane rehtes lebē dc wiſſet ane ſtrit·
rehte lebē git vil g̾ne gv̊tes ende·
vnrehtes lebē pfligt d̾ miſſewende·
mit d̾ d̾ zwiuel hat die pflihte·
wie dv́ ſele mag gevarn·
des mag vns alleſ wol bewarn·
reht lebē ob wir dc bꝛīgen fúr gerihte·
Got h̾re bit vil manig mā·
genade gib mir friſt zelebē vnz ich dir vnd̾tan·
mit dienſte mvͤſſe w̾den· dis gebêt got ofte erhoͤꝛet hat·
an manigē mā d̾ im doch nie·
ſo vil zedienſte wart dc er im ie gebutte dú knie·
an reht̾ liebe ze eren dis iſt iam̾ der mir nahe gat·
got git ie friſt mā vindet ī ab̾ ſelten·
d̾ die vꝛiſt mit dienſte welle geltē·
die got ſo lange h̾at geboꝛget·
er ſchꝛibet es vf vō tage zetage·
vn̄ wenit an einē tage iriage·
dc er da hat ſo wening voꝛ beſoꝛget·
Der wiſe ſalomo do ſpꝛach·
ſwc ich han eruarn vn̄ alles dc ich ie geſach·
vnd̾ der ſvnnē dc iſt gar ein truge ob aller trugeheit·
er ſpꝛach ǒch ſich̾lichē war·
owe dc wir dāne hie ſvs ſwendē vnſer kvrzē iar·
mit truge vn̄ niht gedenkē an die iem̾ w̾ndē ſtetekeit·
niht hilfet al d̾ w̾lde hoꝛt gekǒfet·
vn̄ dvr dē hoꝛt die ſele hin beſoufet·
in helle pine ſvnd̾ enden·
deſ ſvln wir w̾bē vmb ein lebē·
dē ewig froͤide wirt gegebē·
vn̄ lâſſen varn dc vns des mag gepfenden·
Es fůr ein ebenhere diet·
ī einē ſcheffe bis dc ſchef gegē einer mv́ln geriet·
do rief d̾ ſchifmā ſine ſchifgereiſen in dē noͤtē an·
dc ſi dú růder ī die hant
gerůchtē nemē· do ſich der ir dekein̾ vnd̾want·
don mohte er ǒch dc ſchif niht eine bꝛingē vō d̾ mv́le hin dan·
ſus trůg d̾ wag dc ſchif mir diſen lúten·
hin durh die múln diſ biſpel mag betůtē·
die fúrſtē die ſo ſint v̾dꝛoſſen·
dc ſi niht růdernt gegē dem ſtade·
e dc vf in geliget d̾ ſchade
d̾ ienen geſchach die durh die múln floſſen·
Das boͤſte das mā erdenkē kan·
in himel vn̄ vf erde· dc iſt d̾ vngetrúwe man·
d̾ blendet liehtú ǒgen· vn̄ v̾derbet dc e was geſvnt·
ſin zvnge eiter gallē hat
er lebēdig re moꝛt meilig mā ein vrſpꝛīg aller miſſetat·
hvͤtet úch voꝛ ſime lachē es machet gůte lúte ſere wunt·
er iſt lange ſiech an dē ſin aten tuͤret·
ſin grůs durh reinú h̾ze ſtrale fuͤret·
...
