Ich wil alles gahen

aus Wikisource, der freien Quellensammlung
Zur Navigation springen Zur Suche springen
Textdaten
Autor: Reinmar der Alte
Illustrator: {{{ILLUSTRATOR}}}
Titel: Ich wil alles gahen
Untertitel:
aus: UB Heidelberg 101v
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
Mit aufgelösten Lettern. Vergleiche auch Ich wil alles gahē in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[101v]

ICh wil alles gahen·
zv̊ der liebe die ich han·
so ist es niender nahen·
das sich ende noh min wan·
doch versv̊che ichs alle tage·
vnd gediene ir so dc si an ir danc mit froͤiden mv̊s erwenden kvmber den ich trage·

Mich betwanc ein mere·
dc ich von ir horte sagen·
wie si ein frowe were·
dú sich schone kvnde tragen·
das versv̊che ich vnd ist war·
ir kvnde nie kein wib geschaden dc ist wol kleine so gros als vmb ein har·

Swas in allen landen·
mir ze liebe mac beschehen·
dc stat in ir handen·
anders nieman wil ichs veriehen·
si ist min osterlicher tac·
vnd han si in minem herzen lieb dc weis er wol dem ich niht geliegen mac·

Si hat leider selten·
mine klagende rede vernomen·
des mv̊s ich engelten·
nie kvnde ich ir naher komen·
meniger zv̊ den frǒwen gât·
vnd swiget allen einen tac· vnd anders nieman sinen willen reden lât·

Nieman im es vervienge·
zeiner grôssen missetat·
ob er dannen gienge·
da er niht ze tůnne hat·
spreche als ein gewissen man·
gebietet ir an mine stat dc were ein zuht vnd stvͤnde im lobelichen an·