Ich vn̄ ein wib haben geſtritten

aus Wikisource, der freien Quellensammlung
Textdaten
Autor: Der von Johansdorf
Illustrator: {{{ILLUSTRATOR}}}
Titel: Ich vn̄ ein wib haben geſtritten
Untertitel:
aus: UB Heidelberg 180r
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
In Originallettern. Vergleiche auch Ich vnd ein wib haben gestritten mit aufgelösten Lettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[180r]

Ich vn̄ ein wib haben geſtritten·
nv vil manige zit·
ich han von ir zoꝛne leideſ vil erlitten·
noch haltet ſi den ſtrit·
ſi wenet des dvr dc ich var·
ich laſſe ſi noch fri·
got voꝛ der helle niem̾ mich bewar·
ob dc min wille ſi·
ſwie ſere dc mer vn̄ ǒch die ſtarken únde toben·
ich wil ſi niem̾ da v̾loben·
der donrſlege moͤhte aber lihte ſin·
dvr die ſi mich lieſſe·
nv ſpꝛechet[WS 1] weſ ſi wider mich genieſſe·
ſi kvmt mir niem̾ me vs dem herzen min·

Swer mīne mīnekliche treit·
gar ane valſchē mv̊t·
des ſv́nde wirt voꝛ gotte niht geſeit·
ſi túret vn̄ iſt gv̊t·
wan ſol miden boͤſen kranc·
vn̄ mīnen reinú wib·
tůt ers mit trúwē ſo habe iemer danc·
ſin tugentlicher lib·
kvnder ſi ze rehte beidiv ſich bewarn·
fúr die wil ich zehelle varn·
die aber mit liſtē wellēt ſin·
fúr die wil ich niht vallē·
ich meine die da minnent ane gallen·
als ich mit trúwē tůn die liebē frowen min·

Swie gerne ich var doch iamert mich·
wie es nv hie geſte·
ich weiſ wol eſ v́keret alleſ ſich·
dú ſoꝛge tůt mir we·
die ich hie laſſe wol geſvnt·
d̾ vinde ich aller niht·
ſwer leben ſol dem wirt menig wunder kvnt·
dc alle tage geſchiht·
wir haben in einem iare· d̾ lúte vil v̾loꝛn·
an den man ſiht den goteſ zoꝛn·
nv erkēne ſich ein ieglich h̾ze gůt·
dú welt iſt niemen ſtete·
vn̄ wil doch das man minne ir velſchē rete·
nv ſiht man wol ir lon wie ſi an dem ende tůt·

Anmerkungen (Wikisource)

  1. Vorlage: ſpꝛechēt.