ſin zeigē ſwachet reinv́ wib·
ſin runē toͤtet manigē lib·
vn̄ ſinú w̾k alle boſheit gar durh grúndet·
Was hilfet ane ſinne kvnſt·
wc hilfet wol gehoͤꝛen d̾ dar zv̊ niht hat v̾nūſt·
wc helfent ſchoͤnú ǒgen dē der dc weger niemer kan erſehen·
wc hilfet richeit ane rât·
was hilfet vil geheiſſen ders niht mv̊t zetv̊nne hat·
wc hilfet māne ſchoͤne vō dē doch niem̾ ere kan geſchehē·
wc hilfet ſterke d̾ ſi niht v̾ſv̊chet·
wc hilfet dienſt [336r] da mā ſin niht gerůchet·
wc hilfet ǒch gebeitu mīne·
dú niend̾ vō dē h̾zen kvmet·
noch mīre zallē ſeldē frumet·
des mānes lebē d̾ valſch iſt vs vn inne·
Was ſol ein mīnekliches wib·
wc ſvln ir liehtu ǒgen ir roter mūt ir ſchoner lib·
was ſol ir grůs ir lachē· ob deheineſ vs vꝛon erē kam̾ vert·
wc ſol ouch ir vil ſvͤſſˢ name·
wc ſuln ir guͤtú kleid̾ ob ſi dú treit ane ſchame·
was ſol ir wibes guͤte ob ſi ſich tvgēde mit vneren w̾t·
waſ ſol ir ſchone klarheit vn̄ ir ivgende·
wc ſol ob ſi wil altē ane tvgende·
wc ſol iſt ſi nach gotte gebildet·
ir reinē mā ir w̾dē wib·
haſſent alſo ſchoͤnē boͤſen lib·
d̾ ſchande zamt vn̄ ſich gar eren wildet·
ICh wiſe an wiſer lúte rat·
dc mā den habe vn̄ niht an dē d̾ rates nien enhat·
wie kā mir der geratē des rât gegen w̾dē tvgendē nie geſchein·
eſt beſſer bilde an dē genomē·
d̾ bilde an ſelde an eren vn̄ an gv̊te iſt vollekomē·
ſw̾ nach dē bilde keret d̾ ſtôſet ſich vil lihte an h̾ten ſtein·
ſw̾ blinden[WS 21] volget d̾ iſt wol erblendet·
was wūderſ iſt ob dē ſin blintheit ſchendet·
dar vmbe rate ich ſw̾ ſich vlîſſe·
gegē got vn̄ w̾der zvht
ſwer hat zv̊ dē ſins rates fluht
ich wene er kome zedem ân itewîſſe·
Spotter dv ſolt hoͤꝛen mich·
ich wil dir ſagē wes got vō himelriche zihet dich·
er giht dc ſchvlde meineide vntrúwe ſv́nde has vn̄ nides vol·
ſi din h̾ze vn̄ ǒch din lip·
dv fridebꝛeche dv ſchuldig moꝛt an man vn̄ ǒch an wib·
die din gelupte zv̄ge mit valſcher ſvͤſſe kan geſchieſſē wol·
got ſinen[WS 22] vꝛide gab ald̾ w̾lte gemeine·
den bꝛicheſt dv mit dinē ſpotte vnreine·
das dv in erge haſt geſpꝛochē·
dvrh dinē ſpottigē valſchē munt·
dc wirt doꝛ an d̾ helle grvnt·
gehabe dich wol vil ſvre an dir gerochen·
Ein meiſt̾ d̾ hat vns geſlagē·
zwei ſw̾t die zwene kv́nigē wol mit erē moͤhtē tragē·
gemachet volleklich vō hoher kvnſt vn̄ ſint wol vollekomē·
geliche lang geliche bꝛeit·
zetroſte vn̄ ǒch zehelfe d̾ vil edelen criſtenheit·
ſi ſint vnſchedelich vn̄ mvgē den getrúwē wol gefromen·
ſtole vn̄ ſw̾t ſint ſi genēnet beide·
ſi bedurfē niht wan ein ſcheide·
an in[WS 23] ſich niemā mag v̾ſnidē·
wā d̾ da lebet ſvnder voꝛht·
er iſt liſtig d̾ ſi hat gewoꝛht·
ir beider ſlege mag mā vil g̾ne midē·
Die lúte ſint gelandet wol·
die lant niht wol gelútet meines ſint die lúte vol·
