Nv her ob iemā kan v̾neme

NV her ob iemā kan v̾neme^{[WS 1]}·
des ich vō mīne kv́ndē wil·
ob iv dú rede niht gar enzeme·
v̾drîeſe úch leget mir ein zil·
fúr dc en ſpꝛiche ich niht me·
ſwer mich dar an bedenke
d̾ wille^{[WS 2]} mvz an wūſch erge·
eſ nahet dē tage·
ſwa ſich zwei liebe ſcheidē·
die habē h̾zeleide klage·

Eſ warb ein ritt̾ lange zit·
vmbe eine frowē vil gemeit·
doch wart^{[WS 3]} v̾endet wol ſin ſtrit·
ſi galt im al ſin arbeit·
vil wol nach ſiner ger^{[WS 4]}·
ſi beſchiet im tǒgēliche
da ſin deſ lones wolde w̾^{[WS 5]}·
Es nahet nahet dē tage·
ſwa ſich zwei liebe ſcheidē·
die habē h̾zeleide klage·^{[WS 6]}

Dú ſchone frowe kom gegan·
da ſi dē ſelbē ritt̾ vant·
er wande ſi ze ſich gevan·
in dvhte er were al da· vol ant·
in deſ hv̊b ſich ein dôs·
dc ſi ſich mv̊ſtē ſcheiden
deſ wart ir beid̾ leit gros·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 7]}

Si warē beide enzúndet gar·
d̾ ritt̾ vn̄ dú frowe her·
deſ nā dú mīne gv̊te war·
ſi enlies ſi lang̾ beitē mer^{[WS 8]}·
ſi ſchv̊f vil ſchiere alſo·
dc ſi aber zv̊ ein and̾ kamē·
vn̄ wurdē wol nah leide vꝛo·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 9]}

Do alle ir wille wol ergiēg·
mit liebē w̾ken da zeſtvnt·
die frowē er zv̊ ſich gevieng·
er kvſtes an ir ſvͤſſē mv̄t·
er ſwůr vil túre hie·
im wurde nie ſo liebe ſit dc in got zer w̾lde lie·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 10]}

Nach d̾ vil grôzen liebe kam·
im ein vnſēftes vngemach·
dc im d̾ mīne ein teil benam·
d̾ liebē frowē er v̾iach·
er ſpꝛach vil ſchone wib·
dc wir vns mv̊ſſē ſcheidē
des lit gar vꝛoͤideloſ min lib·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 11]}

Dú mīnekliche frowe ſpꝛach·
froͤi dich trut geſelle min·
ſit dir ſo liebe nie geſchach·
ſo her ze mir nv bin ich din·
ich han dich vmbe van·
nv wis in hohem mv̊te
io iſt al din wille an mir ergan·
Es nahet dē tage·
ſwa ſich zwei liebe ſcheidē·
die habē h̾zeleide klage··^{[WS 12]}

Der ritt̾ gůt ſpꝛach do hin zir·
genade frowe kv́nigin·
dv haſt ſo wol gelonet mir·
dc dir iem̾ ſol dc h̾ze min·
gelichē willē tragē·
als min ſelbes libe
vúr war v̾nim wc ich dir ſage·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 13]}

ICh ſol dir ſpꝛach dú frowe her·
getruwē all̾ ſtetekeit·
nv tů dur mich ein lútzel mer·
dc dv v̾mideſt ſendú leit·
ob ich dir mere bin·
dvne leiſtes mine lere·
ſo iſt vnſer zweier liebe hin·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 14]}

O wie moht ich leiſtē dinú woꝛt·
dú dv mir voꝛ gezelt haſt·
d̾ liebe vunde nie mir voꝛ gezelt haſt·
d̾ liebe vunde niemā oꝛt·
wie nahe dv mir zeh̾zē gaſt·
da vō ich groſſē kvmb̾ dol·
ſwēne ich mich vō dir ſcheide
deſ ich vō ſchuldē trurē ſol·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 15]}

Do^{[WS 16]} ſpꝛach dc wūnekliche wib·
nvn trvre niht dc iſt min rat·
wiltv v̾lieſen ſo dē lib·
dc iſt vn vꝛumes mānes tât·
dv ſolt gedvldig ſi·
ſwer mīnet ane maze
dan iſt niht gv̊t̾ ſinne bi·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 17]}

Swer ſich an liebe mazē kan·
d̾ hat mir vngeliches lebē·
ia twīget mich vil ſendē man·
dú mīne dc ich mv̊s begebē·
die w̾lt ī kurzē tagē·
nach dinē ſvͤſſen libe
maht dv dc frowe an mir v̾dagē·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 18]}

