Jch clage dir meie ich clage dir ſum̾ wūne

Jch clage dir meie ich clage dir ſum̾ wūne·
ich klage dir liehtú heide bꝛeit·
ich clage dir ǒgebꝛehend̾ kle·
ich clage^{[WS 1]} dir gruͤn̾ walt ich klage dir ſvnne·
ich klage dir venꝰ ſendú leit·
dc mir dú liebe tv̊t ſo we·
welt ir mir helfē pflihtē·
ſo truwe ich dc dú liebe mvͤſſe rihtē·
ſich vf ein mīnekliches weſē·
nv lat ú ſin gekúndet minē kvmb̾·
dur got vn̄ helfēt mir geneſen·

Was tůt ſi dir la hoͤꝛē vns die ſchulde·
dc ane ſache ir iht geſche·
vō vns wā das iſt wiſer ſin·
in liebē wane hab ich wol ir hulde·
wāne aber ich fúr bas ihtes ie·
ſi giht ich ſt̾be ê ſolh gewin·
mir vō ir w̾de zeteile·
dc iſt ein tot mīneklichē heile·
o we dc ich ſi ie geſach·
dú mir ī h̾ze lieber liebe reichet
ſo bitterliches vngemach·

Jch meie wil dien blv̊mē min v̾bietē·
dien roſē rot dien liliē wis·
dc ſú ſich voꝛ ir ſlieſſē zv̊·
ſo wil ich ſvmer wūne mich des nietē·
der kleinē vogelin ſuͤſſer flis·
dc d̾ gegē ir eī ſwigē tv̊·
ich heide bꝛeit wil vahē
ſi ſwēne ſi wil nah glanzē blv̊mē gahē·
vf mich wil ſi haltē dir·
nv ſi vns vō ir wider ſeit der gůtē·
ſvs mv̊s ſi ſin genedig mir·

 Ich bꝛehēder kle wil dich mit ſchine rechen·
ſwēne ſi mich an mit ǒgē ſiht·
dc ſi voꝛ glaſte ſchilhen mv̊s·
ich gruͤner walt wil abe min loͤiber bꝛechē·
hat ſi bi mir zeſchaffēne iht·
ſi gebe dir dāne holdē grůs·
ich ſvnne wil dur hitzen
ir h̾ze ir mv̊t kein ſchattehv̊t vúr ſwitzen·
mag ir gen mir gehelfē niht·
ſi welle dinē ſendē kumb̾ ſwēden
mit h̾zelieb̾ liebe geſchiht·

Jch venꝰ wil ir alles dc erleidē·
ſwas mīneklich geſchaffē iſt·
tv̊t ſi dir niht genadē rat·
owe ſol mā ſi vō wūnē ſcheidē·
e· wolde ich ſt̾ben ſvnd̾ friſt·
ſwie gar ſi mich betruͤbet hat·
wilt dv dich rechē lâſſē·
ich ſchaffe dc ir aller froͤidē ſtrâſſen·
ir wider ſpenig mv̊ſſē weſē·
ir zarter lip der moͤht es niht erlidē
lāt mich e ſt̾ben ſi geneſen·

Anmerkungen (Wikisource)

1. Vorlage: iclage.