lvft vn̄ erde himelzeichē nach ir rehte tvnt·
des tůnt ab̾ die lúte niht·
vnſchúhende vn̄ vnſchamēde ſv́ndet ſie dc es d̾ ſiht·
d̾ dvrh vns wart geboꝛn vn̄ an dem heren krúze v̾wunt·
dc wir des ſo dike an im v̾geſſen·
des hat vns ſin v̾geſſen beſeſſen·
zetode mit dē tǒfeloſen·
d̾ tǒf mag ſich wol vnſer ſchamē·
dc wir mit wol getǒften namē·
tǒf vn̄ criſmē· ſo dike an vns v̾boſen·
Ein wol w̾bende weideman·
der viſche vogel wilt ſo meiſt̾lichē vahē kan·
wie gv̊t er ſi noch beſſer iſt der der lúte vaher iſt·
hie mit mein ich ein biderbē wirt·
der geſte wol enpfahē kan vn̄ den froͤide birt·
ī ſinē hvſe bi ſinem bꝛote vn̄ dc tůt gar ane valſchen liſt·
gv̊t wirt erwirbet ere vn̄ gotes hulde
gv̊t wirt iſt aller wirde ein vb̾gulde·
ſwelh wirt kan die geſte enpfahē·
ſo dc fro ere vn̄ ǒch ir kint·
mit gv̊tem willē bi im ſint·
als der vō ſeine d̾ mag wol ere ergahen·
IR engel hoͤhet úwern ſang·
ſit ſich got hat geivnget·
deſ iſt nv zemâſſen lang·
lobt alle geliche die reinē magt die got ze mv̊ter nam·
do er ſich ī ir h̾ze vielt·
ich meine de edelē got d̾ aller elem̄tē wielt·
erde vn̄ himelricheſ iſt er gewaltig ſpꝛich ich ſvnd̾ ſcham·
dar zv̊ riet im die barmvnge vn̄ die mīne·
dc er zehimel kos die kúnigīne·
vn̄ ǒch im ſelben zeiner mv̊t̾·
ſvſt wart d̾ alte h̾re ivng·
vō himel tet er einē ſpꝛvng·
vúr vnſer not wart er ſvn vil gůt̾·
Ave maria reinú meit·
ſit dich got hat erwelt ze mv̊t̾ d̾ erbarmeherzecheit·
ſo erbarme dich genedekliche vb̾ alle ſv́ndekliche diet·
dv ſvnnēglaſt dv moꝛgērot· [336r] din lib vns hat benomē des eweclichen valles tot·
dē der leide ſathan vnſer alten mv̊t̾ even riet·
des bit ich dich ſvͤnerine reine·
dc din helfe mit barmvnge vns meine·
wir gern in inneklichē h̾zē·
dc got ſin antlúze clar·
vber vns erlúhte vn̄ neme war·
wie mit vns hat d̾ túfel ſinen ſmerzen·
Wache criſt es wil tagē·
d̾ han hat zwir gekret ich wils iv werlichē ſagē·
es nahet gegē dē moꝛgē dc got wil rechē alle ſine leit·
er wil vns alle laſſen ſehen·
ſwas im groſſer marter dvrh vns ſvnd̾ iſt geſchehē·
dc ſoltē wir beſoꝛgē· ſo wer ſin helfe gegen vns gar bereit·
ſwēne er vns zeiget ſper krúze vn̄ krone·
d̾ gewaltig ſitzet in dem[WS 24] thꝛone·
ſo kan im niemā wid̾ſtriten·
er iſt gewaltig vb̾ ellú lant·
ir criſtē dar an ſint gemant·
vn̄ warnet úch gegē im in kurzen zitē·
Das eine dc gehoͤꝛet an·
dē babeſt d̾ mit dē bůche ſere twingē kan·
mit im vn̄ mit dē banne ſol er vaſte dꝛoͤwē zaller zit·
dc and̾ ſol ein keiſer nemē·
ſtole vn̄ ſwert vn̄ ǒch dc riche mag ime wol gezemē·
ſol er gerihtes waltē ſo mac er niht belibē ane ſtrit·
er ſvllemvnt d̾ edel crſtenheit·
ſante pet̾s kempfe deſ ſit ir gv̊t geleit·
dc die gerehtē vb̾windē·
