Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[146v]
Ich wil d̾ liebē ab̾ ſingē·
d̾ ich ie mit trúwē ſang·
vf genade vn̄ vf gedingē·
dc mir trurē w̾de krank·
bi d̾ ich alſo ſchone·
an eime tanze gie·
ir zeme wol dú krone·
ſo ſchone wib wart nie·
Elle vn̄ elſe tāzent wol·
des mā in beidē dākē ſol·
INe geſach ſo tugentriche·
frǒwē nie deſ mv̊s ich iehē·
noh ſo rehte mīnekliche·
ſwc ich frowē han geſehē·
deſ iſt ſi voꝛ ī allen·
gewaltig iem̾ min·
ſi mv̊s mir wol gevallē·
ſi ſvͤzer ſeldē ſchꝛin·
Elle vn̄ elſe tāzent wol·
des mā in beidē dākē ſol·[WS 1]
Selig ſi dú ſvͤze reine·
ſelig ſi ir roter mvnt·
ſelig ſi die ich da meine·
ſelig ſi ſo ſvͤzer funt·
ſelig ſi dv́ ſvͤze ſtunde·
ſelig ſi dc ich ſi erſach·
ſelig ſi do ſi mich [147r] bvnde·
dú bant ſi noh nie zerbꝛach·
Elle vn̄ elſe tāzent wol·
des mā in beidē dākē ſol·[WS 2]
