Meije in blvͤt ſtat

Meije in blvͤt ſtat·
d̾ walt ſich hat·
ab̾ gegerwet
geverwet wol· gen d̾ wunnebernder ſvm̾zit·
ſecht ſich verwet me·
gras vn̄ klê·
ein lieblich blv̊me·
nach růme gar verwet ſich ir blvͤte ane ſtrit·
Meije vns froͤiden git
heide lit·
wunnēklich ge glêntzet v̾ber al·
man hoͤꝛt vogellin ſingen ir ſvͤſſen ſchal·
des ſint hoch gemv̊t
wip dv́ froͤwent bas dann alles des meijen blv̊t·

Reinr wip grůs·
tůt ſoꝛgen bv̊s·
ir lieplich lachen
ver ſwachen kan· mangen ſenden kvmb̾ mit lieber tat·
wol das wip dv́ hat
eren rât·
in ir herz geſenket· ſo wol ir gar·
reins wibes guͤte tůt ſoꝛgē bar·
des ſint hoch gemv̊t
wip dv́ froͤwent bas dann alles des meijen blv̊t·^{[WS 1]}

Roſt das vſen zêrt^{[WS 2]}·
ſvs vnd̾ wêrt·
zert wibeſ minne
die ſinne gar an vil mangem manne venus din rob·
der iſt manicualt·
gar vngezalt·
ſint dinv́ wund̾·
beſund̾ gar· dv legſt manges ſchallen ſam waſſer ſtǒp·
miltǒ grvͤnes lob
macht tǒb
ſuſt tǒbet dv́ mīne mangen man·
doch niemā ir guͤte vol ſchriben kan·
des ſint hoch gemv̊t
wip dv́ froͤwent bas dann alles des meijen blv̊t·^{[WS 3]}

Anmerkungen (Wikisource)

1. Vorlage: des ſint hoch· ⁊c̾·
2. Vorlage: zêret.
3. Vorlage: des ſint hoch· ⁊c̾·