die rehteſ wid̾ſachē ſint·
des bittet manig̾ mv̊t̾ kint·
hilf h̾re got dc wir gerihte vinden·
Wil iemā ratē wc das ſi·
eſt liht̾ danne ein lǒb vn̄ iſt noch ſwer danne ein bli·
eſt groſſer dāne ein berg gefuͤger dāne ein kleines mvggelin·
dc ſelbe ſchonet mānes lebē·
es kan ǒch mānes ſchoͤne vil d̾ vngetete geben·
ſo voꝛhtiges noch ſo liebes wart nie mer nv rate wc mag dc ſin·
eſt ê zehimel dāne ein ǒge mvge winkē·
es iſt ſo ſw̾e ſwēne es beginnet ſinken·
dc al die w̾lt niht widerwůge·
es iſt ǒch ſo gefuͤge wol·
es ſlufſe dvr ein nadel hol·
eſt bern grôs ſwēne eſ v̾let die fv̊ge·
Swas gůt iſt einē hohē mā·
niht volleclich ein lob als ichs zerehte erkēnē kan·
iſt gv̊t dc gůt was gůt dc iſt mer dāne halbes v̾loꝛn·
ſw̾ gv̊t ſi d̾ belibe gv̊t·
die wile er mvge vn̄ tvge vn̄ habe ſtetē mv̊t·
wol an gehabē vn̄ wid̾kert w̾ noh bas v̾boꝛn·
ſwen lib noh gůt niht irret vn̄ doch boͤſet·
dc er mit ſinē liſtē hind̾ loͤſet·
des lib ſin lebē ſo hat geſwachet·
ein erē zv̊nemer d̾ iſt gůt·
ein erē abnem̾ dike tůt alſolhe tât d̾ ere niht enlachet·
Hetē vꝛowē dē gewalt·
dc ſi mit liehten ǒgen viengē manigē ritt̾ balt·
vn̄ betwūgē die da mitte· dc ſi ſich eigenlichē mvͤſten gebē·
ſwa ſwa frowē varnt vber velt·
die vâht mā dur ſchatzes willē· vn̄ niht dur ir reht̾ mīne gelt·
fluhe ein wolf zv̊ frowē mā ſolt in dvrh ir liebe lâſſen lebē·
ein ritt̾ mag ſin ere wol v̾hǒwē·
d̾ frowē vehet ſwa ſi vert mit ivncfrowē·
vn̄ die rǒblichē mit im zoͤmet·
h̾min zen ſcharlachē mvnt·
w̾de im von vꝛowē niem̾ kvnt·
dar zv̊ mvͤſſe im von einer ſin getrǒmet·
Der nv́we ſliffen vꝛide iſt ſcharf·
vn̄ alſo ſcharf dc vngerihte niemā fúrhte darf·
ſwer eine maſſe goldes truͤge vb̾ velt dú wer vnlange ſin·
des mag dú kúniginne wol iehen·
vō vngerlant dú hat dc wol gehoͤꝛet vn̄ geſehen·
der núwe geſwoꝛn vꝛide iſt an ir roſſe vn̄ an ir wol ſchin·
man was dē vꝛowē wilent ſo gevêre·
wer ſie da her gevarn ſo mīneb̾e
ein kúſſen vō ir rotē mvnde·
het mā ir g̾ner abe v̾ſtoln·
denne alle ir vngeriſche voln·
dc was do do dú mīne twingē kv̄de·
Ach rome wie dv v̾witwet biſt·
vn̄ d̾ ſtůl v̾weiſet· ſwer der frone flîſſig iſt·
der mīnet got noch gotes reht er ſi halt ſwer er ſi·
do roͤmeſch lieht luhte vn̄ bꝛan·
ſwa kriſtētv̊m erloͤſchē wc· dē zvnde man wid̾ an·
ſwa kriſtētům nv loͤſche da ſiht man dē gelǒben hinkē bi·
ſwem veterlich des vater reht v̾ſmahet·
ob ſich ein geher tot an dē v̾gahet·
deſ wúnſchet alle vn̄ dānoch eines·
dc vns got růche gebē·
voget vn̄ ewart die rehte lebē·
dc ſýmonie mit in iht habe gemeine·
[337r] Rome zwo tohtern gab zeman·
Megenze vn̄ koͤlne da iſt ir niht gelvngē an·
nv ſint d̾ tohtern man ein teil zetvmb vn̄ da bi al zegeil·
die ſint dē riche niht gůt wirt·
