Ich wil allen lúten

Ich wil allen lúten· betúten· mis herzen klage·
vnd wie grossen kvmber ich tvmber nv trage·
wie mich sorge twinget· vnd singet doch mir der lip·
seht dc mv̊s ich liden· dvrh miden ein wib·
des mv̊s ich den iamerschriken
leider vndertenig sin·
ich lige in ir minnen striken^{[WS 1]}
dc ist an mir worden schin·
si kan senden smerzen vs herzen vertriben wol·
rose ob allen wiben man si nennen sol·

Wa ist nv dú schoͤne· ich doͤne· vnd nige ir gar·
ich wil aber gruͤzen die súͤzen· nemet war·
schone mit gesange· swie lange ich ir froͤmde si·
doch so hat ir ivgende· vil tvgende da bi·
hat si gvte^{[WS 2]} ein michel wunder
in den herzen zaller stvnt^{[WS 3]}
vnd si doch vor vs besvnder
mir dc herze hat verwunt·
Si kan senden smerzen vs herzen vertriben wol·
rose ob allen wiben man si nennen sol·^{[WS 4]}

Wenne svn ir ǒgen· mir tǒgen ze blike varn·
ḍvnd dú svͤze ivnge· mir swunge den arn·
vnd mich vmbevienge^{[WS 5]}· so gienge mir sorge hin·
seht so wolt ich scheiden von leiden den sin·
wafena der lieben stvnde·
wenne sol ich die geleben·
dc ich von ir rotem mvnde·
solte ein lieblich kússen nemen·
Si kan senden smerzen vs herzen vertriben wol·
rose ob allen wiben man si nennen sol·^{[WS 6]}

Anmerkungen (Wikisource)

1. Vorlage: ſtrike.
2. Vorlage: gv̊te.
3. Vorlage: ſtvnde.
4. Vorlage: Si kan ſenden· ⁊c̾·
5. Vorlage: vnbevienge.
6. Vorlage: Si kan·