Ich ſolt aber ſingen vō den roſen rot
[387r]
Ich ſolt aber ſingen vō den roſen rot·
vn̄ des meien guͤte·
der mit ſiner blvͤte· zieret wilden hag·
nv wil mich betwingen des ein ander not·
dc ich mit gedoͤne·
liehte blv̊mē ſchoͤne· niht geṕſen mag·
ich mv̊s ſtrafen die v̾ſchamtē richē tugendeloſen·
die ſich in der ſchande kloſen· hāt getan·
ich enwil niht koſen·
húre vō dē roſen vf dem[WS 1] gruͤnen plan·
Vs dem beſtē wine ſcharpfer eſſich wirt·
ſwēne er ſich v̾keret·
dv́ biſchaft mich leret· dc ich wirde ſvr·
ſwie gv̊t ich erſchine min gemvͤte girt
doch in argem willē·
h̾ren kan ich villen· ſam d̾ wilde ſchur·
bǒme velwet vn̄ ſi betruͤbet ir genúhte·
io wiſe ich vō eren frúhte kargē man·
zv̊ der ſchanden[WS 2] ſúhte·
ſit ich miner zúhte niht genieſſen kan·
Gernder man die kleinē gabe ſchelte niht·
die der milte biete·
der vil groſſer miete· niht zegeben hat·
ſwer zerbꝛichet einen ſpiegel der geſiht·
in de ſtúkelinen·
ganze bilde ſchinē ſvs wirt vollú tat·
in der kleinen gabe erkant die vō dem gůte ſpaltet·
des ein notig h̾re waltet· ganzen ſchin·
meſlich gelt behaltet·
dc durh ere valtet ſich in ſtúkelin·