Man ſol hoͤꝛen ſuͤſſes ſingē in dien ǒwen vb̾al
[47r]
Man ſol hoͤꝛen ſuͤſſes ſingē in dien ǒwen vb̾al
lobelichen ſang erklingē·
ſvnd̾ vō der nahtegal ſchowēt vf den anger bꝛeit·
vn̄ ǒch an d̾ liehtē heide·
wie ſchone ſi ſich mit ir kleide
gen dem meien hat bekleit·
Manig̾ hande bluͤmelin·
lachēt vs des meiē tǒwe·
gen der liehtē ſvnnē ſchin·
dú zit iſt in w̾der ſchǒwe·
was ſol troͤſtē mir dē můt·
ſit mich twinget h̾zen ſw̾e·
bi der ich vil g̾ne were
dc dú mir niht gnade tůt·
Ach vil mīneklichú guͤte·
enbinde mich von ſender not·
la mich niht vs din hůte·
ald ich bin an froͤidē tot· ich ſol diner helfe gern
last dv min h̾ze vs din̾ pfliht·
ſo kan mich getroͤſten niht·
dvn welleſt mich genade w̾n·
Gewalt noh māgem angeſiget·
dc hoͤꝛet mā die wiſen iehē·
da mā genade niht enpfliget·
dc ſolm an min̾ frowē ſpehē
dú iſt gar gewaltig min· an genade dú vil gůte·
lat mich trurē ī vnmv̊tē
mv̊s ich an min ēde ſī·
Mīne dv ſolt ſin gemeine·
ald ich bin an froͤidē tot·
fuͤge dc mich lieplich meine·
der vil liebvn múndel rot· ſit du biſt gewaltig min·
vn̄ leiteſt mine ſīne·
ſwie dv wilt ach w̾div mīne·
ſo ſolt ǒch ir gewaltig ſin·