Nv iarlang stet vil hoh min mv̊t· ich horte den svͤssen sang

Nv iarlang stet vil hoh min mv̊t· ich horte den svͤssen sang
von einer swalwen da si flǒg·
ir stimme dú was gv̊t·
vro maget het ich ivch in einem holz· dc neme ich vúr den kranz·
den ir zesamne hat gelesen· von maniger hande blv̊t·
knappe lat úwer wúnschen stan dú rede ist gar verlorn·
solde ich mit iv zeholze gan· mich steche lihte ein dorn·
so sluͤge mich dú mv̊ter min· dc wer mir lihte zorn·

Er nam si bi der wîssen hant er fůrte si in den walt·
da svngen kleine vogellin^{[WS 1]} ir stimme manigvalt·
vnder^{[WS 2]} eine gruͤne linden breit einen smalen stig
da wart dú maget vil gemeit· ein also schoͤne wib·
er leite si an dc schoͤne gras· die maget wol geborn·
in weis wc brieves er ir las· dc wc ir ein wening zorn·
dc wart schiere versvͤnet dc tet der liebe dorn·

Anmerkungen (Wikisource)

1. Vorlage: vogellú.
2. Vorlage: vn̄.