geweſen hie bi rine ob dē keiſer das wol v̾ſwirt·
ſo mv̊s er doch die ſchartē tragen dú niht gahens wirdet heil·
dú biſtv̊n warē ê in des riches hůte·
megēze vn̄ koͤlne nv lit úwer růte·
dē riche vf ſime bloſſen rugge·
welt ir mit úwern krvmbē ſteben·
des riches ſchadē geleite gebē·
ſo mag doch niht dē arn v̾tribē ein mvgge·
Aller oꝛdē pꝛiſ ich niht·
ſo ſere als die ê alleine ſwas dar vmbe mir geſchiht·
barfůſſen bꝛedigere krúzer oꝛdē ſint da engegen blint·
gra wis ſwarzer mv́nche iſt vil·
hoꝛnbꝛv̊der vn̄ martere als ich úch beſcheidē wil·
ſchottē bꝛuder vn̄ die mit den ſw̾tē ſint da engegē alle gar ein wīt·
tv̊mh̾ren nvnnē vn̄ leigē pfaffen·
vn̄ alle die oꝛdē die got hat geſchaffē·
die lebent des dú ê hat erzúget·
ſw̾ der ê zerehte pfliget·
der hat hie vn̄ doꝛt geſiget·
ſwers wid̾ redet des volget niht er lúget·
Maria mv̊t̾ vn̄ maget·
in himel kv́nigīne was vns ſeldē iſt betaget·
doch vꝛowe vō der guͤte die dv vil vſerweltú mv̊t̾ treiſt·
dc dv ſo reine ein reines kint·
geb̾e h̾rē vb̾ alle die nv h̾rē ſint·
dē bꝛâht ǒch dir vil ebene zv̊ dinē oꝛē in d̾ heilig geiſt·
des la du ſvͤſſe mv̊t̾ mich genîeſſen·
vn̄ tů din heilig oꝛe ſich entſlieſſen
gegē min̾ bete vn̄ hilf mir armē·
dc ich vō ſv́ndē w̾de erloſt·
dv biſt min heil vn̄ ǒch min troſt
vn̄ al min hoꝛt la dich min leit erbarmē·
Des miſchſeneres iſt·
iſt beſſer dāne ſin was des ſi gelobt der ſuͤſſe kriſt·
dc er als húgeliche tvgende mit eren an ſich las·
ſin was was tvmb̾ dāne ivng·
nv hat getan ſin iſt vúr ſin was alſo hertē ſpꝛvng·
d̾ ſin lop was dir lúhtet dāne dú ſvnne ein meiēntǒwig gras·
er et vſen tvmp vn̄ īnen wis·
ſo weis ich wol dc in d̾ iſt bc pꝛiſ·
dāne im d̾ wc noch ie gezeme·
wol tv̊n iſt gůt e bc tůn kvmt·
dc tůn bc dēne wol tůn frumt
eī bc tůn ich vúr wol tůn iem̾ nême·
Got aller wund̾ wūder ê·
gewūd̾t· hat mit wūder wūd̾ vn̄ wūd̾ me·
dāne iemā mac vol ſpꝛechē· dānoch hat er wūd̾s me getā·
dē ſelbē wūd̾ere grôs·
aller wūder wūd̾ nie mit wūder vmbeſlos·
dē hete wund̾lich ein meit ī ir da merket wūder an·
dc wc eī wūder an dē wūd̾ere·
wie mit wūd̾ in d̾ meide w̾e·
dēnoch ſo wc d̾ wūd̾ me·
dc er mit wūder in ir was·
vn̄ ſin mit wūder meit genas·
d̾ wūd̾ grôs danket wūd̾lich im ſere·
Gelobt bis hohú t́nitat·
vater ſvn geiſt gelobt bis aller d̾ genadē rat·
die dv durh vns vil arme ie begienge od̾ noch dvr vns begaſt·
gelobt ſo ſi din gotlich kraft·
gelobt ſi din gewalt din kvnſt vn̄ ǒch din meiſt̾ſchaft·
gelobt ſo ſi din wūne· gelobt ſo ſi din ſchoͤne die dv haſt·
gelobt ſo ſi din wiſheit din̾ ſinne·
gelobt ſo ſi din gvͤte d̾ warē mīne·
gelobt ſo ſi din mēſchlich ivgēde·
gelobt ſo ſi dú milte din·
gelobt ſo ſol din barmīge ſin·
gelobt ſo ſiſt dv aller diner tvgēde·
