Seite:Michael Hummelberger. Eine biographische Skizze.djvu/32

aus Wikisource, der freien Quellensammlung
Zur Navigation springen Zur Suche springen
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Hoc superest, caecas ut caecus transvehat umbras
     Portitor: adcipiet te, bone Caece, Charon.
 Τέλος.


VIII.
Jacobus Sturmus Mich. Humelbergio S. p. d.

Epistolam virginis Augustanae ad Jo. Kaisersbergium B. M. a me exscriptam huic nuntio ad te perferendam dedi. Ex ea quantum ego coniectura assequi possum intelliges hanc ciborum abstinentiam naturali aliqua causa et non miraculo (ut multi putant) ortam. Cuperem itaque si doctissimo homini Jacobo Fabro eam missurus es sciscitareris, quonam modo possibile sit, ut humor iste quem radicalem physici dicunt atque in eo vitam consistere volunt, tanto iam tempore a calore naturali non sit absumptus, cum nullo extrario reparari videatur, nisi forte aer ipse cibi potusque vicem gerat. Jo. Franciscus Picus libro praenotionum tertio, capite quarto et huius et aliorum, qui cibos ad aliquot annos abstinuerunt, meminit. Sed modum quo id fiat non affert. Cuperem itaque Fabri sententiam audire. Tu si quid habes quo id fieri credis, certiorem me facito. Bene vale et cum per otium licuerit doctissimarum literarum tuarum me participem redde. Ex Friburgo. Raptim XX. D. mensis Augusti Anno Christianae salutis MDXI.


IX.
Hieronymus Aleander Mich. Humelbergio suo S.

Ex quo a nobis discessisti, nihil iucundius tuis literis. Nihil mihi gratius facere potes quam ad me saepius scribere. Ego ad te quando licebit per otium. Id propterea dico, quod ex quo coepimus praelegere, sum plus etiam quam vellem occupatus. Idque in his canicularibus diebus. Verum ut de nobis aliquid scias, quoniam ab aliis non tam facile tibi hoc scriptum iri arbitror, paucis accipe. Coepi Ausonium praelegere die Mercurii tertio kls Augusti tanto hominum concursu (nam scis, quanta fuerit expectatio), ut neque porticus,

Empfohlene Zitierweise:
Adalbert Horawitz: Michael Hummelberger. Eine biographische Skizze. S. Calvary & Co., Berlin 1875, Seite 32. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Michael_Hummelberger._Eine_biographische_Skizze.djvu/32&oldid=- (Version vom 1.8.2018)