Wie moͤht ich lengē bas din lebē·
nv tůn ich alles dc ich ſol·
mich ſelbē han ich dir gegebē·
ſo wād ich dir geſenfte wol·
nv ſpꝛich wc wiltv me·
mag ich dir dc gewinnē
dar an ſol al din wille ergan·
Es nahet·^{[WS 19]}

Min ſoꝛge ſwachet mir dē ſin·
des mv̊s ich ī den rúwē ſîn·
ſwen ich ſo lāge vō dir bin·
dc dv v̾giſſeſt frowe min·
des mv̊s ich kvmb̾ tragē·
...
das iſt min aller meiſte klagē·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 20]}

NV hoͤꝛet wie d̾ frowē gv̊t·
des heldes clage zeh̾zen gie·
ſi dahte ſenftē im den mv̊t·
mit armen ſin zeſich gevie·
ſi kvſt in ane zal·
ſi ſpꝛach gezogēlichē
nv haſtv gv̊ter mīne wal·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 21]}

Do ſpꝛach d̾ ritt̾ vberlang·
nv hoͤꝛe h̾ze frowe mir·
ein ſw̾e tůt mich froͤide krāc·
ſo mir gedanke komēt vō dir·
vn̄ ich din niene han·
ſo get es an ein trurē
deſ mv̊ſ ich ſtete froͤide lan·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 22]}

Do ſpꝛach dú frowe wol getā·
d̾ ſoꝛgen ſolt dv weſen fri·
die wile ich mv̊t ze mīnen han·
ſo ſol mir iem̾ wonē bi·
gůt trutſchaft hin zedir·
vō h̾zeklicher liebe
des ſolt dv wol getruwē mir·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 23]}

So wol mich dc ich hā v̾nomē·
vō dir ſo wūneklichē troſt·
es ſol^{[WS 24]} mir al zeheile komē·
ich wird ab aller leide erloſt·
ſit ich gehoͤꝛet han·
vō dir ſo ſvͤſſe mere
deſ wil ich alles trurē lan·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 25]}

NV hoͤꝛet wie die liebē do·
ir leit v̾klagetē zehant·
ſi wurdē beide ein ander fro·
dú mīnē hēt an in geblant·
rúwe ſende not·
ſi ſpꝛach min trutgeſelle
vns mag niht ſcheiden wan der tot·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 26]}

Hie mvget ir m̾kē froͤmde zal·
wie liebe da mit liebe vaht·
e dan ſi ſchidē ab dē wal·
dc iam̾ ſwēdet in die naht·
da wc ſin vngemach·
er ſv́fte īneklichē
do er dē moꝛgē ſchinē ſach·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 27]}

Sw̾ ú vō ende ſolte ſage^{[WS 28]}·
wie dc in do dú mīne twang·
do er erſchꝛak vō dē tage·
es moht in dunkē al zelanc·
des wart ſin h̾ze ſer·
er ſpꝛach vil iem̾lichē
gebúte mir edelú frowe her·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 29]}

Dú ſchone frowe ſpꝛach alſo·
vil lieb̾ lib Nv wis geſvnt·
vil ſenftes mv̊tes vn̄ hoh·
ſi kvſten ſich zemaniger ſtunt·
er ſp̋ch trut froͤide min·
lieb vn̄ ere
heil ſelde mvͤſſe dir ſin·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 30]}

Svs endet ſich d̾ zweier ſtrit·
mit ſvͤſſen woꝛtē ane has·
ſwa lieb an liebeſ arme lit·
die ſvln iem̾ m̾ken das·
dc es an ein ſcheidē ge·
daſſ aber zeſamne denkē
wā after rúwe tv̊t vil we·
Es nahet dē tage·
ſwa ſich zwei liebe ſcheidē·
die habē h̾zeleide klage·^{[WS 31]}

Anmerkungen (Wikisource)

1. Vorlage: v̾nemē.
2. Vorlage: willē.
3. Vorlage: doch.
4. Vorlage: gern.
5. Vorlage: w̾n.
6. Vorlage: Es nahet dē tage·
7. Vorlage: Es nahet·
8. Vorlage: mere.
9. Vorlage: Es nahet·
10. Vorlage: Es nahet·
11. Vorlage: Es na·
12. Vorlage: Es nahet·
13. Vorlage: Es nahet·
14. Vorlage: Es nahet·
15. Vorlage: Es na·
16. Vorlage: Oo.
17. Vorlage: Es nahet·
18. Vorlage: Es nahet·
19. Vorlage: Es nahet·
20. Vorlage: Es nahet dem ta·
21. Vorlage: Es nahet·.
22. Vorlage: Es nahet·
23. Vorlage: Es na·
24. Vorlage: ſo.
25. Vorlage: Es nahet·
26. Vorlage: Es nahet·
27. Vorlage: Es nahet·
28. Vorlage: ſagē.
29. Vorlage: Es nahet·
30. Vorlage: Es nahet·
31. Vorlage: Es na·