Seite:1859 Dalimils Chronik von Böhmen.djvu/231

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Er wolt dez nit virgeszin.
Er bat im sin ohim
Czu hulf her in Behem
Margraf Friderich vnd Miszin.

5
Vel wonten, er wolte si czu riszin

Vnd daz is ouch vor neit were,
Daz er waz komen her
Vnd mit luczil volkis dorch daz lant
Reit, daz im waz wal bekant.

10
Daz rich virwust er zcu hant

Vnd daz wert im nimant.
Er gink ane forchte for den Berg.
Der herczog waz by herberg
Czu Prage in der stat.

15
Er wolt dy Misner drat

In dy stat durch dy gaszin
Mit wiln gern han gelaszin.
Do teiltin sich dy Prager
Di Tutschin bisundir,

20
Vnd do dy Wolfram

Warn mit den Behem,
Wolfel Camerer aleine
Wolt sich mit den sinen vereinen
Mit den Misern,

25
Daz si sahin gern,

Vnd do dy Misner
In dy stat woltin her,
Daz andir teil wolt ez wern
Vnd si widir kern.

30
Witk Ogerczouicenser waz,

Der vf der burg saz,
Der ging gar drat
Gewafnit in di stat.
Er wolt dy burgir behelfin bald,

35
Ob er nit mochte wider der gwald,

Wan dy Wolfram schufin,
Daz dy von Kocricz liffin
Mit in vf daz spital.

Empfohlene Zitierweise:
Dalimils Chronik von Böhmen. Stuttgart 1859, Seite 231. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:1859_Dalimils_Chronik_von_B%C3%B6hmen.djvu/231&oldid=- (Version vom 15.8.2018)
Von „https://de.wikisource.org/w/index.php?title=Seite:1859_Dalimils_Chronik_von_Böhmen.djvu/231&oldid=3418751“