Ich wil vō d̾ mīneklichē

ICh wil vō d̾ mīneklichē·
mīneklichú mêre ſagē·
ir pꝛis kan ſo hohe ſtrichē·
vn̄ vnṕs ſo gar v̾iagē·
ſoſt ir ſchoͤne als vs geſvnd̾t·
ſwer ſi ſiht dc den des wūd̾t·
wie ſis eine mvge getragē·

Schoͤne an libe vn̄ ǒch an mv̊te·
deſ dú meiſte volge ie iach·
iſt dv́ mīnekliche gůte·
miſſewēde vō ir ſpꝛach·
dc ir teil da niht enwere·
dc wer ir vō h̾zē ſw̾e·
wanſ ir ſelten me beſchach·

IN ir h̾zen ſelde entſpꝛinget·
dú d̾ w̾lte vꝛoͤide git·
ſvͤz ir helles lob erklinget·
irdeſch wūſch gar an ir lit·
kvndē vogel rehte ſchowē·
ſo lobtēt ſie ſi ze frowē·
fúr die liehten ſvmer zit·^{[WS 1]}

Anmerkungen (Wikisource)

1. Nach van der Hagen gehören die Strophen 32 und 33 zu den letzten Strophen dieses Liedes.