Richer got in welher mâſſe wirt ir grůs

Richer got in welher mâſſe wirt ir grůs·
ſwenne ich ſi ſihe die ich da mide manigē tac·
ſit der da heime wākes fúrhten mv̊s·
der doch ſin lieb zerehter zit gegruͤſſen mac·
da wil ich genieſſen ir beſcheidēheit·
vn̄ dc ſi vil wol wiſſe warvmbe ich ſi meit·
ſo tv̊t ſi wol vn̄ lit min troſt vil gar daran·
dc ſtete h̾ze an frúnde wēken niene kan·

Niemā lebt der ſinen frúnt ſo dike ſiht·
er mvͤſſe an in gedenkē ſvnder ſinē danc·
dc erzeiget h̾zeklicher liebe niht·
ſo iſt vnſer ſvmelich̾ beiten alzelanc·
dc ein wib ir ſtete an vns erzeigē mac·
gedenke ein frowe dc vnſtete ſi ein ſlac·
gewīne ich nach der langē froͤmde ſchonen grv̊s·
wie ſere ich^{[WS 1]} dc mit dienſte iem̾ me beſoꝛgē mv̊s·

Iſt es war als ich genv̊ge hoͤꝛe iehē·
dc loſen hin ze den wibē ſi der beſte rat·
we was heiles mac danne einē man geſchehen·
der dc vn̄ allen valſch dvrh ſine trúwe lat·
dc ſi vn̄ er vil ſtete ſin an reinē ſitte·
ia erwirbet er ein ſtetes heil da mitte·
ſo der vil gaheloſen gehes heil zergat·
dc er an der vil gaheloſen gehes fvnden hat·

Anmerkungen (Wikisource)

1. Vorlage: ich ich.