Lob ſi dir hohgewihte meit·
lob ſi dir all̾ froͤidē dú vns iſt vō dir bereit·
lob ſi dir aller ſeldē lob ſi dir alles heiles vnd̾ bot·
lob ſi dir liebſtú gotes trut·
lob ſi dir gotes tohter lob ſi dir w̾dú gotes bꝛut·
lob ſi dir gottes mv̊t̾ dē mēſchen haſt v̾ſvͤnet vn̄ got·
lob ſi dir frowe gotes nid̾ kvnfte·
lob d̾ gebvrt d̾ marter d̾ ſigenvnfte·
zehelle vn̄ ǒch d̾ vrſtēde·
lob ſi dir geſeit· vō vns
d̾ lere vn̄ vfvart dines ſvns
lob ſi dir meit iem̾ mer an ende·
Ein bꝛv̄ne vs h̾zē grūde gat·
d̾ voꝛ d̾ heiſen helle vil manig ſele behvͤtet hat·
er dúzet in die hoͤhe ſich frewet ſin alles mēſchlich her·
ſin vn̄ die ſint ſinewel·
er flúſſet in d̾ rúwē pfat vn̄ iſt dvr ǒgē ſnel·
er iſt voꝛ criſtes mv̊t̾ noch bꝛeit dāne dc wilde leb̾mer·
ſw̾ nv welle w̾den ane ſúnde·
d̾ ſenke ī vaſte vn̄ habe ſin gv̊te kv́nde·
er loͤſchet ewekliches dúrſtē·
wāne er iſt lut̾ vn̄ clar·
ſwelh ſv́nd̾ in geleitē tar·
d̾ mag wol w̾den zeime himel fúrſtē·
Gelobt bis mv̊t̾ reinú meit·
gelobt ſo ſi din kúſche gelobt ſo ſi din ere bꝛeit·
gelobt ſo ſi din w̾der name gelobt ſo ſi din w̾der lib·
gelobt ſo ſi din vb̾gvͤte·
gelobt ſo ſi [337v] din tvgent dú alſ ein tǒwig roſe bluͤte·
an alle miſſewende des bis gelobt gelobt fúr ellú wib·
diſú lob ich frowe vō dir ſingē·
dv maht mich wol vō minē ſv́ndē bꝛīgē·
vn̄ mich zegv̊tē dingē kere·
dc mir dc beſte bi geſta·
vn̄ ich dime dienſte w̾de gra·
deſ hilf dv mir dvr dines kindes ere·
Von megēze wol nv́nh̾zig mā·
dc d̾ hat dꝛier fúrſtē ſedel da eniſt niht wūder an·
e doch ſo nimt mich wūd̾ dc er nv́nh̾zeklich kan gelebē·
mit eime libe ers alleſ tůt·
er hat ein adern niēder ſi ziehe vf kroneberndē mv̊t·
des hat ſin h̾ze ſinē libe ſine trúwe des gegebē·
dc er nach erē iem̾ fúrwert kriege·
vn̄ dc ſin lib ſin lebē des niht triege·
dc wil ich ane zwifel laze·
im iſt nah eren alſo ger·
dc nie eime hvng̾ gitig ber·
ſo not enwart nach ſvͤſſes honeges raze·
Maria iſt ein ſvͤſſer name·
ſo ſeldēfrúhtig vn̄ ſo rehte wūneſame·
zv̊ dē ſvln wir gedīgen an dē lit vnſer ſeldē hoh gewin·
der erſte bv̊chſtab iſt genant·
ein ·M· da vō vns ſchu dehaftē weſē ſol bekant·
dc ſi mediat́x heiſſet dc ſpꝛicht entútſchē ſi iſt ein ſvͤnerin·
ir milte ſvͤnet vns vil māge ſchulde·
ir gvͤte iſt aller gvͤte ein vb̾gulde·
ſi machet ir kindes zoꝛn vns linde·
vn̄ git vúr ſv́nde gv̊tē rat·
ſi tilget vnſer miſſetat·
deſ lobē wir die mv̊t̾ mit dē kinde·
Was nv d̾ and̾ búchſtab ſi·
ein ·a· auxiliat́x iſt da betútet bi·
helferin genēnet ir helfe ſvln wir gemeine nemē war·
mit wiſer voꝛbedehtkeit·
wart ir d̾ name gefoꝛmet vn̄ voꝛ manig̾ ſtunt bereit·
von dē den ſi zetroſte d̾ criſtēheit an diſe w̾lt gebar·
er was ir kint ir vat̾ ir ſchepfere·
