oder sunst sein[1] katzen rayn
Ein hagel syeden im grind lusen
In eim tag sein erb verbusen
Hoeren wachsen alles graß
vor yderman verstone baß
Mit krieg vnd heffen brechen schaden
Den armen essel vber laden
Bey der nasen fieren mich
vnderm huetlin süberlich
Spilen \ durch ein bret erliegen
mit rot welsch alle welt betriegen
Mit andrem dreck sich weschen reyn
verdowen hertte kyssel stein
Den affen lernen gigen schon
gestrifflet sein \ vnd mümlen gon
Mit zwey liecht dem teuffel borgen
vnd nür die foegly lassen sorgen
Auch ein dreck wider stincken machen
mit iuden spiessen sich besachen
Nach der decken strecken sich
Dieb ab dem galgen knipffen glich
Vnd sie wider hencken dran
vff stecken rytten ynhar gan
Eyer wannen \ eng gebrissen
vnd vff den grossen huffen schissen
Guot frum buob sein bey guotem wein
O legen die all in dem reyn
Die in dem haupt solch schwindel tragen
