Meie den gruͤnē walt

Meie den gruͤnē walt·
hat bekleit·
gar mit ſiner guͤte·
daſt wol ſchin·
zweie^{[WS 1]} ſich ivng vn̄ alt·
ane leit·
vſ des bǒme bluͤte·
div vogellin·
ſingent ſv̊ſſen ſvm̾ſank·
da bi ſiht man wunne me·
blv̊mē rot gel vn̄ blanc·
dꝛingēt^{[WS 2]} in tǒwe durh den gruͤnen kle·
Der meie machet· hohē mv̊t·
da bi trurē ſwachet dú mīne gůt·

Hoͤne der wint̾ wc·
liebē kint·
nv ſiht man die heide·
geblvͤmet wol·
ſchoͤne lǒb vn̄ gras·
woꝛdē ſint·
nieman ſich mit leide·
nv bindē ſol·
wūneklicher varwe ſchin·
Hat dc velt^{[WS 3]} an ſich geleit·
ſwer mit zúhten froͤlich ſin·
kv̄ne der ſi der lieben zuht gemeit·
Der meie machet· hohē mv̊t·
da bi trurē ſwachet dú mīne gůt·^{[WS 4]}

Geilen ſich w̾de man·
vn̄ wib·
mīne iſt ivngen lútē·
fúr trurē gůt·
heilen ir helfe kan·
wundē lib·
h̾zeklicheſ trúten·
ſanfte tůt·
mīne zwein gelieben git·
ſvͤſſen wūneklichē rat·
ſo der walt gezieret lit·
inne mit lǒbe vn̄ er^{[WS 5]} vil ſanges hat·
Der meie machet· hohē mv̊t·
da bi trurē ſwachet dú mīne gůt·^{[WS 6]}

Anmerkungen (Wikisource)

1. Vorlage: zweiē.
2. Vorlage: dꝛingē.
3. Vorlage: dc.
4. Vorlage: Der meie machet·
5. Vorlage: ir.
6. Vorlage: Der meie ⁊c̾·