wol dē wūder die d̾ wūd̾ere·
gewūd̾t hat an d̾ vil ſuͤſſen·
ſit er kan kint vn̄ vater ſin·
dc wūder tůt vns helfe ſchin·
ſi helferin ſi kan wol helflich gruͤſſen·
Der dꝛitte ſol ein ·r· ſin·
dc ſprichet repat́x ſiſt ein wid̾ bꝛīgerin·
vil maniger armē ſele dú and̾s w̾e v̾loꝛn iem̾ me·
ir wid̾bꝛingē wc ſo ſtark·
dc ſich dú clarú gocheit ī ir kúſchen libe barg·
da mit ſi vns wid̾ brahte ī mēſchliche bilde vs iam̾b̾ndem we·
ſw̾ ir des wid̾bꝛingēs nv gedenket·
vn̄ ir mit h̾zen trehē wīd̾ ſchēket·
vs rúwigē h̾zen dc ſint ſīne·
ſi wid̾ bꝛīget lúte vil·
ſw̾ im vn̄ ir getruwen wil·
er mehtig kúnig ſi mehtig kúnigine·
Der vierde ein ·J· geheiſſē iſt·
dc ſpꝛichet illumīat́x dv vil ſeldēriche biſt erlúhterin genēnet·
nie rein̾ name vō vꝛowen wart geleſen·
din lib bꝛaht vns deſ liehteſ ſchin·
din ſvn vns loſte vō d̾ vinſt̾niſſe pin·
da wir ane wūne vn̄ ane ende mvͤſten ſin geweſē·
alſo durh lúhtig ſo was din gemvͤte·
dc gotes geiſt vs dinē h̾zen blvͤte·
nv erlúhte ǒch vnſer truͤbes h̾zē·
dc wir ī dem gelǒben vꝛi·
durh ſine ſvͤſſē namē dꝛi·
behvͤte er vns voꝛ eweclichē ſm̾zen·
Der fúnfte vn̄ ǒch d ivngeſte wol·
vō ſchulde ein a adiut́x mā ſi heiſſen ſol·
ſchirm̾in genēnet ein helferin vúr endeloſe not·
maria mv̊t̾ reinú meit·
ein ſchirm voꝛ ſv́ndē w̾kē vō dir ein ſchirmē iſt vns bereit·
er helfer ſiner weiſen dú helferin fúr iam̾b̾nden tot·
nim vns hilf vns bꝛinge vns vō dē blike·
erledege vn̄ erloͤſe vns voꝛ dē ſchꝛike·
dē wir han zv̊ dines kindes gerihte·
ſw̾ da voꝛ vrteile wirt ernert·
d̾ iſt gāzer froͤidē vnv̾h̾t·
got vns gew̾ der ſelben zvoverſihte·
Dis iſt in vꝛon eren done·
Unſtetú welt nv ſage mir·
wie iſt der lon geſchaffen des wir wartē ſuln vō dir·
ſo wir von hinnā ſcheidē· ich wēne es iſt niht anders wā la varn·
dv volgeſt vns biſ zv̊ dem grabe·
da haſt dv eine kleine wile nach vns din vngehabe·
da mit iſt es ein ende· got rv̊che doꝛt die ſele wol bewarn·
ſus iſt din ende vn̄ ǒch din lon geſchaffen·
dar an gedenkē leijen vn̄ pfaffen·
nach frúndes tode iſt frúnt ſeltzene·
frvnt volget vꝛúnde ans grabes toꝛ·
frúnt leit man in frúnt ſtet hie voꝛ·
ſus mv̊ſſens alle erſterben des ich wene·
Anmerkungen (Wikisource)
- ↑ Vorlage: einē woꝛte einem woꝛte.
- ↑ Vorlage: vn̄ vn̄.
- ↑ Vorlage: ſebē.
- ↑ Vorlage: gefomet.
- ↑ Vorlage: ſi.
- ↑ Vorlage: v̾keit.
- ↑ Vorlage: ſchame.
- ↑ Vorlage: wibe.
- ↑ Vorlage: mīkliche.
- ↑ Vorlage: ertrank.
- ↑ Vorlage: ich ich.
- ↑ Vorlage: dc ſi got dc ſi got.
- ↑ Vorlage: ſaſte.
- ↑ Vorlage: eren.
- ↑ Vorlage: eſerie.
- ↑ Vorlage: erē.
- ↑ Vorlage: einē einē.
- ↑ Vorlage: ivgende.
- ↑ Vorlage: kleide.
- ↑ Vorlage: viſſche.
- ↑ Vorlage: blindet.
- ↑ Vorlage: ſine.
- ↑ Vorlage: in in.
- ↑ Vorlage: in.