Schone dꝛingēt dur dc gras
[309r]
Schone dꝛingēt dur dc gras·
blv̊men māger leýen·
ſwer dē wint̾ trurig wc·
der ſehe an dē meiē·
wie d̾ heide vn̄ ǒwe hat bekleidet·
wie dú kleinú vogellī vō vngemuͤte ſcheidet·
der des meiē kleider ſneit·
d̾ hat ſchoͤn vn̄ zv́hte vil an mis h̾zen trut geleit
wúnſchēt dc ſi minen pin·
wēde dc ir iem̾ ſelig mvͤſſēt ſin·
ER gewīne niem̾ has·
vō dekeinē wibe·
wer mir gūne dc mir das
w̾de vō ir libe·
da mich ir mīne hat v̾ſeret·
ī mis h̾ze grūt ſi minē ſendē kvmb̾ meret·
da ſol niemā arzat weſen·
wā der liebē rot̾ mūt ob ich ſend̾ ſol geneſē·
wúnſchēt dc ſi minen pin·
wēde dc ir iem̾ ſelig mvͤſſēt ſin·[WS 1]
Hab ich gen ir valſchē mv̊t·
der ich ſend̾ diene·
ſo geſchehe mir niem̾ gv̊t·
vn̄ muͤſſe ich vō wiene·
niem̾ komē mit froͤiderichē můte·
dc ſol ſi gelǒbē wol· dc reine wib dú gůte·
lopte ich ſi was ſolt ir das
ſwc ich ſēder lobes kan· got hat ſi geh̾et bas·
Wúnſchēt dc ſi minen pin·
wēde dc ir iem̾ ſelig mvͤſſēt ſin·[WS 2]