Kvnde ich geloben die frowē min (Mit originalen Lettern)

Kvnde ich geloben die frowē min
als ich entſtan·
ze rehte wol
mit trúwen ich dc tete·
der ich mv̊s iemer mere ſin·
gar vndertan·
min herze ſol·
ir tragen wernde ſtete·

Ob ich ſi niht geloben kan·
ſo wiſſent doch·
das die dir ſint·
vō troie vntz vf die ſone·
niender fvnden einen man·
der ſpꝛeche noch·
[ie] ſach ein kint·
dc lebt wol alſ ſchone

ſolde ich der frowē haben wal·
der leben ſtat·
vf hohen pꝛis·
fúr miner frowē minne·
vō Maggvn vnz ze poꝛtegal·
mins h̾zen rat·
wer ir amis·
von der ich lones ſinne·

Was ſchate mir ein ſwacher nit·
ob mir dú ſchone gvnde·
dc ich ir diende zaller zit·
ſo vil ich danne kvnde·
was leiden mannes w̾e dc·
der mir der ſelde erbvnde·
ob ich erwurbe ane ir has·
dc ich genade fvnde·

Es iſt ein reiner ſitte gv̊t·
an frowē dc·
ſi minnent ie·
gar ane ſtrit·
mit ſtetem mv̊te ſtent in ir gebande·
dar vf ſo húget min hoher mv̊t·
wande ich vergas·
der gv̊ten nie·
ze keiner zit·
ſit dem tage dc man ſi genande·

wil ſi mir deſ gelǒben niet·
dc ich ir bin·
vn̄ lange was·
gar vndertan·
ê ich ſi durh der ǒgen ſchin erkande·
vn̄ ich mich nie vō ir geſchiet·
vn̄ ie min ſin·
ir tvgende las·
vf gv̊ten wan·
des ſetze ich ir dc herze min ze pfande·

dc mir nie wib ſo nahen kan·
vn̄ niemer ſol·
ſwie verre ich ſi·
ſo wiſſent dc·
die mine ſinne ſtent [al] in dem lande·
da ich ir kv́nde alrerſt gewan·
mir tete wol·
mohte ich ir bi·
getweln [noch] bas·
mit ſteteclicher fůge vn̄ âne ir ſchande·

So nême ich fúr der vogelin ſang·
der wol getânen mīne·
ſwie doch der nahtegalen klang·
mir troͤſten mine ſinne·
Vil dike ſo der min gedāk·
mit ſoꝛgē lebt her inne·
ſi machet mir dc leben kranc·
mins h̾zen kv́niginne·

Sin enpflege mâſſe·
vō der ſtrâſſe·
mv̊s ich vf den ſmalen pfat·
da ſpꝛichet mir dú soꝛge mat·
ſo mv̊s ich froͤide miden·
vn̄ groſſen kvmber liden·

ob ich mit ſtete·
gv̊t gerete·
niht an ir erwerben kan·
ſo heiſſe ich niht ein ſelig man·
ſi pfliget ſo vil der guͤte·
da von dc min gemvͤte·

dike ſinget·
vn̄ ſpꝛinget·
vf genedeklichen wan·
ſi iſt ſo rehte wol getan·
dc nieman ſi enſehe·
wan der vō ſchulden iehe·

der alſo were·
dc er ſwere·
wolde liden dur ein kint·
der were an beiden ougen blint·
wolde er ſi niht enminnē·
von allen ſinen ſinnen·

vf auētúre·
ich diene ir húre·
ſeht dar zv̊ wol zwenzig iar·
dc ich ſo grôs als vmbe ein har·
ir kvnde nie genieſſen·
es mvͤſe ſi verdrieſſen·
Ovidis der wiſe man·
do der von erſt minnē pflag·
do kunte er vns den ſinen ban·
ob ſi die naht ald[er] den tag·

dekeiner lib·
man alder wib·
die minne vnrehte pflegen·
der nider^{[WS 1]} ſchar·
die nemens war·
dc die voꝛ kilchen legen·

der blůmen ſchin·
ſol iemer ſin·
von ir gewalt geſcheiden·
div heide bꝛeit·
ſi vnbereit·
den kargen vn̄ den leiden·

Mir tv̊t der kumb̾ niht zewe·
den ich mv̊s von in liden·
da vō ſi tetenſ deſte me·
bete ich ſis gar v̾miden·

min reht iſt dc ich vō in dulde·
kvmb̾ vn̄ has·
die mir miner vꝛowen hulde·
erbvnden ane was·
wanden ſi dc ich ins gvlde·
ſi heten mich bas·
gar ane alle mine ſchvlde·
ſo nident ſi das·

ob mir geſchehe·
das ich ſehe·
ein wib der ich bin vndertan·
vn̄ ie was ane valſchen wan·
dc ſi mich vmbe viengen·
der die dar vmbe hienge·

die gv̊ten lúten·
wendent trúten·
da es nieman ſcheiden ſol·
dc kvnde ich v̾tragen wol·
ich bin in niht geminne·
ſwas ich da vō gewinne·

Soꝛgen bv̊s·
tete ein grůs·
ſchone mir·
der vō ir·
keme ſo·
were ich vꝛo·
verre bas·
tete das·
danne ein wib·
minen lib·
hete w̾t·
bas gewert·
wer ich hie·
darnach ie·
min gedank·
ane wanc·
ſtete pflag·
vnz ich mag·
alder kan·
ſele han·
ſo mv̊s dc h̾ze min·
ir iemer ſtete ſin·
vf dē wan·
wande ich han·
mich gar an ſi v̾lan·

Nv nimt genv̊ge wnder·
dc ich ſo groſſen kv̄ber klage·
vn̄ ie doch darvnder·
ein ſo hoh gemvͤte trage·
da han ich gv̊t gedinge·
dc ſi mir liebes ende gebe·
dar nach ich iemer ringe·
dc wiſſent al die wile ich lebe·

Anmerkungen (Wikisource)

1. Vorlage: niden.