Ich was fro vn̄ bin dc vnz an minē tot

Si iehent der ſvmer d̾ ſi hie·
dú wūne dú ſi komē·
vn̄ das ich mich wol gehabe als îe·
nv ratent vn̄ ſpꝛechēt wie·
der tot hat mir benomē
dc ich niem̾ vberwinde me·
Was bedarf ich wūneklicher zit·
ſit all̾ froͤiden herre livpolt in der erde lit·
dē ich nie tag getrurē ſach·
es hat dú w̾lt an im v̾loꝛn
das ir an einē māne nie ſo iemerlich̾ ſchade geſchach·

Mir armē wibe was ze wol·
do ich gedahte an in·
vn̄ wie min teil an ſinē libe lac·
das ich des nv niht haben ſol·
des gât mit ſoꝛgē hin·
ſwas ich iemerme geleben mac·
miner wunnē ſpiegel der iſt v̾loꝛn·
dē ich mir hete ze ſvmerlicher ǒgenweide erkoꝛn·
des mv̊s ich leider enic ſin·
do man mir ſeite er were tot
ze hant viel mir der mv̊t vō dem h̾zen vf die ſele min·